1897 წლის 9 სექტემბერს გაიმართა ქართველთა შორის წერა-კითხვის გამავრცელებელი საზოგადოების ოცდამეოთხე სხდომა. სხდომაზე წიგნების ანგარიშში ზაქარია გრიქუროვს მისცეს 25 მან., ისიდორე ლეჟავას – 3 მან. და 56 კაპ., გრიგოლ ტატიშვილს – 20 მან. ბიბლიოთეკის წიგნების დასაკაზმში გ. კოტეტიშვილს – 17 მან. და მაღაზიის წიგნების დასაკაზმში – 11 მან., ნიკოლოზ ბადრიძეს – 9 მან., ექვთიმე თაყაიშვილს გომარეთში წასასვლელი გზის ფული – 45 მან., დურგალს – 22 მან., კავკავის სკოლისთვის წიგნების გასაგზავნი – 8 მან., როდონოვის ქალს – 88 კაპ., ნიკოლოზ ავალიშვილს – 24 მან., ალ. არაბიძესთან წიგნების გასაგზავნი – 20 კაპ. და გადაიხადეს საზოგადოების სხვა ხარჯი, რამაც სულ შეადგინა 200 მანეთი და 51 კაპიკი.

წყარო: ქართველთა შორის წერა-კითხვის გამავრცელებელი საზოგადოების გამგეობის სხდომის ოქმები | 1897-1898
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი