1908 წელს თბილისის გუბერნიის თავადაზნაურობის წინამძღოლისა (გიორგი ბაგრატიონ-დავითაშვილი) და მდივნის (ილია ზურაბიშვილი) მიერ ხელმოწერილი ქართველთა შორის წერა-კითხვის გამავრცელებელი საზოგადოების გამგეობისთვის გაგზავნილი შეტყობინების თანახმად, ილია ჭავჭავაძის ძეგლის ასაგებად შესაწირი თანხის მოძიების საკითხის განსახილველად უნდა მიემართათ უახლოესი საგუბერნიო კრებისთვის. კრება უნდა გამართულიყო შემოდგომაზე ან მომავალი წლის დამდეგს. დელეგატებად დანიშნულები იყვნენ დიმიტრი ერასტის ძე ჩოლოყაშვილი და ილია ელეფთერის ძე ზურაბიშვილი.

წყარო: ქართველთა შორის წერა-კითხვის გამავრცელებელი საზოგადოების დადგენილებები და სხვა მიწერ-მოწერა ილია ჭავჭავაძის ძეგლის დადგმის შესახებ | 1907-1910
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული, რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი