1880-1881 წლების ქართველთა შორის წერა-კითხვის გამავრცელებელი საზოგადოების წლიური ანგარიშის მიხედვით, თბილისის სკოლაში სულ 60 მოსწავლე, ორივე სქესის ბავშვები, უნდა მიეღოთ. მოსწავლეთა უმრავლესობას ათი სასწავლო თვის განმავლობაში ყოველი თვის ბოლოს სწავლის საფასური, თითო მანეთი, უნდა გადაეხადა. მცირე ნაწილი კი საოსტატო გადასახადისაგან უნდა განთავისუფლებულიყო. სკოლაში მისაღებ მოსწავლეთა ასაკი 12 წელზე მეტი არ უნდა ყოფილიყო. ხელს აწერენ: ილია გრიგოლის ძე ჭავჭავაძე, იაკობ სიმონის ძე გოგებაშვილი, იონა მიხეილის ძე მეუნარგია, რაფიელ დავითის ძე ერისთავი, ივანე გიორგის ძე მაჩაბელი, გიორგი მიხეილის ძე თუმანიშვილი (თუმანოვი).

წყარო: ქართველთა შორის წერა-კითხვის გამავრცელებელი საზოგადოების წლიური ანგარიშები | 1880-1881
წყაროს ტიპი: საარქივო დოკუმენტი
გამოცემის ადგილი: თბილისი
ენა:ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი