1911 წლის პირველ ნოემბერს სერგი რომანოზის ძე გორგაძემ ქართველთა შორის წერა-კითხვის გამავრცელებელი საზოგადოების გამგეობას მისწერა, რომ როცა წიგნსაცავიდან ხელნაწერი ეძლეოდა ან ეგზავნებოდა ვინმეს, წიგნსაცავის დავთარში უნდა მიეთითებინათ წიგნის ნომერი, სახელწოდება, სიგრძე-სიგანის ზომა, მასალა (ქაღალდი იყო თუ პერგამენტი), ფურცელთა ან გვერდთა რაოდენობა, ყდა და ა. შ. ხოლო დასურათებული წიგნის შემთხვევაში სასურველი იყო მათი მოკლე აღწერაც, იქვე ხელი უნდა მოეწერა წიგნის წამღებს ან იმ პირს, რომელმაც წიგნი გააგზავნა.

წყარო: ქართველთა შორის წერა-კითხვის გამავრცელებელი საზოგადოების მოხსენებები, ოქმები და ანგარიშები ქართული მუზეუმისა და სამუზეუმო ექსპონატების შეძენის შესახებ | 1910-1913
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული, რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი