1914 წლის 9 ნოემბერს ქართველთა შორის წერა-კითხვის გამავრცელებელი საზოგადოების წლიურ კრებაზე გამგეობის წევრმა დავით გიორგის ძე კარიჭაშვილმა განაცხადა, რომ გამგეობას ჰქონდა ვადით შენახული ფულის ბანკის ბილეთები და სახელმწიფო ბანკის პროცენტიანი ქაღალდების მოწმობები. მისი აზრით, შეუძლებელი და მოუხერხებელი იყო სარევიზიო კომისიას ბანკებში ევლო და ბილეთების ავთენტურობა შეემოწმებინა. ასევე სკოლების რევიზია გაეკეთებინა. კარიჭაშვილის აზრით, საზოგადოების გამგეობის შუამდგომლობის გარეშე ბანკის გამგეობა ბილეთების შემოწმების უფლებას არავის მისცემდა.

წყარო: ქართველთა შორის წერა-კითხვის გამავრცელებელი საზოგადოების წლიური ჩვეულებრივი კრების ოქმები | 1914-1914
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი