1921 წლის 27 ივნისს ქართველთა შორის წერა-კითხვის გამავრცელებელი საზოგადოების მთავარ გამგეობას დ. კარიჭაშვილმა განუცხადა, რომ 13 მაისის სხდომაზე მთავრობის მხრიდან საზოგადოების დახურვაზე არავის არ უსაუბრია. თქმული იყო მხოლოდ ის, რომ საბჭოთა მართვა-გამგეობის სისტემა არ სცნობდა კერძო საზოგადოებრივ ორგანიზაციებს და ყველაფერს სახელმწიფოს უქვემდებარებდა, კონტროლსაც აწესებდა და ხელმძღვანელობასაც თვითონ აწარმოებდა. შესაძლებელი იყო სახელმწიფოს სრულებით შეეცვალა საზოგადოების ორგანიზაცია. კარიჭაშვილის თქმით, პრეზიდიუმს არანაირი შიში არ გააჩნდა სახელმწიფოს წინაშე, ამაზე მეტყველებდა მისი მოქმედება და მთავრობასთან მიწერ-მოწერა, რომელზეც კიკვაძეც საუბრობდა.

წყარო: ქართველთა შორის წერა-კითხვის გამავრცელებელი საზოგადოების გამგეობის სხდომების ოქმები | 1921-1921
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი