1888 წლის 29-30 მაისის ქართველთა შორის წერა-კითხვის გამავრცელებელი საზოგადოების წლიურ კრებაზე ივანე მაჩაბელმა კრებას შესთავაზა სამი წინადადება: გამგეობის მოქმედების ანგარიში ერთი თვით ადრე დაებეჭდათ და ყველა წევრისა და „ივერიის“ ყველა ხელისმომწერისთვის დაერიგერბინათ; კ. მუხრანსკის 1000 მანეთიანი ბილეთი გაენაღდებინათ, რადგან პროცენტი იკარგებოდა; იაკობ გოგებაშვილის „ბუნების კარი“ და „დედა ენა“ დაებეჭდათ, რომ წიგნის მაღაზიების მოგება საზოგადოებას დარჩენოდა. კრებამ დაადგინა მაჩაბლის პირველი და მეორე წინადადება მიეღო, მესამე წინადადების გადაწყვეტა კი გამგეობას მიენდო.

წყარო: ქართველთა შორის წერა-კითხვის გამავრცელებელი საზოგადოების მორიგი და საგანგებო კრების ოქმები და წლიური ანგარიშები | 1887-1888
წყაროს ტიპი: საარქივო დოკუმენტი
გამოცემის ადგილი: თბილისი
ენა:ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი