1908 წლის 27 იანვარს ქ. შ. წ. კ. გ. საზოგადოების გამგეობისა და საგანგებო კომისიის გაერთიანებულმა კრებამ დაწვრილებით განიხილა ნიკო ცხვედაძის მიერ წარდგენილი ცნობები ილია ჭავჭავაძის ქონებისა და ვალების შესახებ: განსვენებულმა "საზოგადოებას" უანდერძა სოფლის მამული (554 დესეტინა მიწა, კარგად გამართული წისქვილი) და ერთსართულიანი ქვის სახლი თბილისში, ანდრეევის ქუჩაზე, – ორივე მათგანი დაგირავებული იყო საადგილმამულო ბანკში. აქედან, პირველზე დარიცხული ვალი შეადგენდა 12019 მან.,44 კაპიკს, ხოლო მეორეზე – 7420 მანეთს. ვალი ქონების მიმღებს უნდა გადაეხადა.

წყარო: ოლღა თადეოზის ასულ ჭავჭავაძის განცხადება ილია ჭავჭავაძის მიერ ნაანდერძევი ქონების ქართველთა შორის წერა-კითხვის გამავრცელებელი საზოგადოებისათვის გადაცემის შესახებ | 1908-1919
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული, რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი