1922 წლის 17 აგვისტოს ქართველთა შორის წერა-კითხვის გამავრცელებელი საზოგადოების სხდომაზე ვარლამ ბურჯანაძემ ყოველკვირეული გაზეთის „წერა-კითხვის გამავრცელებელი საზოგადოების უწყებები“ გამოცემის საკითხი დასვა. მასში უნდა დაბეჭდილიყო განცხადებები და ცნობები საზოგადოების ღონისძიებათა შესახებ. გამგეობამ ბურჯანაძის წინადადება მოიწონა და ამ საქმის მოგვარება ნინო ნაკაშიძეს, ვარლამ ბურჯანაძეს და ივანე ელიაშვილს დაავალა.

წყარო: ქართველთა შორის წერა-კითხვის გამავრცელებელი საზოგადოების გამგეობის სხდომების ოქმები | 1922-1922
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი