1921 წლის თებერვალში, ექვთიმე თაყაიშვილის რჩევის თანახმად, დავით კარიჭაშვილმა საზოგადოების წიგნსაცავ-მუზეუმიდან ზოგიერთი ნივთი გადაარჩია, 3 ყუთში ჩაალაგა და წიგნსაცავის ბეჭდით დაბეჭდა. ყუთებში ადგილის სიმცირის გამო მან წიგნსაცავის ხელნაწერები მუზეუმის ხელნაწერებთან ერთად ცალკე ყუთში ჩააწყო. 20 თებერვალს მთავრობამ მის მიერ დახარისხებული მასალა საისტორიო საზოგადოებისა და საეკლესიო მუზეუმის ყუთებთან ერთად მთავრობის მოხელის თანხლებით დასავლეთ საქართველოში გაგზავნა.

წყარო: ქართველთა შორის წერა-კითხვის გამავრცელებელი საზოგადოების გამგეობის სხდომების ოქმები | 1921-1921
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი