1919 წლის 18 იანვარს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს ვარიანის სკოლის უფროსი მასწავლებლის, მიხეილ ჩიქვინიძის ცნობა ვარიანის საზოგადოებისგან არჩეული 14 კაციანი კომისიის მიერ სკოლის ასაშენებლად შესფერისი ადგილის (ოთხასი კვადრატი საჟენი) მოძებნის შესახებ. საზოგადოება რწმუნებულის გაგზავნას და მშენებლობის დაუყოვნებლივ დაწყებას ითხოვდა. ყოველგვარი საჭირო მასალის საკუთარი ხარჯით მიზიდვას და ფიზიკურად დახმარებას სოფელი თავის თავზე იღებდა. გამგეობამ სასკოლო სექციის დადგენილების თანახმად, დათვალიერების საკითხი გადადო.

წყარო: ქართველთა შორის წერა-კითხვის გამავრცელებელი საზოგადოების გამგეობის სხდომების ოქმები | 1919-1919
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი