1919 წლის 1-ლ თებერვალს დავით კარიჭაშვილის თავმჯდომარეობით გამართულ ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს ალექსანდრე მითაიშვილის თხოვნა იმის შესახებ, რომ დაბრუნებოდა დისშვილის, დომენტი ართილაყვას მიერ ტილოზე დახატული ილია ჭავჭავაძისა და ეგნატე ნინოშვილის სურათები, რომლებიც საზოგადოების კანცელარიაში ინახებოდა. გამგეობამ მისი თხოვნა დააკმაყოფილა.

წყარო: ქართველთა შორის წერა-კითხვის გამავრცელებელი საზოგადოების გამგეობის სხდომების ოქმები | 1919-1919
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი