1919 წლის 22 თებერვლის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს განათლების სამინისტროს უწყება, რომ პარლამენტის საერთო დადგენილების თანახმად, ყველა სკოლა უნდა გადასცემოდა ერობებს და ამის შესახებ საზოგადოების გამგეობას თავისი გადაწყვეტილება უნდა ეცნობებინა სამინისტროსთვის. გამგეობამ დაადგინა, რომ ის პრინციპულად თანახმაა, გადასცეს სკოლები ერობებს, ხოლო ვიდრე ერობები მიიღებდეს სკოლებს, გამგეობა საჭიროებს დახმარებას, რომ სკოლებმა მოქმედება არ შეწყვიტონ.

წყარო: ქართველთა შორის წერა-კითხვის გამავრცელებელი საზოგადოების გამგეობის სხდომების ოქმები | 1919-1919
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი