1919 წლის 22 თებერვლის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს ორი მაჰმადიანი ქართველი მოწაფის მურად გულთაიშვილის და სულეიმან კაიკაციშვილის თხოვნა ბათუმის გიმნაზიაში გადაყვანის შესახებ. ხსენებული მოწაფენი, რომელთაც გამგეობა აძლევდა იმ ჟამად თვეში ორივეს 100 მანეთს, ბათუმში გიმნაზიის გახსნის გამო თხოულობდნენ იმ გიმნაზიაში გადაყვანას, რადგან მათი აზრით, საჭირო იყო, რაც შეიძლება მეტი ქართველი მოწაფის ხსენებულ გიმნაზიაში მოთავსება. გამგეობამ მათი თხოვნა დააკმაყოფილა.

წყარო: ქართველთა შორის წერა-კითხვის გამავრცელებელი საზოგადოების გამგეობის სხდომების ოქმები | 1919-1919
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი