1919 წლის 22 თებერვლის ქართველთა შორის წერა-კითხვის გამავრცელებელი საზოგადოების მთავარი გამგეობის სხდომაზე განიხილეს წიგნის გამომცემელი სექციის დადგენილება, რომ უნდა დაიბეჭდოს და გამოიცეს ილია ჭავჭავაძის „კაკო ყაჩაღი“ და აკაკი წერეთლის „ნათელა“ (თითო 2000 ცალი), რადგან ამ წიგნებზე დიდი მოთხოვნაა, მაღაზიაში კი არ მოიპოვება გასაყიდად. აკაკის „ნათელა“ უნდა შეეძინათ საისტორიო საზოგადოებისგან, რომელსაც ნაანდერძევი ჰქონდა მისი ყველა ნაწერი, გარდა კრილოვის არაკებისა. გამგეობამ დაამტკიცა სექციის დადგენილება.

წყარო: ქართველთა შორის წერა-კითხვის გამავრცელებელი საზოგადოების გამგეობის სხდომების ოქმები | 1919-1919
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი