საქართველოს პროსოპოგრაფია

ფაქტის ID: 6428

ფაქტი 6428

1917 წლის 3 აგვისტოს გაზეთში „ხმა ქართველი ქალისა“ N 17 გამოქვეყნდა „მოწოდება ძველი რევოლუციონერებისა“. ძველი რევოლუციონერების ჯგუფი მოწოდებით მიმართავს რუსეთის მოქალაქეებს, რომ რუსეთის რევოლუციას და თვით რუსეთს საშიშროება ემუქრება, რადგან აგიტაცია და შეთქმულება წარმოშობს არეულობას ზურგში და ღალატს ფრონტზე. რევოლუციისა და ქვეყნის გადასარჩენად მუშათა, ჯარისკაცთა და გლეხთა დეპუტატების საბჭომ გადაწყვიტა მიმართოს განსაკუთრებულ ზომებს. მათ აღჭურვეს უაღრესი უფლებით დროებითი მთავრობა ა. ფ. კერენსკის თავმჯდომარეობის ქვეშ, მისცეს სრული უფლება და გამოაცხადეს ის რევოლუციის მხსნელ მთავრობად. დამფუძნებელი კრების მოწვევამდე დროებითი მთავრობა ერთადერთი უფლებამოსილი მთავრობაა და ერთადერთი მმართველი რუსეთისა. დღეიდან ყველამ უნდა დაივიწყოს პარტიული კამათი და გაერთიანდნენ განურჩევლად პარტიისა და კლასისა მტრის წინააღმდეგ ერთი მიზნისთვის, სამშობლოს გადასარჩენად. მოწოდებას ხელს აწერენ: ა. არგუნოვი, ე. ბრეშკო-ბრეშკოვსკაია, ლ. ბულანოვი, ლ. დეიჩი, მ. ვ. ნოვორუსკი, ვ. პანკრატოვი, გ. ვ. პლეხანოვი, ა. მ. პრუგანოვი, ვ. ფიგნერი, ნ. ვ. ჩაიკოვსკი, ვ. ჩენოვი და სხვა.


საქართველოს პროსოპოგრაფიულ მონაცემთა ბაზა (თბილისი, 2017). ილიას სახელმწიფო უნივერსიტეტის ლინგვისტურ კვლევათა ინსტიტუტი. ფაქტი 6428; ხელმისაწვდომია: . წვდომის თარიღი: .