1911 წლის პირველ ნოემბერს სერგი რომანოზის ძე გორგაძემ ქართველთა შორის წერა-კითხვის გამავრცელებელი საზოგადოების გამგეობას მისწერა, რომ წიგნსაცავი არ იყო მოწყობილი და თითქმის შეუძლებელი იყო იქ მუშაობა. მუშაობა მოუხერხებელი იყო დილით და განსაკუთრებით საღამოს მოსიარულე პირთა ხმაურის, დროის შეუსაბამობისა (წიგნსაცავი მაშინ იკეტებოდა, როცა მკვლევარს მუშაობის დაწყება შეეძლო, 7-8 საათზე) და ზამთარში სიცივის გამო. მისი აზრით, კარგი იქნებოდა თუ საზოგადოება მკვლევრებს ნებას დართავდა ხელნაწერი შინ წაეღოთ, ასევე თუ შემოიღებდა ისეთ წესს, რომ ხელნაწერი ყველა სამეცნიერო დაწესებულებისთვის გაეგზავნათ, როგორც თბილისში, ისე თბილისის გარეთ, რუსეთსა და ევროპაში.

წყარო: ქართველთა შორის წერა-კითხვის გამავრცელებელი საზოგადოების მოხსენებები, ოქმები და ანგარიშები ქართული მუზეუმისა და სამუზეუმო ექსპონატების შეძენის შესახებ | 1910-1913
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული, რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი