1911 წლის 9 ივნისს ჩატარებული კრების მიხედვით, სამუზეუმო კომიტეტმა გადაწყვიტა მუზეუმისთვის შენობის ასაშენებლად ადგილი ეყიდა ცისკარაშვილის ქვრივისგან (ერთი მეთოთხმეტედი ნაწილი) და ბედ 550 მანეთი მიეცა. სამუზეუმო კომიტეტმა ქართველთა შორის წერა-კითხვის გამავრცელებელ საზოგადოებას სთხოვა აღნიშნული თანხა მათთვის იმ თანხიდან გადაეცა, რომელიც გადადებული იყო მუზეუმისთვის ადგილის შესაძენად. მოხსენებას ხელს აწერს სამუზეუმო კომიტეტის თავმჯდომარე ექვთიმე სიმონის ძე თაყაიშვილი. კომიტეტის წევრები: ალ. პ. სარაჯიშვილი, დავით კარიჭაშვილი, ალექსანდრე ყიფშიძე და ვახტანგ მუსხელაშვილი.

წყარო: ქართველთა შორის წერა-კითხვის გამავრცელებელი საზოგადოების მოხსენებები, ოქმები და ანგარიშები ქართული მუზეუმისა და სამუზეუმო ექსპონატების შეძენის შესახებ | 1910-1913
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული, რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი