1912 წლის 28 თებერვალს ქართველთა შორის წერა-კითხვის გამავრცელებელი საზოგადოების სხდომაზე ალექსანდრე ყიფშიძემ წარმოადგინა ცნობა, რომ მუზეუმის აშენებასთან დაკავშირებით საზოგადო კრებამ ჩამოაყალიბა სამუზეუმო კომისია შემდეგი შემადგენლობით: ნიკო ელიავა, სიმონ კლდიაშვილი, დავით ჯორჯაძე, იპოლიტე ვართაგავა და ვახტანგ მუსხელიშვილი, ხოლო მათ კანდიდატებად დაასახელეს: ვახტანგ ღამბაშიძე, ქრისტეფორე ციცქიშვილი, ნიკოლოზ ჭიჭინაძე და დავით დავითაშვილი. სამუზეუმო კომისიას თავმჯდომარეობდა ექვთიმე თაყაიშვილი. საბოლოოდ სამუზეუმო კომისიის რჩევით გამგეობამ ვერაზე შეიძინა ადგილი „ფიქრის გორად“ წოდებული, რომლის ღირებულება იყო 60000 მანეთი.

წყარო: ქართველთა შორის წერა-კითხვის გამავრცელებელი საზოგადოების გამგეობის სხდომის ოქმები | 1912-1912
წყაროს ტიპი: საარქივო დოკუმენტი
გამოცემის ადგილი: თბილისი
ენა:ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი