1919 წლის 12 ნოემბერს მალაქია გრიგოლის ძე გობეჯიშვილი სწერს განათლების მინისტრს, რომ რაჭის მაზრის 60 პროცენტზე მეტი წერა-კითხვის უცოდინარია. როგორც მცირეწლოვანთათვის, ისე უფროსთათვის სკოლები საკმარისი არ იყო. ერობის გამგეობას განზრახული ჰქონდა მთელი რიგი საკვირაო სკოლების გახსნა. ამისათვის არ არსებობდა არც სასურველი კადრები და არც საკმარისი სახსრები, რისთვისაც აუცილებელი იყო მთავრობის დახმარება. დაარსებული იყო ხუთი საკვირაო სკოლა. წარდგენილ ფურცელზე იყო ამ სკოლების და სკოლის გარეშე განათლების ხარჯთაღრიცხვა. მაზრის გამგეობა სთხოვდა განათლების მინისტრს შუამდგომლობას მთავრობის წინაშე, რათა გამგეობის განკარგულებაში გადადებულიყო წელიწადში 160 ათასი მანეთი მაზრაში საზოგადო სკოლის გარეშე განათლებისთვის.

წყარო: მიმოწერა რაჭა-ლეჩხუმში საკვირაო სკოლების გახსნის შესახებ. ახლადგახსნილი სკოლების მოსწავლეთა სია | 1919-1920
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი