ქაიხოსრო (ქაქუცა) იოსების ძე ჩოლოყაშვილი

საქართველოს დემოკრატიული რესპუბლიკის თავდაცვის მინისტრის მოადგილე

1922 წლის თებერვალში სიღნაღის მაზრის ერთ-ერთ სოფელში ქაქუცა ჩოლოყაშვილს შეხლა-შემოხლა მოუხდა ხელისუფლებასთან და ამის გამო ციხში დაიჭირეს. ეს ყველაფერი სწორედ იმ პერიოდში ხდებოდა, როცა სიღნაღის რევკომში ჩეკას საიდუმლო ბრძანება მიიღეს იმის შესახებ, რომ თუკი ქაქუცა ჩოლოყაშვილი გამოჩნდებოდა დატუსაღებინათ დაგაეგზავნათ თბილისში. ამ რევკომში მდივნად მსახურობდა ქაქუცას ათასეულის ერთი ყოფილი ოფიცერი, კაპიტანი დათა გომელაური. ჩეკაში მიღებული ბრძანება მან გადამალა და ჩოლოყაშვილის დაჭერის ამბავი მის მეგობრებს შეატყობინა. იმავე ღამეს რევკომს თავს დაესხნენ , გალახეს მილიცია და გაათავისუფლეს ქაქუცა. ორი- სამი დღე ალვანის ტყეში დაბანაკდნენ მიხა ბალიაშვილი, ვანო თამაზაშვილი, სოსო ლოსაბერიძე, მიშა ნაცვლიშილი, ს. ჩითინაშვილი და ქიზიყელი ბიჭი ქარუმა.

წყარო: მოგონებები შეფიცულთა რაზმზე
წყაროს ტიპი: წიგნი
გამოცემის ადგილი: თბილისი
ენა: ქართული
დაცულია: საქართველოს პარლამენტის ეროვნული ბიბლიოთეკა