გრიგოლ სპირიდონის ძე ლორთქიფანიძე

პოლიტიკური, სახელმწიფო და საზოგადო მოღვაწე, დამოუკიდებელი საქართველოს სამხედრო მინისტრი, განათლების მინისტრი

1920 წლის 11 აგვისტოს „ერთობაში“ დაბეჭდილი სამხედრო მინისტრ გრ. ლორთქიფანიძის ბრძანებაში რესპ. ჯარებისადმი ნათქვამია: 28 ივლისს სანაპიროს ოთხ ჯარისკაცს ზემდეგ მამულიშვილის მეთაურობით შეუნიშნავთ, რომ შეიარაღებული შიხლელი თათრები საზღვარგარეთ მიერეკებოდნენ საქონელს და ჯარისკაცებისთვის სროლა აუტეხავთ ერთი მოუკლავთ, ერთი დაუჭერიათ და საქონელი წაურთმევიათ. მინისტრი მოვალეობის შესრულებისთვის აჯილდოებს ზემდეგ მამულიშვილს 1000 და ჯარისკაცებს – 500-500 მან-ით.

წყარო: ერთობა, 1920 | 11 აგვისტო
წყაროს ტიპი: საარქივო დოკუმენტი
გამოცემის ადგილი: თბილისი
ენა: ქართული
დაცულია: საქართველოს პარლამენტის ეროვნული ბიბლიოთეკა