1919 წლის 30 იანვარს გზათა მინისტრის ფინანსთა მინისტრისთვის გაგზავნილ ტელეფონოგრამაში ნათქვამია, რომ საოლქო გზათა სამინისტროსთან შექმნილი იყო კომისია გემებისა და ფოთის პორტის ქონების მისაღებად. კომისია უახლოეს დღეებში ფოთში უნდა გასულიყო. ოლქის განკარგულებაში საზღვაო საქმის სპეციალისტების არარსებობის გამო კომისიაში მიიწვიეს პირები, რომლებიც დღიურ ანაზღაურებას იღებდნენ და თუ ქონების გადაცემა დროებით შეჩერდებოდა, ეს გარემოება, სანაოსნო მიმოსვლის შეჩერების გარდა, გამოიწვევდა არამწარმოებლურ (კომისიის წევრთა ანაზღაურების) ხარჯებს. ტელეფონოგრამას ხელს გზათა მინისტრის მაგივრად ისიდორე მალანია აწერდა.

წყარო: გზათა სამინისტროს ბრძანებები და განკარგულებები ფოთის პორტის მიერ გემების მიღების და შავ ზღვასა და მდინარე რიონზე ნაოსნობის გახსნის შესახებ | ფონდი 1881 | ანაწერი 1 | საქმე 2
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:რუსული
დაცულია: საქართველოს იუსტიციის სამინისტროს სსიპ საქართველოს ეროვნული არქივი