1920 წლის 21 ნოემბერს ქართველთა შორის წერა-კითხვის გამავრცელებელი საზოგადოების მთავარმა გამგეობამ განცხადება მიიღო საზოგადოების რწმუნებულ იოსებ გიორგის ძე ავალიშვილისგან. ის, წერდა, რომ თევდორე კიკვაძის მიერ მთავარი გამგეობისთვის გაგზავნილი განცხადება, რომლის ერთ-ერთ პუნქტში საზოგადოების „ფინანსურ-ეკონომიკური“ კრიზისი იყო ნახსენები, ძალიან ცუდად აისახებოდა საზოგადოების განვითარებაზე, მთავრობას გაუჩნდებოდა ეჭვი საზოგადოების მიმართ და ზოგადად არ წაადგებოდა რწმუნებულის მხრიდან მსგავსი განცხადების გაკეთება საზოგადოებას. ი. ავალიშვილის თქმით თ. კიკვაძის მიერ შედგენილ განცხადებაზე, რომელსაც ხელს აწერდა 15 რწმუნებული, მისი ხელმოწერაც იყო და ამის გამო ის მწუხარებას გამოთქვამდა, რადგან განცხადებას განხილვის გარეშე მოაწერა ხელი.

წყარო: ქართველთა შორის წერა-კითხვის გამავრცელებელი საზოგადოების რწმუნებულთა კრების ოქმები და გამგეობის მოხსენებები | 1920-1920
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი