1917 წლის 17 აპრილს გაზეთი „ხმა ქართველი ქალისა“ N2 აქვეყნებს ამონარიდებს გაზეთიდან „ზემლაია ი ვოლია“, რომელიც უტაქტობას უწოდებს ბოლშევიკების ლიდერის, ლენინის საქციელს, რომელმაც ისარგებლა გერმანელების დახმარებით რუსეთში წამოსვლის დროს, ხოლო შემდეგ ომის წინააღმდეგ გაილაშქრა და რევოლუციის ინიციატორად საფრანგეთისა და ინგლისის საელჩოები გამოაცხადა. ასევე, „რაბოჩაია გაზეტას“ აზრით, ლენინი ხელს უწყობდა რეაქციას, და წერდა, რომ გერმანიამ ლენინი თავისუფლად გაატარა თავის საზღვრებში, სამშობლოში გამომგზავრებული ემიგრანტები მისმა „პირატებმა“ გზაში დაღუპეს და მხოლოდ 5 კაცი გადარჩა.

წყარო: ხმა ქართველი ქალისა, 1917 | 17 აპრილი
წყაროს ტიპი: პერიოდიკა
გამოცემის ადგილი: ქ. ქუთაისი
ენა:ქართული
დაცულია: საქართველოს პარლამენტის ეროვნული ბიბლიოთეკა