1917 წლის 10 აგვისტოს გაზეთის, „ხმა ქართველი ქალისა“ N18 ცნობით, მილიციის უფროსმა, პორუჩიკმა ივ. ჟღენტმა პასუხისგებაში მისცა ჯ. ჯორჯიკია, აკაკი ფაღავა და ექიმი ჩხენკელის მეუღლე. მათ მილიციის შედგენილი ოქმით ბრალი ედებათ მილიციის წინააღმდეგ აგიტაციის გაწევასა და მილიციის უფროსისთვის ძველი რეჟიმის წარმომადგენლის სახელწოდებაში. აგრეთვე პასუხისგებაში მისცეს სტ. აბაშიძე, რომელიც ტროტუარზე ველოსიპედით მიდიოდა, დაეჯახა ბეჟანოვის ქალს და წააქცია. აბაშიძეს შენიშვნა მისცეს, რაც მან იუკადრისა და შემნიშვნელს გაუძალიანდა. ამ დროს მასთან მივიდა მილიციის უფროსი, ჟღენტი და წესიერებისკენ მოუწოდა, რაზეც აბაშიძემ უპასუხა, რომ იგი მას დააპატიმრებს სოც.-რევ. ჯარის დახმარებით და დაუძახა გზად მიმავალ 110-ე პოლკის ჯარისკაცებს, რომ დაეჭირათ მილიციის უფროსი.

წყარო: ხმა ქართველი ქალისა, 1917 | 10 აგვისტო
წყაროს ტიპი: პერიოდიკა
გამოცემის ადგილი: ქ. ქუთაისი
ენა:ქართული
დაცულია: საქართველოს პარლამენტის ეროვნული ბიბლიოთეკა