რეგისტრირებული ფაქტები2564
ფილტრი:
სორტირება ახალი ჩანაწერების მიხედვით
1913
ტიპი: გარდაცვალება
1913 წლის 20 ოქტომბერს ქართველთა შორის წერა-კითხვის გამავრცელებელი საზოგადოების კავკავის განყოფილების საერთო კრების დაწყებამდე მონაწილეებმა ფეხზე ადგომით პატივი მიაგეს სახელოვანი პედაგოგის – იაკობ გოგებაშვილის, პროფესორ ალექსანდრე ხახანაშვილისა და არჩილ ჯორჯაძის ხსოვნას.
1913
ტიპი: გარდაცვალება
1912 წლის ანგარიშიდან ვიგებთ, რომ ქ. შ. წ. კ. გ. საზოგადოების კავკავის განყოფილების გამგეობამ მონაწილეობა მიიღო ალექსანდრე ხახანაშვილის გარდაცვალებით გამოწვეულ საზოგადო მწუხარებაში: ადგილობრივ ქართველებთან ერთად ბესლანის სადგურზე შეეგებნენ ცხედარს და გვირგვინით შეამკეს კუბო. გამგეობის თავმჯდომარემ, შვილევმა, კუბოს ძვირფასი საფენი გადააფარა (ხელს აწერენ: დროებითი თავმჯდომარე – ტ. კახიძე, მდივანი – ვ. ბურჯანაძე).
1913
ტიპი: გარდაცვალება
ქ. შ. წ. კ. გ. საზოგადოების კავკავის განყოფილების 1912 წლის ანგარიშში ნათქვამია, რომ გამგეობამ მონაწილეობა მიიღო იმ საზოგადო მწუხარებაში, რომელიც ეწია საქართველოს იაკობ გოგებაშვილისა და ალექსანდრე ხახანაშვილის გარდაცვალების გამო და გადაიხადა პანაშვიდი (ხელს აწერენ: დროებითი თავმჯდომარე – ტ. კახიძე, მდივანი – ვ. ბურჯანაძე).
1917
ტიპი: გარდაცვალება
1917 წლის 14 ივნისს გარდაიცვალა ქართველთა შორის წერა-კითხვის გამავრცელებელი საზოგადოების წევრი, ქუთაისის ქალთა საზოგადოების წევრი ელენე ბესარიონის ასული ხელთუფლიშვილი, იგი დაკრძალეს 18 ივნისს.
1909
ტიპი: გარდაცვალება
1909 წლის 6 დეკემბერს ქ. თელავის წიგნსაცავ-სამკითხველოს დარბაზში ქართველთა შორის წერა-კითხვის გამავრცელებელი საზოგადოების აგენტ ვასილ კახიძის თავმჯდომარეობით ჩატარებული საზოგადო კრების ოქმიდან ჩანს, რომ გარდაიცვალა პოეტი გრიგოლ ვოლსკი.
1912
ტიპი: გარდაცვალება
1912 წლის 26 ივლისს ქართველთა შორის წერა-კითხვის გამავრცელებელი საზოგადოების სხდომაზე წარმოადგინეს ექიმი ღამბაროვის შეტყობინება სამარიდან, რომ სამარასთან ახლოს გარდაიცვალა პროფესორი ალექსანდრე ხახანაშვილი
1920
ტიპი: გარდაცვალება
1920 წლის 9 ივლისის „ერთობა“ რევოლუციონერ ლავროსი პავლეს ძე კიღურაძის გარდაცვალების შესახებ წერდა.
1914
ტიპი: გარდაცვალება
1914 წლის 14 დეკემბრის ქართველთა შორის წერა-კითხვის გამავრცელებელი საზოგადოების წლიური კრების ოქმის მიხედვით, ლევან კონსტანტინეს ძე ზუბალაშვილი გარდაიცვალა.
1921
ტიპი: გარდაცვალება
1921 წლის 8 თებერვალს ქართველთა შორის წერა-კითხვის გამავრცელებელი საზოგადოების მთავარი გამგეობის სხდომას მწერალ მელანიას დამკრძალავმა დროებითმა კომიტეტმა ამცნო, რომ მწერლის გამოსვენება შედგებოდა ოთხშაბათს 9 თებერვალს, შემდეგ ცხედარს გადაასვენებდნენ სოფელ მელაანში.
1921
ტიპი: გარდაცვალება
ქართველთა შორის წერა-კითხვის გამავრცელებელი საზოგადოების მთავარი გამგეობის სხდომის 1921 წლის 22 აპრილის ოქმიდან ირკვევა, რომ სტამბულში გარდაიცვალა საზოგადოების საპატიო თავმჯდომარე გიორგი ნიკოლოზის ძე ყაზბეგი.
1921
ტიპი: გარდაცვალება
ქართველთა შორის წერა-კითხვის გამავრცელებელი საზოგადოების მთავარი გამგეობის სხდომის 1921 წლის 4 იანვრის ოქმიდან ირკვევა, რომ გარდაიცვალა ეფემია ინაური.
1918
ტიპი: გარდაცვალება
1918 წელს კირიონ II გარდაიცვალა. მან თავისი ბიბლიოთეკა ქართველთა შორის წერა-კითხვის გამავრცელებელ საზოგადოებას უანდერძა.
1921
ტიპი: გარდაცვალება
ქართველთა შორის წერა-კითხვის გამავრცელებელი საზოგადოების მთავარი გამგეობის სხდომის 1921 წლის 8 თებერვლის ოქმის მიხედვით, სტამბოლში საქართველოს სენატის პირველი თავმჯდომარე დავით ბესარიონის ძე ხელთუფლიშვილი გარდაიცვალა.
1918
ტიპი: გარდაცვალება
1918 წელს ნიკოლოზ სიმონის ძე ჯანაშია გარდაიცვალა. იგი სიკვდილამდე სოხუმის ქართულ სკოლაში მუშაობდა.
1918
ტიპი: გარდაცვალება
1918 წელს არსენ მამულაიშვილი გარდაიცვალა. იგი ქართველ საზოგადო მოღვაწეთა პანთეონში დაკრძალეს.
1909
ტიპი: გარდაცვალება
1909 წელს გარდაიცვალა სოლომონ იოსების ძე მრევლიშვილი, რომლის ბიბლიოთეკა ქართველთა შორის წერა-კითხვის გამავრცელებელ საზოგადოებას გადაეცა.
1914
ტიპი: გარდაცვალება
1914 წელს ქართველთა შორის წერა-კითხვის გამავრცელებელი საზოგადოების გამგეობის მდივანი ალექსანდრე ივანეს ძე სარაჯიშვილი გარდაიცვალა.
1916
ტიპი: გარდაცვალება
1916 წელს ქართველთა შორის წერა-კითხვის გამავრცელებელი საზოგადოების გამგეობამ იროდიონ ისაკის ძე ხოსიტაშვილი-ევდოშვილის ნეშტის ქართველ მოღვაწეთა პანთეონში დაკრძალვა გადაწყვიტა და ხარჯების დასაფარად 400 მანეთი გადადო.
1916
ტიპი: გარდაცვალება
1916 წლის 5 აგვისტოს ეკატერინე ივანეს ასული ფორაქაშვილი-სარაჯიშვილისა გარდაიცვალა.
1912
ტიპი: გარდაცვალება
განსვენებული ი. ს. გოგებაშვილის ნაანდერძევი ქონების ანგარიშში, გასავლის ნაწილში, აღნიშნულია, რომ 1912 წლის 3 დეკემბერს ქართველთა შორის წერა-კითხვის გამავრცელებელი საზოგადოების გამგეობამ გაზეთ „სახალხო განათლების" რედაქციას 3 მანეთი გადაუხადა იაკობ გოგებაშვილის გარდაცვალების განცხადებაში.
1898
ტიპი: გარდაცვალება
1898 წლის 12 მაისს ქართველთა შორის წერა-კითხვის გამავრცელებელი საზოგადოების სხდომაზე გააკეთეს განცხადება საზოგადოების წევრ ალექსანდრე როინაშვილის გარდაცვალების შესახებ.