1920

ტიპი: გარდაცვალება

1920 წლის 7 ივლისს „ერთობა“ იუწყება, რომ ზუგდიდში დახოცეს ცნობილი ყაჩაღები – სილ. გერსამია, ალმ. აბრამია და რაჟ. ყურაშვილი.

1920

ტიპი: გარდაცვალება

1920 წლის 13 მაისს აზერბაიჯანთან ბრძოლაში დაიღუპნენ მოხალისე გვარდიელები, საშა იოსელიანი და ტარიელ ღაჭავა.

1918

ტიპი: გარდაცვალება

1918 წლის 3 დეკემბერს იასონ აფაქიძე აუწყებს ნათესავებს, რომ გარდაიცვალა მისი სიდედრი ნინო თარხან-მოურავი, რომლის დაკრძალვა გაიმართება 3 დეკემბერს თბილისში, დუშეთის ქუჩაძე.

1920

ტიპი: გარდაცვალება

1920 წლის 10 ივლისს სოფელ იყალთოში ქართული სასოფლო-სამეურნეო საზოგადოების საპატიო წევრი დიმიტრი ივანეს ძე მაყაშვილი გარდაიცვალა.

1922

ტიპი: გარდაცვალება

1922 წლის 7 იანვარს გაზეთ „ბარრიკადში“ გამოქვეყნდა ცნობა შალვა ქიქოძე ტუბერკულოზით გარდაცვალების შესახებ.

ტიპი: გარდაცვალება

1920 წლის 12 ივლისს, საღამოს 5 საათზე, პირვ. სასურსათო საწყობის ეზოში მომხდარმა შემთხვევამ იმსხვერპლა მუშები. საწყობის გამგე ანდრო რამიშვილს იქ ჰყოლია ცხოველები. მეჯინიბეებს ევალებოდათ მათი მოვლა და ყველაფრისთვის მათ აზღვევინებდა. რამიშვილის გოჭი ჩავარდნილა ფეხსალაგში, მის გადასარჩენად ჩასულან მუშები _ სოსო არუთინოვი და გიორგი ჩიტაძე. არუთინოვი შიგ ჩაიხრჩო, მიეშველა დავით ავალიშვილი და მასაც იგივე ბედი ეწია, ყვირილზე მიეშველნენ პეტრე იორდანიშვილი და თეოფილე გამცემლიძე, რომლებიც ცოცხალ-მკვდრები ამოიყვანეს. ამ შემთხვევის გამო განახლებულ ლითონზე მომუშავეთა კავშირის გამგეობა იმედოვნებს, რომ რამიშვილს და მის დამქაშებს პასუხისგებაში მისცემენ.

1941

ტიპი: გარდაცვალება

1941 წლის 10 თებერვალს ყაზახეთში გადასახლებულმა თამარ შარაშიძე-ქარცივაძემ თბილისიდან მიიღო გაზეთი, რომელშიც ასინეთას გარდაცვალების განცხადება ნახა.

1920

ტიპი: გარდაცვალება

1920 წლის 12 ივლისს თბილისში ხანმოკლე ავადმყოფობის შემდეგ დეკანოზი ანტონ კეკელია გარდაიცვალა. იგი ბანძაში დაკრძალეს.

1919

ტიპი: გარდაცვალება

„ერთობა“ იუწყება, რომ 1920 წლის 20 ივლისს წლის პანაშვიდს გადაუხდიან უდროოდ გარდაცვლილ პორუჩიკ კონსტანტინე (კოლია) ერასტის ძე ბესელიას სოფელ ნოსირში.

1918

ტიპი: გარდაცვალება

1918 წლის 28 იანვარს, ღამით ქ. ქუთაისში, თეთრ ხიდთან უცაბედად ერთ მოწაფეს რევოლვერი გაუვარდა. ტყვია მოხვდა გიმნაზიელ ქათამაძეს, რომელიც იქვე გარდაიცვალა.

1920

ტიპი: გარდაცვალება

1920 წლის 23 ივლისის „ერთობაში“ დაიბეჭდა ნეკროლოგი საგანგებო ბატალიონის მებრძოლთა ხსოვნისთვის, რომლებიც წითელი ხიდის მიმართულებით დაეცნენ ბრძოლის ველზე: სერ. კიკნაველიძე, დან. რაზმაძე, შ. მაჭარაშვილი, არსენ ბერუაშვილი, სამ. სიხარულიძე, თედორე გიორგაძე.

1920

ტიპი: გარდაცვალება

1920 წლის 23 ივლისის „ერთობაში“ დაიბეჭდა ნეკროლოგი საგანგებო ბატალიონის მებრძოლთა ხსოვნისთვის, რომლებიც წითელი ხიდის მიმართულებით დაეცნენ ბრძოლის ველზე: ოფიცერი ბარ. ლაბაძე, ჩახუნაშვილი, მ. ვადაჭკორია, ი. გობეჩია, გალ. გოგოლაშვილი.

1917

ტიპი: გარდაცვალება

1917 წლის 20 ნოემბრის გაზეთის, „ხმა ქართველი ქალისა“ N 31 ცნობით, შიდა არეულობებისა და ჟლეტის გავლენით ფ. ფ. ვოსკრესენსკიმ თავი მოიკლა.

1932

ტიპი: გარდაცვალება

1932 წლის 20 თებერვალს ქეთევან ლომთათიძემ ქრისტინე შარაშიძეს მარიამ ანთაძე-ნაკაშიძის რძლის გარდაცვალების შესახებ აცნობა.

1920

ტიპი: გარდაცვალება

1920 წლის 22 ივლისის 10 სთ-ზე დანიშნული იყო კიევის უნივერსიტეტის სტუდენტ ალექსანდრე გიორგის ძე თითბერიძის სულის მოსახსენიებელი წლის წირვა.

1920

ტიპი: გარდაცვალება

1920 წლის 9 ივლისის „ერთობაში“ დავით ონიაშვილი მწუხარებას გამოთქვამს ლავროსი კიღურაძის გარდაცვალების გამო.

1920

ტიპი: გარდაცვალება

1920 წლის 9 ივლისის „ერთობა“ იუწყება რევოლუციონერ ლავროსი კიღურაძის გარდაცვალებას. ნეკროლოგში (ხელს აწერენ: ი. სალაყაია, ვ. ნოდია, ო. სოლოღაშვილი, პ. ბერიშვილი, მ. ქიტაშვილი) ნათქვამია, რომ იგი აწყობდა ორგანიზაციებს ბათუმში, ფოთში, გურიაში, სოხუმში და სხვ.; 1910 წ. გადაასახლეს ციმბირში, სადაც რვა წელი დაჰყო და დასუსტებული დაბრუნდა სამშობლოში რევოლუციის დღეებში, მაგრამ სულ მუშაობდა. ბოლოს დამფუძნებელი კრების წევრად აირჩიეს, მაგრამ წელიწად-ნახევრის ავადმყოფობის შემდეგ გარდაიცვალა.

1920

ტიპი: გარდაცვალება

1920 წლის 9 ივლისის „ერთობა“ იუწყება, რომ აჭარაში ბრბოსთან შეტაკების დროს გმირულად დაიღუპა ლეიტენანტი შალვა (კოხტა) გიგინეშვილი. 

1918

ტიპი: გარდაცვალება

1920 წლის 9 ივლისის „ერთობა“ იუწყება, რომ 10 ივლისს ქ. ოზურგეთში გარდაცვალებიდან ორი წლის თავზე გაიმართება პანაშვიდი ბოლშევიკთა ბრბოების მიერ სოხუმთან მოკლული გვარდიის ხელმძღვანელის, კაპიტან შალიკო ნესტორის ძე ელიაძის გასახსენებლად.

1917

ტიპი: გარდაცვალება

1917 წლის 24 აგვისტოს გაზეთი „ხმა ქართველი ქალისა“ (N20) ჟურნალ-გაზეთებზე დაყრდნობით იუწყება, რომ 20 აგვისტოს პეტროგრადში გერზვინის საავადმყოფოში გარდაიცვალა მინისტრთა საბჭოს ყოფილი თავმჯდომარე შტიურმერი.

1917

ტიპი: გარდაცვალება

1917 წლის 10 აგვისტოს გაზეთის, „ხმა ქართველი ქალისა“ N18 ცნობით, 9 აგვისტოს მიწას მიაბარეს დიდი მოღვაწის, გიორგი ფელიქსის ძე ზდანოვიჩის ცხედარი. გასვენებას დაესწრო საქართველოს ყველა კუთხისა და ორგანიზაციის წარმომადგენელი.

1917

ტიპი: გარდაცვალება

1917 წლის 3 აგვისტოს გაზეთი „ხმა ქართველი ქალისა“ (N17) იუწყება, სოციალ-ფედერალისტების პარტიის ლიდერის, ცნობილი საზოგადო მოღვაწის, გიორგი ფელიქსის ძე ზდანოვიჩის გარდაცვალებას.

1920

ტიპი: გარდაცვალება

1920 წლის 23 ივლისის „ერთობა“ იუწყება, რომ 18 ივლისს ტრაგიკულად მოკლეს რაჟდენ ყიფიანი, დაკრძალვა გაიმართება კუკიის სასაფლაოზე,

1920

ტიპი: გარდაცვალება

1920 წლის 23 ივლისის „ერთობაში“ მწერალთა კავშირის საბჭო საზოგადოებას აუწყებს კავშირის წევრის, დამსახურებული მწერლის, რუს-იმერლის ვიქტორ იურკევიჩის გარდაცვალებას. პანაშვიდი უნდა გადაეხადათ ქაშვეთის ტაძარში.

1920

ტიპი: გარდაცვალება

1920 წლის 23 ივლისის „ერთობა“ იუწყება, რომ 25 ივლისს ქუთაისის საფიჩხიის სასაფლაოს ეკლესიაში გადაიხდიან ექიმ ანდრო მერაბის ძე კილასონიას სულის მოსახსენიებელ პანაშვიდს.