საქართველოს პროსოპოგრაფია

ტიპი: თანამდებობა

გენერალი დავით ჭავჭავაძე ერთ- ერთი სახელგანთქმული კავალერისტი იყო რუსეთის არმიის ცხენოსან ჯარში. პირველი მსოფლიო ომის პირველ წლებში ნიკოლოზ მეორემ დართო მას ნება ჩამოეყალიბებინა ქართველ ცხენოსანთა ათასეული, ეს იყო პირველი შემთხვევა, როდესაც რუსეთის მეფემ ქართული ჯარის შექმნა ინება თავის არმიაში.ამ ნაწილში, რომელსაც ქართველ ცხენოსანთა პირველი ათასეული უწოდეს დავით ჭავჭავაძე დანიშნეს უფროსად და მიანიჭეს უფლება ყველა ნაწილიდან გამოეწვია ქართველი ოფიცრები ამ ათასეულისათვის. მასთან იყო ქაქუცა ჩოლოყაშვილიც.

პირები

ქაიხოსრო (ქაქუცა) იოსების ძე ჩოლოყაშვილი დავით ალექსანდრეს ძე ჭავჭავაძე

წყარო

მოგონებები შეფიცულთა რაზმზე | 2007-2007

დაწვრილებით

ტიპი: თანამდებობა

საქართველოს დამოუკიდებლობის პირველ ხანებში მთავრობას მიუმართავს დავით ჭავჭავაძისათვის თხოვნით, ცხენოსანი ჯარი შეექმნა, მაგრამ მას საკუთარი პირობები წამოუყენებია, ალექსანდრე სულხანიშვილის თქმით, (ინფორმაცია არაზუსტია) ის მოითხოვდა სამი ბრიგადის ჩამოყალიბების უფლებასა და სრულ უფლებამოსილების მიღებას მტკიცე დისციპლინის შესატანად ჯარში. რის გამოც მთავრობა არ დათანხმდა. ცოტა დროის გასვლის შემდეგ კვლავ მიმართა მთავროიბამ თხოვნით, სასწრაფოდ შეექმნა ცხენოსანთა ჯარი, მაგრამ ჭავჭავაძე უარზე იდგა, ასეთ მოკლე ხანში, მტერი რომ კარს არის მომდგარი ვერ მოვასწრებ ჩამოყალიბებასო. ნოე ჟორდანიას მიუმართავს : გვიშველე თავადო, სამშობლო განსაცდელშია. თქვენც ისევე უნდა დაგვეხმაროთ ამ გაჭირვების ჟამს ,როგორც თქვენს მამა- პაპას უბრძოლია ქვეყნისათვისო.

პირები

ნოე ნიკოლოზის ძე ჟორდანია ალექსანდრე სულხანიშვილი დავით ალექსანდრეს ძე ჭავჭავაძე

წყარო

მოგონებები შეფიცულთა რაზმზე | 2007-2007

დაწვრილებით

ტიპი: თანამდებობა

ქაქუცა ჩოლოყაშვილი, ბათუმში შეხვედრია ჟლობას, რომელსაც კარგად იცნობდა ტვერსკის პოლკიდან, რომელიც თურქმნეთში იდგა მეფის მთავრობის დროს. ამ დროს ჟლობა ვახმისტერი ყოფილა ქაქუცას ასეულში. სწორედ ამ ნაცნობობის წყალობით მომხდარა ისე ,რომ ქაქუცას დივიზია და ათასეული არ განუიარაღებიათ. ხოლო როდესაც ცხნოსანი დივიზია და პირველი ცხენოსანი ათასეული შეაერთეს ჟლობამ ქაქუცას ცხენოსანი ჯარის უფროსობა შესთავაზა,რაზეც უარი მიიღო. სამაგიეროდ კი მისივე მითითებით ფრიდონ წულუკიძე დაინიშნა სარდლად

პირები

ქაიხოსრო (ქაქუცა) იოსების ძე ჩოლოყაშვილი დიმიტრი პეტრეს ძე ჟლობა ფრიდონ წულუკიძე

წყარო

მოგონებები შეფიცულთა რაზმზე | 2007-2007

დაწვრილებით

ტიპი: თანამდებობა

შალვა დადიანი იყო განათლების კომისარიატთან არსებული მთავარი ხელოვნების კომიტეტის წევრი.

პირები

შალვა (ქუჯი) ნიკოლოზის ძე დადიანი

წყარო

ბარრიკადი, 1922 | 7 იანვარი

დაწვრილებით

ტიპი: თანამდებობა

1918 წლის 8 დეკემბერს გაიხსნა პირველი ოსური გიმნაზია ცხინვალში, რომლის პედაგოგები იყვნენ:1.ზაქრო ნიკოლოზის ძე ვანეევი, კიევის კომერციული ინსტიტუტის ეკონომიკურ მეცნიერებათა კანდიდატი, ისტორია -გეოგრაფია, ბუნებისმეტყველება. 2.ალექსანდრე გრიგოლის ძე ძასოხოვი, მოისმინა ტომსკის ტექნოლოგიური უნივერსიტეტის კურსები, მათემატიკა, ფრანგული. 3.მარიამ დიმიტრის ასული ჯაფარიძე, დაამთავრა გიმნაზიის 4 კლასი, ასწავლიდა ქართულ ენასა და ლიტერატურას. 4. ივანე იტიაკოვი, სამუსიკო სასწავლებლის კურსდამთავრებული, მუსიკა, 5.ანასტასია ნესტორის ასული გაგლოევა, უფროსი განყოფილება. 6.ვასილ ნიკოლოზის ძე კარსანოვი, ხარკოვის უნივერსიტეტის მედიცინის ფაკულტეტის კურსდამთავრებული, მუშაობდა სასწავლებლის ექიმად.

პირები

ზაქრო ნიკოლოზის ძე ვანეევი ალექსანდრე გრიგოლის ძე ძასოხოვი მარიამ დიმიტრის ასული ჯაფარიძე ივანე იტიაკოვი ანასტასია ნესტორის ასული გაგლოევა ვასილ ნიკოლოზის ძე კარსანოვი

წყარო

შუამდგომლობა განათლების სამინისტროს წინაშე ცხინვალში ოსური გიმნაზიის დაარსების შესახებ. გიმნაზიის პროექტი და მასწავლებელთა სია | 1918-1919

დაწვრილებით

ტიპი: თანამდებობა

ცავრინა დისიონის ასული ახვლედიანი ქუთაისის გუბერნიის სკოლებში ექვსი წლისა და ოთხი თვის განმავლობაში მუშაობდა.

პირები

ცავრინა დისიონის (დარისპანის) ასული ახვლედიანი

წყარო

სახალხო განათლების სამინისტრო | ცავრინა დისიონის ასულ ახვლედიანის პირადი საქმე

დაწვრილებით

ტიპი: თანამდებობა

ნიკო ადამია იყო ქართველთა შორის წერა-კითხვის გამავრცელებელი საზოგადოების ტუაფსეს განყოფილების გამგეობის მოლარე.

პირები

ნიკო ადამია

წყარო

ქართველთა შორის წერა-კითხვის გამავრცელებელი საზოგადოების მიმოწერა ტუაფსეს განყოფილებასთან და განყოფილების ანგარიშები | 1914-1918

დაწვრილებით

ტიპი: თანამდებობა

ქართველთა შორის წერა-კითხვის გამავრცელებელი საზოგადოების ტუაფსეს განყოფილების თავმჯდომარე იპოლიტე ამბაკოს ძე მახარაძის შემდეგ ილიკო ბეჟანის ძე მგელაძე გახდა. მდივანი სამუელ გიორგის ძე ზაქარეიშვილი იყო, მოლარე – დიმიტრი ისიდორის ძე მამალაძე, გამგეობის წევრი ნიკო ადამია, ხოლო შემდეგ დაემატნენ თეოფილე გოგიბერიძე და ევგენი იესეს ძე ბოხუა.

პირები

იპოლიტე ამბაკოს ძე მახარაძე ილია (ილიკო) ბეჟანის ძე მგელაძე სამუელ გიორგის ძე ზაქარაშვილი (ზაქარეიშვილი) დიმიტრი ისიდორეს ძე მამალაძე ნიკო ადამია თეოფილე ალმასხანის ძე გოგიბერიძე ევგენი იესეს ძე ბოხუა

წყარო

ქართველთა შორის წერა-კითხვის გამავრცელებელი საზოგადოების მიმოწერა ტუაფსეს განყოფილებასთან და განყოფილების ანგარიშები | 1914-1918

დაწვრილებით