პართენ (პარმენ) ალექსანდრეს ძე გოთუა

მწერალი, პედაგოგი, პუბლიცისტი, ჟურნალისტი, საზოგადო მოღვაწე, ქართველთა შორის წერა-კითხვის გამავრცელებელი საზოგადოების კავკავისა და თბილისის განყოფილებათა წევრი, თბილისის დრამატული საზოგადოების წევრი, ვლადიკავკაზის ქართული სკოლის ხელმძღვანელი

1899 წლის 21 დეკემბრის სხდომაზე ქართველთა შორის წერა-კითხვის გამავრცელებელი საზოგადოების გამგეობამ დააკმაყოფილა კავკავის სკოლის გამგე პართენ გოთუას მოთხოვნა ამავე სკოლის მესამე მასწავლებლისთვის 1-ელი სექტემბრიდან 16 ნოემბრამდე პერიოდის ხელფასის, 62 მან. 50 კაპ. გაგზავნის თაობაზე. ოქმს ხელს აწერს თავმჯდომარის მოადგილე ნიკოლოზ ცხვედაძე.

წყარო: ქართველთა შორის წერა-კითხვის გამავრცელებელი საზოგადოების გამგეობისა და წევრთა საერთო კრებების სხდომების ოქმები | 1899-1899
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა: ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი