1907 წლის 1-ლ (2) ნოემბერს სარევიზიო კომისიამ ქართველთა შორის წერა-კითხვის გამავრცელებელი საზოგადოების კრებას მოახსენა, რომ გამგეობამ გასულ წელს კავკავის სკოლის კომიტეტს დახმარების სახით 538 მანეთი და 30 კაპიკი გადასცა, თუმცა ეს საჭირო არ იყო, რადგან კავკავის სკოლის კომიტეტს შემოსავალი გასავალზე 2853 მანეთითა და 37 კაპიკით მეტი ჰქონდა და ფინანსური დახმარება არ სჭირდებოდა. სარევიზიო კომისია აღნიშნავდა, რომ საზოგადოებას არამიზნობრივად დასაკარგი თანხა არ ჰქონდა, მით უფრო, როცა სხვადასხვა რაიონში სკოლების მოსაწყობად ფინანსები არ ჰყოფნიდა. ხელს აწერენ კომისიის თავმჯდომარე ანდრია ღულაძე და წევრი ნიკოლოზ გოგიტიძე.

წყარო: ქართველთა შორის წერა-კითხვის გამავრცელებელი საზოგადოების წლიური კრების ოქმები და ანგარიშები | 1905-1906
წყაროს ტიპი: საარქივო დოკუმენტი
გამოცემის ადგილი: თბილისი, საქართველო
ენა:ქართული
დაცულია: საქართველოს იუსტიციის სამინისტროს სსიპ საქართველოს ეროვნული არქივი