რეგისტრირებული ფაქტები82204
სორტირება თარიღი მზარდობით
1881
ტიპი: ავტორობა
1881 წლის 27 ნოემბერს სოფელ გომის სკოლის მასწავლებელმა ზაქარია აქუაშვილმა ქართველთა შორის წერა-კითხვის გამავრცელებელი საზოგადოების გამგეობას მისწერა მიღებული წიგნების სია: „დედა ენა“ – 6 ეგზემპლარი, ი. როსტომაშვილის „არითმეტიკული გამოცანები“ − 2, „იგავ-არაკნი“ – 3, „თვალსაჩინო სწავლა ახლადშესული ყმაწვილებისთვის“ – 2, სულ 10 მანეთის ღირებულების წიგნები და სახელმძღვანელოები. მისი ცნობით, საზოგადოებისგან შემოწირულ წიგნებს მოსწავლეები ხან კლასში იყენებდნენ, ხან შინ მიჰქონდათ საკითხავად.
1881
ტიპი: ავტორობა
1881 წლის 27 ნოემბერს მასწავლებელი სტეფანე დავითის ძე გაგუა ქართველთა შორის წერა-კითხვის გამავრცელებელი საზოგადოების გამგეობას სწერს, რომ სოფელ მარტვილის სკოლისთვის უფრო საჭიროა შემდეგი წიგნები და ნივთები: „დედაენა“ − 48, „ბუნების კარი“ − 18, „საყმაწვილო კონა“ − 9, დ. სოკოლოვის „საღმრთო ისტორია“ (ნათარგმნი რუსულიდან ქართულად) − 22, წერის დედანი − 50, საყმაწვილო ლექსები − 20, დაფა − 30, გრიფელი − 50, კალმისტარი − 23, სახაზავი − 5, რვეულები − 70, ცხოველების ნახატი სახატავად − 12, „როდნოე სლოვო“ – 15 II ნაწილი, რუსული ენის ახალგამოცემული სახელმძღვანელო, შედგენილი კალანდარიშვილის მიერ − 50. ცარცი, ევტუშევსკის „არითმეტიკის ამოცანები“ ქართულად ნათარგმნი, ორივე ნაწილი − 22, გეოგრაფია (ქართული) – 10, ფანქრები − 45.
1881
ტიპი: ავტორობა
1881 წლის 27 ნოემბერს მასწავლებელმა სტეფანე გაგუამ ქართველთა შორის წერა-კითხვის გამავრცელებელი საზოგადოების გამგეობას აცნობა, რომ 1880 წლიდან მისი მუშაობის პერიოდში სოფელ მარტვილის სასწავლებელს არავითარი წიგნები და სასწავლო ნივთები მიუღია ღარიბ მოსწავლეთათვის უფასოდ დასარიგებლად.
1881
ტიპი: ავტორობა
1881 წლის 27 ნოემბერს სოფელ წირქვალის სკოლის მასწავლებელმა ანტონ ნოზაძემ ქართველთა შორის წერა-კითხვის გამავრცელებელი საზოგადოების გამგეობას მისწერა, რომ ღარიბ მოსწავლეთათვის საჭირო იყო 6 ეგზემპლარი „დედა ენა“, 5 ეგზემპლარი „ბუნების კარი“, და რამდენიც შესაძლებელი იქნებოდა, გრიფელები, კალმები და ფანქრები.
1881
ტიპი: ავტორობა
1881 წლის 27 ნოემბერს მასწავლებელმა ზაქარია აქუაშვილმა ქართველთა შორის წერა-კითხვის გამავრცელებელი საზოგადოების გამგეობას აცნობა, რომ სოფელ გომის სკოლისთვის საჭირო იყო შემდეგი სასწავლო წიგნებისა და ნივთების გამოგზავნა: 1 ეგზემპლარი ჩუბინიშვილის რუსულ-ქართული ლექსიკონი, კალანდარიშვილის რუსული ენის სახელმძღვანელო – 5, გრიფელის დაფები – 5, მიხ. ჭიჭინაძის „თვალსაჩინო სწავლა“ მე-2 ნაწილი – 2, ევტუშევსკის „მათემატიკის გამოცანათა კრებული“, პირველი ნაწილი – 1 ეგზემპლარი.
1881
ტიპი: ავტორობა
1881 წლის 28 ნოემბერს მასწავლებელმა თეოფილე კანდელაკმა ქართველთა შორის წერა-კითხვის გამავრცელებელი საზოგადოების გამგეობას აუწყა, რომ 6 თებერვალს სოფელ მეჯვრისხევის სასწავლებელში მიიღეს 50 წიგნი, მათ შორის 6 ეგზემპლარი „დედა ენა“, „ლოცვანი“ – 3, ჯუღელის „წერის დედანი“ – 1, ი. როსტომაშვილის „არითმეტიკული გამოცანები“ – 2, მ. ჭიჭინაძის „თვალსაჩინო სწავლა“ – 1, ახალი აღთქმა - 1, „იგავ-არაკნი კრილოვისა, გადმოთარგმნილნი რუსულიდგან ქართულად და გალექსილნი რაფიელ ერისთავისაგან“ – 1, „იგავ-არაკნი, გამოკრებილნი სიბრძნე-სიცრუიდგან და გალექსილნი რაფიელ ერისთავისაგან“ – 3.
1881
ტიპი: ავტორობა
1881 წლის 28 ნოემბერს მასწავლებელმა თეოფილე კანდელაკმა ქართველთა შორის წერა-კითხვის გამავრცელებელი საზოგადოების გამგეობას აცნობა, მეჯვრისხევის სკოლისთვის საჭირო იყო: 15-15 ეგზემპლარი „დედა ენა“, „ბუნების კარი“, სახატავი რვეულები (დახაზული ნიმუშები), ჯუღელის ან უმიკაშვილის წერის დედანი, ლოცვანი, ლაზარე ტურიევის „საღმრთო ისტორია“ და „ლოცვების განმარტება“, 2 ეგზემპლარი ოლ. დიდებულიძის თარგმნილი „არითმეტიკული გამოცანები“.
1881
ტიპი: ავტორობა
1881 წლის 28 ნოემბერს მასწავლებელმა მელენტი ჩხარტიშვილმა ქართველთა შორის წერა-კითხვის გამავრცელებელი საზოგადოების გამგეობას მისწერა, რომ ღარიბი მოსწავლეების გარდა სოფელ ჯუმათში იყვნენ სხვა ბავშვებიც, რომელთა მშობლებსაც არ შეეძლოთ სასწავლო წიგნებისა და ნივთების შეძენა და ამ მიზეზით არ შემოჰყავდათ სკოლაში.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -