რეგისტრირებული ფაქტები92919
სორტირება თარიღი კლებადობით
1881
ტიპი: ავტორობა
1881 წლის 28 ნოემბერს მასწავლებელმა მელენტი ჩხარტიშვილმა ქართველთა შორის წერა-კითხვის გამავრცელებელი საზოგადოების გამგეობას აცნობა, რომ სოფელ ჯუმათის სკოლას ესაჭიროებოდა: „ბუნების კარი“ – 9 ეგზემპლარი, „როდნოე სლოვო“ I ნაწილი – 7, „როდნოე სლოვო“ II ნაწილი – 2, გ. დიდებულიძის ქართულად თარგმნილი „საღმრთო ისტორია“ – 10, ქართული „ლოცვანი“ – 1, „ლოცვების განმარტება“ – 4, არითმეტიკის კრებული, I ნაწილი – 10, „დედა ენა“ – 10, გ. კალანდარიშვილის „პირველ დასაწყისი კურსი რუსული ენისა“ – 10 და რუსულ-ქართული ლექსიკონი – 10.
1881
ტიპი: ავტორობა
1881 წლის 28 ნოემბერს სოფელ მარტყოფის სასწავლებლის მასწავლებელმა ვლადიმერ ჯავახიშვილმა ქართველთა შორის წერა-კითხვის გამავრცელებელი საზოგადოების გამგეობას აცნობა, რომ 1-ლ სექტემბერს მიღებული წიგნები არ დაურიგებია სკოლის მოსწავლეთათვის, რადგან მას მუშაობა მხოლოდ ერთი თვის დაწყებული ჰქონდა და შეგირდებმა წერა-კითხვა არ იცოდნენ.
1881
ტიპი: ავტორობა
1881 წლის 27 ნოემბერს მასწავლებელმა პ. ხატიევმა ქართველთა შორის წერა-კითხვის გამავრცელებელი საზოგადოების გამგეობას აუწყა, რომ სოფელ ენისლის სკოლას სჭირდებოდა 3 ც. სახელმძღვანელო გ. დიდებულიძის „დაწყებითი სწავლა მართლმადიდებლობითის ქრისტიანებრივის სარწმუნოებისა“, 5 ც. ასპიდის ფიცარი, ერთი ყუთი გრიფელი და ერთი კოლოფი რკინის კალმები.
1881
ტიპი: ავტორობა
1881 წლის 27 ნოემბერს მასწავლებელმა ს. თოფურიძემ ქართველთა შორის წერა-კითხვის გამავრცელებელ საზოგადოებას აცნობა, რომ სოფელ ნოსირის სკოლაში იმჟამად საჭირო იყო ღარიბ მოსწავლეთათვის დასარიგებლად შემდეგი სახელმძღვანელოები: იაკობ გოგებაშვილის „ბუნების კარი“ – 10 ც., „დედა ენა“ – 18 ც., გ. კალანდარიშვილის „პირველდასაწყისი კურსი რუსული ენისა“ – 18 ც., რუსულიდან გ. დიდებულიძის თარგმნილი „დაწყებითი სწავლა მართლმადიდებლობითის ქრისტიანებრივის სარწმუნოებისა“ – 11 ც., დიდებულიძის ნათარგმანი „ლოცვები განმარტებებით“ – 17 ც., ა. ჯუღელის „წერის სასწავლო დედანი“– 14 ც., რუსული წერის დედანი სახატავი ნიმუშებით – 12 ეგზემპლარი.
1881
ტიპი: ავტორობა
1881 წლის 27 ნოემბერს სოფელ გომის სკოლის მასწავლებელმა ზაქარია აქუაშვილმა ქართველთა შორის წერა-კითხვის გამავრცელებელი საზოგადოების გამგეობას მისწერა მიღებული წიგნების სია: „დედა ენა“ – 6 ეგზემპლარი, ი. როსტომაშვილის „არითმეტიკული გამოცანები“ − 2, „იგავ-არაკნი“ – 3, „თვალსაჩინო სწავლა ახლადშესული ყმაწვილებისთვის“ – 2, სულ 10 მანეთის ღირებულების წიგნები და სახელმძღვანელოები. მისი ცნობით, საზოგადოებისგან შემოწირულ წიგნებს მოსწავლეები ხან კლასში იყენებდნენ, ხან შინ მიჰქონდათ საკითხავად.
1881
ტიპი: ავტორობა
1881 წლის 27 ნოემბერს მასწავლებელი სტეფანე დავითის ძე გაგუა ქართველთა შორის წერა-კითხვის გამავრცელებელი საზოგადოების გამგეობას სწერს, რომ სოფელ მარტვილის სკოლისთვის უფრო საჭიროა შემდეგი წიგნები და ნივთები: „დედაენა“ − 48, „ბუნების კარი“ − 18, „საყმაწვილო კონა“ − 9, დ. სოკოლოვის „საღმრთო ისტორია“ (ნათარგმნი რუსულიდან ქართულად) − 22, წერის დედანი − 50, საყმაწვილო ლექსები − 20, დაფა − 30, გრიფელი − 50, კალმისტარი − 23, სახაზავი − 5, რვეულები − 70, ცხოველების ნახატი სახატავად − 12, „როდნოე სლოვო“ – 15 II ნაწილი, რუსული ენის ახალგამოცემული სახელმძღვანელო, შედგენილი კალანდარიშვილის მიერ − 50. ცარცი, ევტუშევსკის „არითმეტიკის ამოცანები“ ქართულად ნათარგმნი, ორივე ნაწილი − 22, გეოგრაფია (ქართული) – 10, ფანქრები − 45.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -