1919

ტიპი: ღონისძიება

ვერსალში კავკასიიდან წარგზავნილმა ყველა დელეგაციამ, სომხეთის გარდა, მოაწერა ხელი კონფერენციის სახელზე შეტანილ პროტესტს, რომელიც უკავშირდებოდა გენერალ დენიკინის ჯარების მიერ მთიელთა რესპუბლიკის ტერიტორიის ოკუპაციას.

1919

ტიპი: ღონისძიება

1919 წლის 6 ოქტომბრის გაზეთ „ვოლნი გორეცის“ ცნობით, ვერსალის საზავო კონფერენციის ერთ-ერთი სხდომა მიეძღვნა მოკავშირეთა მიერ სრულიად რუსეთის მმართველად ადმირალ კოლჩაკის ცნობის საკითხს. რუსეთის იმპერიის ფარგლებში წარმოქმნილ სახელმწიფოთა ყველა დელეგაციამ, სომხეთის გარდა, ეს აღიარება გააპროტესტა.

1919

ტიპი: ღონისძიება

ანონიმი მთიელი დელეგატის ინფორმაციით, ვერსალის საზავო კონფერეციაზე კავკასიის წარმომადგენლებს დიდ თავსატეხს უქმნიდა სომხეთის დელეგაცია, რომლისთვისაც არავითარი მნიშვნელობა არ ჰქონდა კავკასიელთათვის საჭირბოროტო საკითხს – დენიკინი თუ ლენინი? სომხებს მხოლოდ ე. წ. თურქეთის სომხეთთან გაერთიანება აინტერესებდათ.

1919

ტიპი: ღონისძიება

1919 წლის ვერსალის საზავო კონფერენციაზე ალბერ ტომას თავმჯდომარეობით გაიმართა სოციალისტთა თათბირი, რომელსაც უნდა განესაზღვრა ბოლშევიკებსა და საბჭოთა ხელისუფლებასთან დამოკიდებულება. თათბირში ზოგიერთი კავკასიელი დელეგატიც მონაწილეობდა. შემუშავებული მემორანდუმი გადაეცა სტეფან პიშონს.

1918

ტიპი: ღონისძიება

1918 წლის 18 ნოემბერს მთავარგამგე გიორგი ჭუმბურიძემ და საქმისმწარმოებელმა ლავრენტი ჩიმაკაძემ აღმოსავლეთ საქართველოს მე-3 რაიონის სახალხო სკოლების ინსპექტორს აცნობეს, რომ 20 ნოემბრიდან სოღოლაშენში მასწავლებლის მოვალეობის დროებით აღმასრულებლად შეიძლებოდა თამარ სარდიონის ასული ამირეჯიბი დაენიშნათ.

1918

ტიპი: ღონისძიება

1918 წლის 18 ნოემბერს მთავარგამგე გიორგი ჭუმბურიძემ და საქმისმწარმოებელმა ლავრენტი ჩიმაკაძემ თამარ ამირეჯიბს აცნობეს, რომ საღოლაშენის სკოლაში მისი მასწავლებლად დანიშვნის შესახებ მისწერეს აღმოსავლეთ საქართველოს მე-3 რაიონის სახალხო სკოლების ინსპექტორს. მისი მასწავლებლის მოვალეობის აღმასრულებლად დროებით დანიშვნა 20 ნოემბრიდან შეიძლებოდა. მასწავლებლის წოდების მიღების შემდეგ კი თანამდებობაზე დაამტკიცებდნენ.

1974

ტიპი: ღონისძიება

1974 წლის 14 ნოემბერს შალვა თავართქილაძემ ბახვიდან თბილისში წერილი გაუგზავნა ქეთევან შარაშიძეს, მადლობა გადაუხადა ბახვის სკოლის სახელოვანი პედაგოგების მოღვაწეობის ასახვაში დახმარებისა და სასკოლო მუზეუმის შევსებისთვის.

1919

ტიპი: ღონისძიება

კავკასიის მთიელ ხალხთა საკავშირო მეჯლისმა კოოპტაციის წესით თავის რიგებში შეიყვანა პარლამენტისა და მთავრობის მემარცხენე ფრთის შემდეგი წარმომადგენლები: იბრაჰიმ-ბეკ ჰაიდაროვი (პარიზის საზავო კონფერენციის წევრი), ზუბაირ-ბეი თემირხანოვი (მთიელთა რესპუბლიკის პარლამენტის თავმჯდომარე), ნურ-მამედ შახსუვაროვი (მთიელთა რესპუბლიკის სახალხო განათლების მინისტრი), საფი დუდაროვი (მთიელთა რესპუბლიკის სახელმწიფო კონტროლის კოლეგიის წევრი), სტუდენტი რაუფ ალბერგოევი.

1919

ტიპი: ღონისძიება

1919 წლის 23 ივნისს ქუთაისის ვაჟთა პირველი გიმნაზიის დირექტორმა ნიკოლოზ მირზიშვილმა სახალხო განათლების მინისტრს მისწერა, რომ ნინო აკოფაშვილი სამი წელი მსახურობდა ქუთაისის ქალთა მთავრობის გიმნაზიაში გერმანული ენის მასწავლებლად, ექვსი წელი – თბილისის ქართულ გიმნაზიაში და ორი წელი – ქუთაისის ვაჟთა პირველ გიმნაზიაში. ხელს აწერენ გიმნაზიის დირექტორი ნიკოლოზ მირზიშვილი და საქმისმწარმოებელი კალისტრატე კონსტანტინეს ძე ჭიჭინაძე.

1919

ტიპი: ღონისძიება

1919 წლის 23 ივნისს ქუთაისის ვაჟთა პირველი გიმნაზიის დირექტორმა ნიკოლოზ მირზიშვილმა სახალხო განათლების მინისტრს მისწერა, რომ 1919 წლის პირველი იანვრიდან ნინო ვასილის ასული აკოფაშვილი გერმანული ენის მასწავლებლად დაამტკიცეს. ხელს აწერენ გიმნაზიის დირექტორი ნიკოლოზ მირზიშვილი და საქმისმწარმოებელი კალისტრატე კონსტანტინეს ძე ჭიჭინაძე.

1919

ტიპი: ღონისძიება

1919 წლის 23 ივნისს ქუთაისის ვაჟთა პირველი გიმნაზიის დირექტორმა ნიკოლოზ მირზიშვილმა სახალხო განათლების მინისტრს მისწერა, რომ ამზადებდა გერმანული ენის მასწავლებელ ნინო ვასილის ასულ აკოფაშვილის თხოვნას ჯამაგირით დაკმაყოფილების შესახებ იმ პირების თანაბრად, რომლებსაც მიღებული ჰქონდათ უმაღლესი განათლება. ხელს აწერენ გიმნაზიის დირექტორი ნიკოლოზ მირზიშვილი და საქმისმწარმოებელი კალისტრატე კონსტანტინეს ძე ჭიჭინაძე.

1919

ტიპი: ღონისძიება

1919 წლის 10 ივლისს მთავარგამგე სერგი იოსების ძე დანელიამ და საქმისმწარმოებელმა ნიკოლოზ ივლიანეს ძე აბესაძემ ქუთაისის ვაჟთა პირველი გიმნაზიის დირექტორ ნიკოლოზ მირზიშვილს 13 ივნისის N 361 მიწერილის პასუხად აცნობეს, რომ ნინო ვასილის ასულ აკოფაშვილის შუამდგომლობის დაკმაყოფილება ეწინააღმდეგებოდა კანონს, ვინაიდან იგი დამტკიცებული იყო შტატის მასწავლებლად 1919 წლის 1-ლი იანვრიდან. მასზე არ ვრცელდებოდა ახალი შტატების „დროებითი დებულების“ მე-17 მუხლი.

1919

ტიპი: ღონისძიება

1919 წლის 8 დეკემბერს მთავარგამგე სერგი იოსების ძე დანელიამ და საქმისმწარმოებელმა დ. მესხმა ქუთაისის ვაჟთა პირველი გიმნაზიის დირექტორს 20 ნოემბრის N688 მიმართვის პასუხად აუწყა, რომ გერმანული ენის მასწავლებელ ნინო ვასილის ასულ აკოფაშვილისთვის 1918 წლის 1-ლი სექტემბრიდან ჯამაგირი უნდა მიეცა როგორც უმაღლესი სასწავლებელ დამთავრებულისთვის.

1919

ტიპი: ღონისძიება

1919 წლის 8 ნოემბერს მთავარგამგე სერგი იოსების ძე დანელიამ და საქმისმწარმოებელმა ნიკოლოზ ივლიანეს ძე აბესაძემ ქუთაისის ვაჟთა პირველი გიმნაზიის დირექტორ ნიკოლოზ მირზიშვილს აცნობეს, რომ ნინო ვასილის ასული აკოფაშვილი 1918 წლის პირველი სექტებრიდან გერმანული ენის შტატის მასწავლებლად დაამტკიცეს.

1919

ტიპი: ღონისძიება

1919 წლის 25 ოქტომბერს ქუთაისის ვაჟთა პირველი გიმნაზიის დირექტორმა ნიკოლოზ მირზიშვილმა გერმანული ენის მასწავლებელ ნინო ვასილის ასული აკოფაშვილის თხოვნა წარუდგინა უმაღლესი და საშუალო სასწავლებლების მთავარგამგეს. ხელს აწერენ გიმნაზიის დირექტორი ნიკოლოზ მირზიშვილი და საქმისმწარმოებელი კალისტრატე კონსტანტინეს ძე ჭიჭინაძე.

1919

ტიპი: ღონისძიება

სახალხო განათლების სამინისტრომ გაუგზავნა წერილი სვირის სასკოლო კომისიის წევრ ლუარსაბ გიორგაძეს, რომ მისი თხოვნა და ოქმი სვირის უმაღლეს დაწყებით სასწავლებელში აკაკი გველესიანის ინსპექტორად არჩევის შესახებ არ განიხილეს და უკანვე ეგზავნებოდა, რადგან ხელის მოწერა სხვის მიერ, მის მაგივრად არც თხოვნაზე და არც ოქმზე არ იყო არსებული წესით შემოწმებული.

1919

ტიპი: ღონისძიება

სახალხო განათლების სამინისტრომ აკაკი გველესიანს პასუხად მისი წერილისა აცნობა, რომ საზოგადოებას სრული უფლება ჰქონდა საკუთარ სასწავლებელში თავისი შეხედულებისამებრ მიეწვია ესა თუ ის გამგე-მასწავლებელი და წარედგინა იგი დასამტკიცებლად სამინისტროს წინაშე. მთავრობა მხოლოდ იმ შემთხვევაში ნიშნავდა გამგე-მასწავლებელს, როცა საზოგადოებას საკუთარი კანდიდატი არ ჰყავდა.

ტიპი: ღონისძიება

აკაკი გველესიანი არჩევნების უსამართლოდ ჩატარებას საზოგადოების დაწიხვლად და პირად შეურაცხყოფად თვლიდა, მით უმეტეს, რომ არჩეული კანდიდატი მასზე ბევრად მაღალი არ უნდა ყოფილიყო ზენზით.

ტიპი: ღონისძიება

გიორგი ჯუღელი საზოგადოების სხვა პირებთან ერთად მისულა პირველი რაიონის მეთვალყურესთან, სვირის მაღალ დაწყებითი სასწავლებლის გამგის ადგილის დაკავებასთან დაკავშირებით. გაუგიათ რა ეს სვირის მასწავლებლებს, ჭურაძის წასვლისთანავე მიუწვევიათ კრება, წარუდგენიათ აკაკი გველესიანის კანდიდატურა, მაგრამ გაუშავებიათ.

1919

ტიპი: ღონისძიება

აკაკი გველესიანმა თანხმობა განაცხადა გამგის ადგილის მიღებაზე და ინსპექციაში სათანადო თხოვნა შეიტანა.

1918

ტიპი: ღონისძიება

აკაკი გველესიანმა დაბალი სკოლების მთავარგამგეს გაუგზავნა წერილი, სადაც იუწყება, რომ 1918 წლის დეკემბრის პირველ რიცხვებში მასთან მივიდა სვირის ორკლასიანი სასწავლებლის ზედამხედველი გიორგი ჯუღელი სვირის საზოგადოების სხვა პირებთან ერთად და სთხოვა მიეღო სვირის მაღალ დაწყებითი სასწავლებლის გამგის ადგილი, ვინაიდან გამგე ალექსანდრე ჭურაძე ადგილს ტოვებდა.

1920

ტიპი: ღონისძიება

დამფუძნებელი კრების 1920 წლის 16 აგვისტოს სხდომაზე მელიტონ რუსიას მოხსენებით მიიღეს დეკრეტი გორის გასაშენებლად თავისუფალი კერძო მიწის ჩამორთმევის შესახებ.

1920

ტიპი: ღონისძიება

1920 წლის 16 აგვისტოს დამფუძნებელი კრების სხდომაზე აირჩიეს საპენსიო წესდების კომისია შემდეგი შემადგენლობით: ზაქარია გურული, ელეონორა მახვილაძე, ილია ფირცხალაიშვილი, ო. სოლოღაშვილი, გრიგოლ ვეშაპელი, ტერ-სტეპანიანცი, იესე ბარათაშვილი, იოანე გობეჩია, ალექსანდრე ასათიანი. ტექნიკურ კომისიაში აირჩიეს: გრიგოლ გიორგაძე, პავლე საყვარელიძე, მიხეილ კოვალიოვი, მელიტონ რუსია, შალვა ქარუმიძე, თევდორე ღლონტი, ი. ლორთქიფანიძე და სპირიდონ კედია.

1920

ტიპი: ღონისძიება

დამფუძნებელი კრების 1920 წლის 16 აგვისტოს სხდომაზე გრიგოლ გიორგაძის მოხსენებით მიიღეს დეკრეტი რესპუბლიკის მუშა-მოსამსახურეთათვის ხელფასის მომატების შესახებ. მომატება იწყება 100 პროცენტიდან და მთავრდება 50 პროცენტით.

1920

ტიპი: ღონისძიება

დამფუძნებელი კრების 1920 წლის 16 აგვისტოს სხდომაზე, რომელსაც თავმჯდომარეობდა ალექსანდრე ლომთათიძე, ივანე გომართელის, ი. ლორთქიფანიძის და გრიგოლ გიორგაძის მოხსენებით მიიღეს დეკრეტი სამხედრო უწყების, საავადმყოფოების, ქალაქისა და ერობის თვითმართველობისთვის გადაცემის შესახებ.