საქართველოს პროსოპოგრაფია

ფაქტები

რეგისტრირებული ფაქტები26350

ფილტრი:
ფაქტის ტიპი ღონისძიება

1901

ტიპი: ღონისძიება

1901 წლის 19 ივლისს კავკასიის სამეურნეო საზოგადოების შენობაში გიორგი თუმანიშვილის თავმჯდომარეობით გაიმართა სხდომა, რომლის გადაწყვეტილებითაც კავკასიის სამეურნეო-სამრეწველო გამოფენაზე ბეჭდვითი განყოფილება ჩააბარეს „კავკაზკი ვესტნიკის" გამომცემელ ვასილ ყორღანოვს.

1901

ტიპი: ღონისძიება

1901 წელს აგრონომი არტემ ფირალოვი რეგიონებში მოგზაურობის შემდეგ თბილისში დაბრუნდა.

1901

ტიპი: ღონისძიება

1901 წელს საგენერალო შტაბის ციხის უფროსი, პოდპოლკოვნიკი ილია ოდიშელიძე წმ. სტანისლავის მესამე ხარისხის ორდენით დააჯილდოვეს.

1914

ტიპი: ღონისძიება

1914 წლის 14 სექტემბერს გიორგი თაზიშვილის მეთაურობით ქართველთა შორის წერა-კითხვის გამავრცელებელი საზოგადოების სასარგებლოდ გორში გაიმართა წარმოდგენები „დედინაცვალი“ და „მამის მკვლელი“.

1914

ტიპი: ღონისძიება

1914 წლის 28 სექტემბრის ჟურნალში „თეატრი და ცხოვრება“ დაიბეჭდა ილიკო სინჯიაშვილის მიერ კაკაბეთში თქმული ხალხური ლექსი „ლექსი რუსთველზე“.

1914

ტიპი: ღონისძიება

1914 წლის სექტემბერში ქართული თეატრის აღსადგენად „სახალხო ფურცლის“ ასოთამწყობებმა – ნ. ქოზაშვილმა, ა. გაბრიელაშვილმა, ი. ჩაგუნავამ და სხვა 22 მანეთი შეაგროვეს.

1914

ტიპი: ღონისძიება

1914 წლის 21 სექტემბერს ქუთაისის თეატრში წარმოადგინეს სტინდბერგის დრამა „მამა“ ვლადიმერ ალექსი-მესხიშვილის მონაწილეობით.

1901

ტიპი: ღონისძიება

1901 წლის 26 ივლისს, ნაშუადღევს, პოლიციის მე-10 ნაწილში, ამიერკავკასიის რკინიგზის თბილისის სადგურზე, ცეცხლი გაუჩნდა საქონლის საწყობს. ხანძრის ჩაქრობის დროს გვერდში დაიჭრა თბილისის დეპოს მემანქანე მიხეილ ანდრეევი და დაშავდა თბილისის სადგურის უფროსი კაზიმირ კულჩინსკი.

1901

ტიპი: ღონისძიება

1901 წლის 26 ივლისს, ნაშუადღევს, პოლიციის მე-10 ნაწილში, ამიერკავკასიის რკინიგზის თბილისის სადგურზე ცეცხლი გაუჩნდა საქონლის საწყობს. ცეცხლისმქრობელ რაზმსა და მუშებს ჩაქრობისას ხელმძღვანელობდა თბილისის პოლიცმაისტერი კოვალიოვი, იქ იყვნენ ასევე რკინიგზის უფროსის თანამდებობის აღმასრულებელი ი. ს. შაიკევიჩი, რკინიგზის ჟანდარმთა უფროსი, მატარებლების მოძრაობის უფროსი ინჟინერი ბულგაკოვი.

1901

ტიპი: ღონისძიება

1901 24 ივლისს თბილისის გუბერნატორის თანამდებობის აღმასრულებელმა და გუბერნიის ექიმმა თ. ც. ქიქოძემ დაათვალიერეს ქალაქის საყასბო და საკლავი ბაკი.

1901

ტიპი: ღონისძიება

1901 წელს თბილისის ექიმმა შავერდ შავერდოვმა პუშკინის ქუჩის სავაჭრო დაწესებულებათა დათვალიერების დროს შადინოვის მაღაზიაში აღმოაჩინა 14 გირვანქა უვარგისი შვეიცარული ყველი, გაბელიევის თევზის მაღაზიაში – ფუთი და 10 გირვანქა მატლებიანი ზურგიელი.

1901

ტიპი: ღონისძიება

1901 წელს მიწათმოქმედების სამინისტრომ თავის რწმუნებულს, იაკობ მედვედევს შეტყობინა, რომ კავკასიის სამინისტროს მოხელე ვ. ი. მასალსკის კავკასიაში გზავნიდნენ სასოფლო-სამეურნეო სადგურების დასათვალიერებლად.

1901

ტიპი: ღონისძიება

1901 წელს თბილისის გუბერნატორის თანამდებობის აღმასრულებელმა და გუბერნიის ექიმმა თ. ც. ქიქოძემ ქალაქის საყასბოების დათვალიერების შემდეგ მოინახულეს თბილისის თავშესაფარი. თავშესაფარში იყო 22 კაცი და 44 ქალი.

1901

ტიპი: ღონისძიება

1901 წლის ივლისში თბილისის გუბერნიის ექიმის თანაშემწე ალექსანდრე მაჭავარიანი დაბრუნდა თიანეთიდან, სადაც მძვინვარებდა ქუნთრუშა.

1901

ტიპი: ღონისძიება

1901 წელს მოსკოვის ეთნოგრაფიულ-ანთროპოლოგიური საზოგადოების წევრი, მოსკოვის კონსერვატორიის კურსდამთავრებული დიმიტრი არაყიშვილი ძველი სიმღერების შესაკრებად სოფელ ვაქირში ჩავიდა.

1901

ტიპი: ღონისძიება

1901 წლის აგვისტოში აგრონომი ნ. პ. ტარატინოვი აშშ-ში გაემგზავრა.

1901

ტიპი: ღონისძიება

1901 წლის 26 ივლისს, ნაშუადღევს, პოლიციის მე-10 ნაწილში, ამიერკავკასიის რკინიგზის თბილისის სადგურზე, ცეცხლი გაუჩნდა საქონლის საწყობს. ხანძრის ჩაქრობისას სასიკვდილოდ დაშავდნენ საქონლის სადგურის ღამის დარაჯები დავით ხვედელიანი და ნესტორ ლობჟანიძე.

1901

ტიპი: ღონისძიება

1901 წელს სოფელ ურიათუბანში (თელავის მაზრა) თავადმა ნ. გ. ჭავჭავაძემ მეფუტკრეთა ამხანაგობისთვის 120 თუმანი შეაგროვა.

1901

ტიპი: ღონისძიება

1901 წლის ივლისში საზღვარგარეთიდან დაბრუნდა თბილისის გუბერნიის სახელმწიფო ქონებათა გამგე ი. ს. ბეკი.

1914

ტიპი: ღონისძიება

1914 წლის სექტემბერში ექიმმა ნიკოლოზ მელიქიშვილმა ომიანობისგან დაზარალებულთა კომიტეტს თავის კლინიკაში დაჭრილებისთვის 3 საწოლი გამოყო და კიდევ 15 საწოლის გამოყოფას დაჰპირდა.

1914

ტიპი: ღონისძიება

1914 წლის 20 სექტემბერს სახალხო სახლში წარმოადგინეს პიესა „მეფე“, რეჟისორი იყო კონსტანტინე შათირიშვილი.

1914

ტიპი: ღონისძიება

1914 წლის 28 სექტემბერს სასოფლო-სამეურნეო სადგომში გამართულ საზოგადო-საგანმანათლებლო დაწესებულებებისა და ჟურნალ-გაზეთების წარმომადგენელთა კრებას ესწრებოდნენ თავად-აზნაურთა წინამძღოლი კოტე აფხაზი და თბილისის მოურავი ალექსანდრე ხატისოვი.

1877

ტიპი: ღონისძიება

1877 წლის 31 იანვრის „დროების” ცნობით, 1878 წლიდან სომხური ლიტერატურულ-პოლიტიკური გაზეთის „მშაკი“ გამოწერა რედაქციასა და ავეტიკ ცატუროვის ლამპის მაღაზიაში შეიძლებოდა.

1914

ტიპი: ღონისძიება

1914 წლის 28 სექტემბერს სასოფლო-სამეურნეო სადგომში პავლე იოსების ძე თუმანიშვილის თავმჯდომარეობით საზოგადო-საგანმანათლებლო დაწესებულებებისა და ჟურნალ-გაზეთების წარმომადგენელთა კრება გაიმართა.

1896

ტიპი: ღონისძიება

ქართველთა შორის წერა-კითხვის გამავრცელებელი საზოგადოების წიგნის მაღაზიის ანგარიშის მიხედვით, 1896 წლის 20 სექტემბერს სენაკის სათავადაზნაურო სკოლისთვის სამსონ ყიფიანს გაეგზავნა: 50 ცალი დედაენა, თითო − 32 კაპიკად, სულ − 16 მანეთის, 50 რუსკოე სლოვო, I ნაწილი − 32 კაპ. − 16 მან., 60 რუსკოე სლოვო, II ნაწილი − 32 კაპ. − 19.20 მან., 300 რვეული − 4 კაპ. 12 მან., 40 ბუნების კარი − 70 კაპ. − 28 მან., 40 „იავნანამ რა ჰქმნა“ − 8 კაპ. − 3.20 მან., 120 „მოსავლის მცველნი“ − 16 კაპ. 19.20 მან., 50 „თავდადებულნი ქართველნი“ − 8 კაპ. − 4 მან., ჯამში 117.60 მანეთის.