რეგისტრირებული ფაქტები29121
ფილტრი:
სორტირება ახალი ჩანაწერების მიხედვით
1918
ტიპი: ღონისძიება
1918 წლის 26 ნოემბერს ინგლისელი ნაღმოსნები ჩავიდნენ ქალაქ ფოთში, სადაც მათ შეეგება პოლკოვნიკი ჩხეიძე, რომელმაც აღნიშნა,რომ ინგლისი ხელს შეუწყობს საქართველოს დამოუკიდებლობას. თავის მხრივ ნაღმოსანთა ესკადრის უფროსმა განაცხადა, რომ მათი მიზანია, წესიერება აღადგინონ იქ, სადაც დარღვეულია.
1918
ტიპი: ღონისძიება
1918 წლის 29 ნოემბერს სოხუმში ინგლისელი ნაღმოსნები ჩავიდნენ, რომელთაც ადგილზე შრომის კომისარი ბენიამინ ჩხიკვიშვილი და ისიდორე რამიშვილი დახვდნენ. ქართული ჯარის სახელით მათ გენერალი ტარას ვაშაკიძე მიესალმათ.
1918
ტიპი: ღონისძიება
1918 წლის 4 დეკემბრის გაზეთ „სახალხო საქმეში“ პოეტმა გიორგი ქუჩიშვილმა გამოაქვეყნა ლექსი „შალვა დადიანს“, რომელიც მიუძღვნა ქართულ ლატარეას.
1918
ტიპი: ღონისძიება
1918 წელს ტრაპიზონის კონფერენციის მესამე სხდომაზე ოტომანთა დელეგაციამ წარადგინა ახალი დეკლარაცია, რომელშიც აღნიშნავდა, რომ ორ ქვეყანას შორის დადებული ხელშეკრულება მესამეს არ უნდა ეხებოდეს. ამასთან მოუწოდებდა ამიერკავკასიის დელეგაციას, რათა მიეღო ზომები სხვა სახელმწიფოთა მიერ დამოუკიდებლობის აღიარებასთან დაკავშირებით. დოკუმენტს ხელს აწერენ: თავმჯდომარე ა. ჩხენკელი და საქმეთა მმართველი მ. თუმანოვი.
1918
ტიპი: ღონისძიება
1918 წლის 4 დეკემბრის გაზეთ „სახალხო საქმეში" მსახიობთა კავშირის საბჭოს დირექცია აქვეყნებს განცხადებას, რომ ქართველ მსახიობთა საპროფესიო კავშირის წარმოდგენები გაიმართება სახელმწიფო თეატრში ყოველ ორშაბათსა და პარასკევს.
1918
ტიპი: ღონისძიება
1918 წელს ტრაპიზონის კონფერენციის პირველ ოფიციალურ სხდომაზე ოტომანთა დელეგაციამ დაადასტურა კეთილმეზობლური ურთიერთობების დამყარების სურვილი ამიერკავკასიის რესპუბლიკასთან და მოითხოვა, მიეწოდოთ „ზუსტი განცხადება რესპუბლიკის არსის, ფორმის და პოლიტიკურ-ადმინისტრაციული ორგანიზების შესახებ“. დოკუმენტს ხელს აწერენ: თავმჯდომარე ა. ჩხენკელი და საქმეთა მმართველი მ. თუმანოვი.
1920
ტიპი: ღონისძიება
1920 წელს სიო ჭანტურიშვილმა და შალვა ჭაჭუამ ვლადიმერ გიორგაძეს დაავალეს გიგო შარაშიძისთვის მიეწერა, რომ თუ გიგო რაიმე საბუთს წარმოადგენდა, ბახვის სახლის აღების ნებას მისცემდნენ, მიწას კი მაინც არ დაუთმობდნენ.
1918
ტიპი: ღონისძიება
1918 წლის 4 დეკემბერს თბილისის სახელმწიფო თეატრში გაიმართებოდა ოპერა სერგო ივანეს ძე ევლახიშვილის ხელმძღვანელობით, მონაწილეობას მიიღებდნენ: ვ. ნიკოლსკი, ბორის ზალიპსკი, ე. ა. ვრონსკი, ა. ა. დემიანენკო, საბანეევა, ალეშკო, ა. მ. კანშინი, ლეონ ისეცკი.
1920
ტიპი: ღონისძიება
1920 წელს ვლადიმერ გიორგაძემ სიო ჭანტურიშვილსა და შალვა ჭაჭუას განუცხადა, რომ ჯერ არ იყო დადგენილი გიგო შარაშიძის სახლი გადაეცემოდა თუ არა ერობას.
1920
ტიპი: ღონისძიება
1920 წლის 11 აგვისტოს გიგო შარაშიძეს ყოფილმა მოსწავლე ვლადიმერ გიორგაძემ გაუგზავნა წერილი, რომლითაც ატყობინებდა, რომ ერობის გამგეობის თავმჯდომარე სიო ჭანტურიშვილი და გამგეობი წევრი შალვა ჭაჭუა აპირებდნენ გიგოს ბახვის სახლის მისაკუთრებას ერობისთვის გადასაცემად.
1920
ტიპი: ღონისძიება
„ერთობა“ მკითხველს აცნობებს, რომ 1920 წლის 30 სექტემბერს საოპერო სეზონი გაიხსნება ორიგინალური ქართული ოპერით „აბესალომ და ეთერი“, მუსიკა ზაქარია ფალიაშვილისა, დადგამს ალექსანდრე წუწუნავა, იდირიჟორებს ავტორი.
1930
ტიპი: ღონისძიება
1930 წლის 25 თებერვალს გოგი ქარცივაძემ თბილისიდან ბახვში ბებიას და ბაბუას გაუგზავნა წერილი, რომელშიც წერდა, რომ ძალიან გაოცდა, რადგან მიიღო ბებიას წერილი 1929 წლის 23 ივნისით დათარიღებული, არადა მასში ბოლო ორი დღის ამბები ეწერა.
1930
ტიპი: ღონისძიება
1930 წლის 25 თებერვალს გოგი ქარცივაძემ თბილისიდან ბახვში გაუგზავნა წერილი ბებიას და ბაბუას და მიულოცა მეხუთე შვილიშვილის, დავითის შვილის დაბადება.
1920
ტიპი: ღონისძიება
1920 წლის 26 სექტემბრის „ერთობაში“ დიომიდე კოკაია იუწყება, რომ დამფუძნებელი კრების წევრმა ვ. ნოდიამ სოხუმის ოლქის გუმისთის მაზრის რაიონებში ორ თვეზე მეტი დაჰყო. ის ხალხს რესპუბლიკის საშინაო და საგარეო მდგომარეობას უხსნიდა, ინახულა სოფლებიც და ადგილობრივების მოთხოვნებს გაეცნო.
1920
ტიპი: ღონისძიება
1920 წლის 12 სექტემბერს გამართულ ფოთის რაიონის კავშირთა და დარგთა წარმომადგენლების კონფერენციაზე თავმჯდომარედ აირჩიეს ნ. ჟღენტი, მდივნად – ლაზ. ძიმისტარიშვილი. სპეკულაციასთან ბრძოლისა და ფოთში მუშათა კონტროლის საკითხზე მოხსენებით გამოვიდა შრომის სამინისტროს რწმუნებული ე. ქორქია, რომელმაც აღნიშნა, რომ სურსათ-სანოვაგის ხელოვნური გაძვირება ბაზარზე სპეკულაციით იყო გამოწვეული.
1920
ტიპი: ღონისძიება
1920 წლის 29 აგვისტოს ზნაკვის საზოგადოების კომისარიატში მოწვეულ საზოგადოების მიტინგზე პროპაგანდისტმა პ. საღარაძემ საქართველოს თანამედროვე საგარეო და საშინაო მდგომარეობაზე მოხსენება წაიკითხა.
1920
ტიპი: ღონისძიება
1920 წლის 14 სექტემბერს თბილისში დაბრუნდნენ დამფუძნებელი კრების წევრები – პ. წულაია და ერ. კალაძე, რომლებიც გზათა კომისრის დავალებით ოსეთის სამხედრო გზის და საქართველოს სამხედრო გზატკეცილების დასათვალიერებლად იყვნენ გაგზავნილები. მათ დანარჩენი გზებიც უნდა დაათვალიერონ.
1929
ტიპი: ღონისძიება
1929 წლის 21 ოქტომბერს დავით შარაშიძემ საფრანგეთიდან საქარველოში წერილი გაუგზავნა დედას, ნინო ქიქოძეს და აცნობა, რომ მისი მეუღლე, ელენე ტუსენ-შარაშიძე სამსახურში დააწინაურეს.
1929
ტიპი: ღონისძიება
1929 წელს საფრანგეთში ნინო პოლტორაცკაია-თაყაიშვილმა თეძოს ძვლის დაზიანება მიიღო, რის გამოც 3 თვე საავადმყოფოში წოლა მოუწევდა.
1918
ტიპი: ღონისძიება
1918 წლის 6 ოქტომბრის გაზეთი „სახალხო საქმე“ წერს, რომ სამხედრო მინისტრის მოხსენების საფუძველზე მთავრობამ დაადგინა, კავკასიის ლაშქრის ზურგს უკან მყოფი სამხედრო სასამართლოს თავმჯდომარის, გენ. კლიშევსკისა და მისი მდივნის, ნემიროვსკისთვის ათმილიონიანი ფონდიდან სალიკვიდაციო შემწეობად ათას-ათასი მანეთი მიეცა.
1922
ტიპი: ღონისძიება
1922 წლის 25 იანვარს საქართველოს ხელოვანთა კავშირის ყრილობაზე ხელოვნების მუშაკთა კონფერენციისთვის აირჩიეს შემდეგი დელეგატები: პაოლო იაშვილი, ვახტანგ კოტეტიშვილი, სანდრო აბაშელი, ტიციან ტაბიძე, სოლომონ თავაძე, კონსტანტინე გამსახურდია და ია ეკალაძე.
1922
ტიპი: ღონისძიება
1922 წლის 25 იანვარს ხელოვნების სასახლეში ჩატარდა საქართველოს ხელოვანთა კავშირის ყრილობა ტიციან ტაბიძის თავმჯდომარეობით.
1918
ტიპი: ღონისძიება
1918 წლის ოქტომბერში სომხეთის დიპლომატიურმა წარმომადგენელმა საქართველოში, ჯამილიანმა შინაგან საქმეთა მინისტრს ნ. რამიშვილს საერთაშორისო რკინიგზის აღდგენასა და კავკასიის გზაზე სამგზავრო და საბარგო მატარებლების მოძრაობის მოწესრიგებაში დახმარება სთხოვა. მინისტრის პასუხის თანახმად, მატარებლების წესიერი მიმოსვლა აზერბაიჯანის დიპლომატიური წარმომადგენლის, ჯაფაროვის დაბრუნებისთანავე უნდა აღდგენილიყო.
1919
ტიპი: ღონისძიება
1919 წლის 1-ლი აპრილიდან 1-ლ ივნისამდე სახალხო გვარდიის მთავარ შტაბში გიორგი სომხიშვილის, სიმონ ბურლაკოვის, ალექსანდრე ფაშტას, გიორგი მამადაშვილის, ივანე კურატაშვილის, თომა გაგოშიძის, ნიკოლოზ კაზაკიშვილის, ალექსანდრე ჭელიძის, მიხა ფარსადანოვის, არშაკ ზულიევის, თედორე კიიკოვის, ლუკა ნიკოლაშვილის, ივანე მამადაშვილის, ისაკ კობიაშვილის და დავით მარიმინოვის შემოწირულობანი შევიდა.
1919
ტიპი: ღონისძიება
1919 წლის 1-ელი აპრილიდან 1-ელ ივნისამდე სახალხო გვარდიის მთავარ შტაბში ტიმოთე პლეტურილის, სტეფანე ავაზნელის, სერგო გუდუმიძის, ვართან ავაზნელის, არტემ პაპიაშვილის, ივანე ტოტოშვილის, გიორგი კეკელაშვილის, გაბრო პაშიკოვის, ნიკოლოზ ჭელიძის, ევდოკია ჭელიძის, მარია კოკალაშვილი, ლუბა მჭედლიძის, ნიკოლოზ კამალოვის, ნინა ძიძიკაშვილის და მარია ბარმენაშვილის შემოწირულობა შევიდა.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -