1920

ტიპი: ღონისძიება

1920 წლის 21 ივლისის „ერთობაში“ ნათქვამია, რომ ქართველ მსახიობთა კავშირთან არსებულ გ. არდაშელი-იშხნელის სახელობის კავშირის წევრთა ობლად დარჩენილი შვილების აღსაზრდელ ფონდს ნ. ჩხეიძემ ათასი მანეთი შესწირა.

1920

ტიპი: ღონისძიება

1920 წლის 19 ივლისს შრომის ბირჟის სახალხო კინოთეატრში ჯარისკაცებისთვის გაიმართა ფილმის „შეერთება ბათუმის საქართველოსთან“ დემონსტრაცია. ფილმის დაწყებამდე პოლკოვნიკმა ქარცივაძემ წარმოთქვა სიტყვა ბათუმის საქართველოსთან შეერთების მნიშვნელობაზე.

1922

ტიპი: ღონისძიება

1922 წლის 22 იანვრის გაზეთ „ბარრიკადის“ ცნობით, ლადო გუდიაშვილმა, დავით კაკაბაძემ და სერგეი სუდეიკინმა „ცისფერყანწელების“ კაფე „ქიმერიონისთვის“ დეკორაცია დახატეს.

1920

ტიპი: ღონისძიება

1920 წლის 4 აგვისტოს „ერთობა“ იუწყება, რომ თბილისში დაბრუნდნენ დამფუძნებელი კრების სამხედრო კომისიის და სოც.-დემ. ფრაქციის თავმჯდომარე აკ. ჩხენკელი და რესპუბლიკის სანაპირო რაზმის უფროსი, გენ. ახმეტელი. მათ დარიალის საზღვარი, იქ მდგომი ნაწილები და სხვ. დაათვალიერეს, გაეცნენ ჯარისკაცთა ყოფას. შემდეგ თრუსოს ხეობაში გაემგზავრნენ.

1920

ტიპი: ღონისძიება

1920 წლის 4 აგვისტოს „ერთობა“ იუწყება, რომ გზების უფროსი კანდელაკი მთავარი სახელოსნოების უფროსის, სარაჯიევის თანხლებით ფოილოში გაემგზავრა ხიდის შესაკეთებელი სამუშაოების დასათვალიერებლად.

1920

ტიპი: ღონისძიება

1920 წლის 31 ივლისს სომხების ეროვნული საბჭოს თავმჯდ. ერზინკიანმა ინახულა შინაგან საქმეთა მინისტრი და ლტოლვილი სომხების სომხეთში სამხედრო გზით გაშვება სთხოვა. შუამდგომლობა დააკმაყოფილეს.

1920

ტიპი: ღონისძიება

1920 წლის 3 აგვისტოს „ერთობა“ იუწყება, რომ საღამოს 7 საათზე მუშათა სასახლეში დანიშნულია საქართველოს პროფ. კავშირთა ცენტრ. საბჭოს აღმასრულებელი კომიტეტის სხდომა, რომელზეც მოწვეულნი არიან ახლად არჩეული კომიტეტის წევრები: ნ. ბერეჟიანი, პ. კავკასიძე, თოფაძე და გ. კაპანაძე, ასევე რუსეთში მიმავალი მუშათა დელეგატები: ა. დგებუაძე, ლ. მგელაძე, პ. ბერიშვილი, ე. ცენტერაძე, დ. გაჩეჩილაძე, შუბაშვილი, ს. კაიტაჯიანი, ტოროტაძე.

1920

ტიპი: ღონისძიება

1920 წლის 3 აგვისტოს „ერთობა“ იუწყებოდა ბორჯომში სახელმწიფო სანატორიუმის გახსნას სახელმწიფო და საზოგადო მოღვაწეებისთვის. დირექტორად დაინიშნა ექიმი მიხეილ  ზანდუკელი, კონსულტანტად – პროფ. ალექსანდრე ალადაშვილი, ასისტენტებად – ექიმი აბაკელია და შალვა მიქელაძე.

1920

ტიპი: ღონისძიება

1920 წლის 3 აგვისტოს „ერთობა“ იუწყება, რომ წინა კვირას შინაგან საქმეთა მინისტრი ნოე რამიშვილი გორსა და ცხინვალს ეწვია ადგილობრივი ოსების მდგომარეობის გასაცნობად.

1919

ტიპი: ღონისძიება

1919 წლის 8 სექტემბრის გაზეთ „ვოლნი გორეცი“ მიმოიხილავს დამოუკიდებლობის დასაცავად მეჯლისში გაერთიანებულ დაუმორჩილებელ მთიელთა მრავალმხრივ საქმიანობას: იარაღით ბრძოლაში მთავარი როლი აბაძეხებს ერგოთ, ხოლო დიპლომატიური მოლაპარაკებების წარმართვა უბიხებმა ითავეს. ისინი მხარდაჭერას ეძებდნენ ინგლისსა და თურქეთში: მათ სოხუმში თხოვნით მიმართეს დიდი ბრიტანეთის კონსულ დიქსონს, რათა ინგლისის მთავრობისთვის ეცნობებინა გენერალ ევდოკიმოვის უკანონო ქმედებების შესახებ ჩერქეზეთში.

1920

ტიპი: ღონისძიება

1920 წლის 28 ივლისს დამფუძნებელი კრების სხდომაზე განაგრძეს მსჯელობა 1919-20 წლების ბიუჯეტის შესახებ. სიტყვა წარმოთქვეს სპირიდონ კეიდიამ და ფინანსთა მინისტრის მოადგილე სიმონ ავალიანმა.

1920

ტიპი: ღონისძიება

„ერთობა“ იუწყება, რომ 1920 წლის 9 აგვისტოდან თბილისში გამოვა საქართველოს სოც. დემ. მუშათა პარტიის ცენტრალური კომიტეტის ყოველკვირეული პოლიტიკურ-ეკონომიკური და ლიტ. გაზეთი „სოფლის მუშა“, რომლის სარედაქციო კოლეგიაში შედიან: ალ. ლომთათიძე, ივ. გომართელი, სტ. ელიაძე.

1918

ტიპი: ღონისძიება

1918 წლის 3 ივნისს ბერლინის პროისენის კომენდატურა ათავისუფლებს აკაკი ჩხენკელს მტრული სახელმწიფოს წევრისათვის გაცემული დოკუმენტით წარმოშობილი ვალდებულებისაგან. დოკუმენტს ხელს აწერს ბურგერი.

1918

ტიპი: ღონისძიება

1918 წლის 3 ივნისს ბერლინის საპოლიციო განყოფილებიდან ბერლინის კომენდანტმა, გენერალ-ლეიტენანტმა ფონ ბონინმა გასცა მოწმობა აკაკი ჩხენკელის სახელზე, რომელიც ცხოვრობდა უნთერ დენ ლინდენის N 1-ში. მსგავსი მოწმობა ეძლეოდა მტრული სახელმწიფოების ქვეშევრდომ ყველა მამრობითი და მდედრობითი სქესის მოქალაქეს 15 წლის ასაკიდან. 

1918

ტიპი: ღონისძიება

1918 წლის 22 თებერვალს თბილისში საქართველოს ეროვნული საბჭოს აღმასრულებელმა კომიტეტმა აკაკი ივანეს ძე ჩხენკელის, გიორგი მიხეილის ძე ლასხიშვილისა და გიორგი ბეჟანის ძე გვაზავას სახელზე გასცა მოწმობები, რათა მათ მოლაპარაკებები ეწარმოებინათ უცხო სახელმწიფოების მთავრობათა წარმომადგენლებთან საქართველოს პოლიტიკურ, ფინანსურ და ეკონომიკურ საკითხებზე. დოკუმენტს ხელს აწერენ: საქართველოს ეროვნული საბჭოს აღმასრულებელი კომიტეტის თავმჯდომარე ნოე ჟორდანია, საქართველოს ეროვნული საბჭოს კომიტეტის საქმეთა მმართველის მაგიერ ვლ. ზურაბიშვილი და კომიტეტის მდივანი დავით ნახუცრიშვილი

1918

ტიპი: ღონისძიება

1918 წლის 26 მაისს თბილისში საქართველოს რესპუბლიკის მთავრობის თავმჯდომარე ნოე რამიშვილი აძლევს ნებართვას საგარეო საქმეთა მინისტრ აკაკი ჩხენკელს, აწარმოოს მოლაპარაკება გერმანიის, თურქეთის, ავსტრია-უნგრეთისა და ბულგარეთის მთავრობებთან, რათა დამყარდეს მათთან ეფექტური და ხანგრძლივი საერთაშორისო ურთიერთობები. ნებართვას ხელს აწერენ: მინისტრთა საბჭოს თავმჯდომარე ნ. რამიშვილი და საქართველოს რესპუბლიკის მდივანი მ. მღვდლიევი.

ტიპი: ღონისძიება

ოვანეს თუმანიანი და დერენიკ დემირჩიანი აპირებდნენ ქართველი პოეტების ლექსები სომხურად ეთარგმნათ და წინგად გამოეცათ.

1920

ტიპი: ღონისძიება

1920 წლის 23 ივლისის გაზეთ „ერთობაში“ სურამის უმაღლესი დაწყებითი სასწავლებლის გამგე ს. კიკაჩეიშვილი მადლობას უხდის ლუარსაბ მურვანიშვილს, რომელმაც 26 მაისს გამართულ სადღესასწაულო საღამოზე სასწავლებელს შესწირა 1000 მან.

1920

ტიპი: ღონისძიება

1920 წლის ივლისში მიწათმოქმედების სამინისტრომ საკონცესიო ხელშეკრულება დადო ა. გიზთან მდ. ტყიბულის ჰიდრავლიკური ენერგიის გამოყენების შესახებ. მას მიზნად აქვს ელექტროენერგიის მიღება და გადაცემა ქუთაისის გუბერნიის იმ რაიონებში, სადაც სჭირდებათ.

1920

ტიპი: ღონისძიება

1920 წლის 20 ივლისის „ერთობაში“ გამოქვეყნდა ყარაიაზის მამულის გამგე კიკნაძის განცხადება, რომ ფაეტონში დარჩა პორტფელი საბუთებით და მპოვნელს სთხოვს, გადასცეს სახელმწიფო მამულების განყოფილების გამგე მიხაილ ახალაძეს. ის მპოვნელს ჯილდოდ 1000 მანეთს ჰპირდებოდა.

1920

ტიპი: ღონისძიება

1920 წლის 16 ივლისს, დილის 10 სთ-ზე ბათუმში კონსტანტინეპოლიდან ინგლისის ესკადის ადმირალი ხოპი ჩამოვიდა. ინგლისის საზღვაო სარდლობის წარმომადგენელს მიეგება საპატიო ყარაული პოლკ. გეგელაშვილის, განსაკუთრებული კომისრის თანაშემწის გენ. ერისთავის და ინგლისში დანიშნული საქართველოს წარმომადგენლის, დ. ღამბაშიძის მეთაურობით.

1920

ტიპი: ღონისძიება

1920 წლის 5 ივლისს მუშათა სასახლეში გაიმართა პარიკმახერთა 1-ლი ივლისის კრების გაგრძელება. აირჩიეს გამგეობა შვიდი წევრის შემადგენლობით: ფიცხელაური, ბუჯიაშვილი, ბერუაშვილი, ჩიტიშვილი, ვახტანგიშვილი, ასტვაცატუროვი, ფირუმიანცი. სარევიზო კომისიაში – ლევ. ქანთარია, ლორია, მანევიჩი; კავშირთა საბჭოში – ქანთარია; 8 ივლისს გაიმართა გამგეობის პირველი სხდომა.

1922

ტიპი: ღონისძიება

1922 წლის 7 იანვრის გაზეთ „ბარრიკადის“ ცნობით, „ცისფერყანწელების“ კონფერენციაზე გადაწყდა წიგნის გამოსვლა, რომელშიც შევიდოდა შარლ ბოდლერის, თეოფილ გოტიეს, ხოსე მარია ერედიას, პოლ ვერლენის, არტურ რემბოს, ჟიულ ლაფორგის, სტეფან მალარმეს, ტრისტან კორბიერის, ლოტრეამონის, პოლ კლოდელის, ფრანსის ჟამესის ნაწარმოებები.

1920

ტიპი: ღონისძიება

1920 წლის 14 ივლისის „ერთობაში“ დაიბეჭდა თედ. ხუხუნაიშვილის წერილი საქართველოს სოციალ-დემოკრატიული პარტიის მეორე რაიონის კოლექტივის წევრთა კრების შესახებ. კრებამ კოლექტივის მდივნის თანამდებობაზე ერთი თვის სტაჟით მიიწვია ვენ. ჯორბენაძე და დააკმაყოფილა სურმავას განცხადება პარტიის წევრად მიღების შესახებ.

1922

ტიპი: ღონისძიება

1922 წლის 1-ელი თებერვლიდან უნდა გამოსულიყო საქართველოს მწერალთა კავშირის ახალი ყოველთვიური ჟურნალი „ლაშარი“ ტიციან ტაბიძის, პავლე ინგოროყვასა და ვახტანგ კოტეტიშვილის რედაქტორობით.