1922

ტიპი: ღონისძიება

1922 წლის პირველ თებერვალს დაგეგმილი იყო მწერალთა კავშირის საბჭოს ყოველთვიური გაზეთის „ლაშარის“ გამოცემა, რომლის სარედაქციო კოლეგიაში შედიოდნენ: ტიციან ტაბიძე, პავლე ინგოროყვა და ვახტანგ კოტეტიშვილი.

1920

ტიპი: ღონისძიება

„ერთობა“ იუწყება, რომ 1920 წლის 15 ივლისს მეორე ქართულ კლუბში (პლეხანოვის პრ.) გაიმართება ლადო მაჭავარიანის საღამო. მონაწილეობენ: გრ. რობაქიძე, დუტუ მეგრელი, ვარ. რუხაძე, გალაკტიონ ტაბიძე, ტიციან ტაბიძე, გ. ქუჩიშვილი, ხარ. ვარდოშვილი, ივ. ყიფიანი, გრ. ცეცხლაძე, აკ. ბერეკაშვილი, ლ. მაჭავარიანი, თაგუნა, ნ. გოცირიძე.

1920

ტიპი: ღონისძიება

1920 წლის 4 ივლისის „ერთობის“ ცნობით, იუსტიციის სამინისტრომ ბათუმში გაგზავნა სასამართლო პალატის პროკურორის მოადგილე ა.კ. ყანჩელი ბათუმისა და ოლქის დროებითი სასამართლოების საქმეების ჩასაბარებლად და ციხეების მისაღებად, ფინანსთა სამინისტრომ – საბიუჯეტო-სახაზინო ნაწილის დირექტორი ა. ი. კანდელაკი ფინანსურ დაწესებულებათა მოსაწყობად და პირდაპირი გადასახადების სამმართველოს განყოფილების უფროსი სვანიძე და გუნცაძე – საბაჟო და სააქციზო ნაწილების მოსაწყობად. კანდელაკთან ერთად წავიდნენ ფინანსთა მინისტრის საბჭოს წევრები ვ. მიქაძე და ს. ბაქრაძე.

1920

ტიპი: ღონისძიება

1920 წლის 4 ივლისის „ერთობაში“ გურიის საოლქო შტაბის წევრი რ. ჩხაიძე აქვეყნებს იმ გვარდიელთა სიას, რომელთაც საოლქო შტაბი დაეხმარა (სიმინდი იაფად დაუთმო): არსენ ღლონტი, ლადიმე ჯიჯეიშვილი, ესე რუსიეშვილი, დავით ქარცივაძე, იაკობ მჟავანაძე, დიომიდე გირკელიძე, იაკინთე სმედაძე, ისაკი დათუნაიშვილი.

1920

ტიპი: ღონისძიება

1920 წლის 4 ივლისის „ერთობაში“ გურიის საოლქო შტაბის წევრი რ. ჩხაიძე აქვეყნებს იმ გვარდიელთა სიას, რომელთაც საოლქო შტაბი დაეხმარა (სიმინდი იაფად დაუთმო): ლავრენტი ტუსკია, სოლომონ უჯმაჯურიძე, ვარლამ ჩხაიძე, გიორგი თეოფილეს ძე ერქომაიშვილი, თედორე წიტაიშვილი, ილია თავბერიძე, სერგო ჩხაიძე, მელიტონ ცინცაბაძე, აკაკი დოლიძე.

1920

ტიპი: ღონისძიება

1920 წლის 4 ივლისის „ერთობაში“  გურიის საოლქო შტაბის წევრმა რუბენ ჩხაიძემ გამოაქვეყნა იმ გვარდიელთა სია, რომელთაც საოლქო შტაბი დაეხმარა (სიმინდი იაფად დაუთმო). ესენი იყვნენ: აკაკი მახარაძე, სერაფიონ ხელაძე, ივანე ტაკიძე, არსენ მენაბდე, სიმონ ჯიჯეიშვილი, ვალიკო თალაკვაძე, გიორგი და პლატონ დათუნაიშვილები, კვიროსი ჩხაიძე.

1920

ტიპი: ღონისძიება

1920 წლის 2 ივლისის „ერთობაში“ რეალური სკოლის დირექტორი ი. ფონ ბრენერი მის მიერ დაარსებული სკოლის დახურვას იუწყებოდა.

1920

ტიპი: ღონისძიება

1920 წლის 20 ივნისს სოფ. მუხრანში ადგილობრივი თემის გამგეობის თავმჯდომარის, ა. დონდოლაძის ინიციატივით შემდგარმა სცენისმოყვარეთა გუნდმა წარმოადგინა ყაზბეგის „არსენა“ და გრიშაშვილის „ტიმოთეს ლეღვი“. უადგილობის გამო ცოტა ბილეთი გაიყიდა და მხოლოდ 5000 მან. შეგროვდა.

1920

ტიპი: ღონისძიება

1920 წლის 10 ივნისს საგარეო საქმეთა მინისტრი ევგენი პეტრეს ძე გეგეჭკორი ინახულეს ამიერკავკასიაში დანიშნულმა საფრანგეთის რესპუბლიკის უმაღლესმა კომისარმა გრაფმა დე მარტელმა, კავკასიაში მყოფმა საფრანგეთის სამხედრო მისიის უფროსმა პოლკოვნიკმა კორბეილმა და აზერბაიჯანის საგარეო საქმეთა მინისტრმა ჰუსეინოვმა.

1918

ტიპი: ღონისძიება

1918 წლის 17 ივნისს ეკატერინე ბეჟანიშვილ-ეპიტაშვილმა სახალხო განათლების მინისტრს გაუგზავნა თხოვნითი ხასიათის ბარათი. ის ითხოვდა კანცელარიაში დასაქმებას.

ტიპი: ღონისძიება

1922 წელს შოთა რუსთაველის სახელობის თეატრში ალექსანდრე წუწუნავა დგამდა გრიგოლ რობაქიძის პიესას „ლონდა“. მთავარი როლები უნდა შეესრულებინათ ელენე დონაურს და მარიამ დავითაშვილს.

1922

ტიპი: ღონისძიება

1922 წელს გრიგოლ რობაქიძე კლუბ „ქიმერიონის“ პატარა დარბაზში პოეტებისთვის წაიკითხავდა თავის პიესა „ლონდას“.

ტიპი: ღონისძიება

გრიგოლ რობაქიძის პიესა „ლონდა“ დასაბეჭდად გადაეცა სახელმწიფო გამომცემლობას.

1918

ტიპი: ღონისძიება

1918 წლის 14 აპრილს ჩატარებულ კრებაზე ვიქტორ ცინცაძესა და დათიკო ხუბულურს დაევალათ პარტიული მუშაობა ლეხურისა და ჟამურის თემებში.

1918

ტიპი: ღონისძიება

1918 წლის 14 აპრილს ჩატარებულ კრებაზე გიორგი ლაფანაშვილსა და მიხა პაპუნაშვილს დაევალათ ბაზალეთის, მუხრანის და ქსნის თემებში მუშაობა.

1918

ტიპი: ღონისძიება

1918 წელს მიხა პაპუნაშვილი, ვიქტორ ცინცაძე, დათიკო ხუბულური და ბუხაშვილი იყვნენ ხატობა „გრიგოლობაში“, სადაც ჩაატარეს საჯარო მიტინგი.

1920

ტიპი: ღონისძიება

1920 წლის 2 ივლისის „ერთობა“ იუწყება, რომ ფრონტის დამხმარე მთავარი კომიტეტის პრეზიდიუმმა ჯარში დასარიგებლად ქართველი ჯარისკაცების აზერბაიჯანში ცხოვრების შესახებ დასურათებული ბროშურის გამოცემა გადაწყვიტა.მისი შედგენა მიენდოთ: სერგო ჟორჟოლიანს, სოლომონ დოლიძეს და ტიტე ართმელაძეს.

1918

ტიპი: ღონისძიება

1918 წლის 14 აპრილს ლექსო ვარძეულის სახლში გამართულ კრებას ესწრებოდნენ: მიხა პაპუნაშვილი, ვიქტორ ცინცაძე, დათიკო ხუბულური, ბუხაშვილი, თომა ჩუბინიძე და გიორგი ლაფანაშვილი.

1918

ტიპი: ღონისძიება

1918 წლის 14 აპრილს გიორგი ლაფანაშვილი, თომა ჩუბინიძე და გიგო ხულელიძე წავიდნენ ბაზალეთში და ლექსო ვერძეულთან დაბინავდნენ.

1918

ტიპი: ღონისძიება

1918 წელს თომა ჩუბინიძე და გიგო ხულელიძე ჭოპორტში შეხვდნენ გიორგი ლაფანაშვილს.

1920

ტიპი: ღონისძიება

1920 წლის 2 ივლისის „ერთობა“ იუწყება, რომ სადგურ ნატანებში დაატუსაღეს ცნობილი ყაჩაღი ვლადიმერ სურგულაძე, რომელიც ერთ დროს დაკავშირებული იყო დენიკინის შტაბთან ბათუმში. იგი ცნობილ ყაჩაღ პაიჭაძესთან ერთად მონაწილეობდა ხიდების აფეთქებასა და მატარებლების მსხვრევაში.

1920

ტიპი: ღონისძიება

1920 წლის 1-ლ ივლისს დამფუძნებელი კრების წევრებმა პავლე საყვარელიძემ, სამსონ ფირცხალავამ, გრიგოლ ვეშაპელმა და ტოპჩიამ ბათუმის მოსახლეობას ანტანტის მიერ ბათუმისა და მისი ოლქის მისთვის გადაცემის შესახებ აცნობეს. ამ ცნობას ხალხი ზეიმით შეხვდა.

1918

ტიპი: ღონისძიება

1918 წელს გიორგი ლაფანაშვილი ქალაქ კავკავიდან გადავიდა სოფელ ჭოპორტში.

1920

ტიპი: ღონისძიება

1920 წლის 3 ივლისს მუშტაიდის დემოკრატიულ კლუბში გაიმართება უდროოდ გარდაცვლილი პოეტის, ნოე ჩხიკვაძის საღამო მისი შვილების დასახმარებლად, იუწყება „ერთობა“.

1920

ტიპი: ღონისძიება

1920 წლის 2 ივლისის „ერთობა“ იუწყება, რომ დეპუტატმა აკაკი ჩხენკელმა მიიღო 5 100 მან., სოხუმის ფოსტა-ტელეგრაფის მოსამსახურეთა მიერ მხედრობისთვის შეგროვებული.