1919

ტიპი: ღონისძიება

1919 წლის 10 ივლისს მთავარგამგე სერგი იოსების ძე დანელიამ და საქმისმწარმოებელმა ნიკოლოზ ივლიანეს ძე აბესაძემ ქუთაისის ვაჟთა პირველი გიმნაზიის დირექტორ ნიკოლოზ მირზიშვილს 13 ივნისის N 361 მიწერილის პასუხად აცნობეს, რომ ნინო ვასილის ასულ აკოფაშვილის შუამდგომლობის დაკმაყოფილება ეწინააღმდეგებოდა კანონს, ვინაიდან იგი დამტკიცებული იყო შტატის მასწავლებლად 1919 წლის 1-ლი იანვრიდან. მასზე არ ვრცელდებოდა ახალი შტატების „დროებითი დებულების“ მე-17 მუხლი.

1919

ტიპი: ღონისძიება

1919 წლის 8 დეკემბერს მთავარგამგე სერგი იოსების ძე დანელიამ და საქმისმწარმოებელმა დ. მესხმა ქუთაისის ვაჟთა პირველი გიმნაზიის დირექტორს 20 ნოემბრის N688 მიმართვის პასუხად აუწყა, რომ გერმანული ენის მასწავლებელ ნინო ვასილის ასულ აკოფაშვილისთვის 1918 წლის 1-ლი სექტემბრიდან ჯამაგირი უნდა მიეცა როგორც უმაღლესი სასწავლებელ დამთავრებულისთვის.

1919

ტიპი: ღონისძიება

1919 წლის 8 ნოემბერს მთავარგამგე სერგი იოსების ძე დანელიამ და საქმისმწარმოებელმა ნიკოლოზ ივლიანეს ძე აბესაძემ ქუთაისის ვაჟთა პირველი გიმნაზიის დირექტორ ნიკოლოზ მირზიშვილს აცნობეს, რომ ნინო ვასილის ასული აკოფაშვილი 1918 წლის პირველი სექტებრიდან გერმანული ენის შტატის მასწავლებლად დაამტკიცეს.

1919

ტიპი: ღონისძიება

1919 წლის 25 ოქტომბერს ქუთაისის ვაჟთა პირველი გიმნაზიის დირექტორმა ნიკოლოზ მირზიშვილმა გერმანული ენის მასწავლებელ ნინო ვასილის ასული აკოფაშვილის თხოვნა წარუდგინა უმაღლესი და საშუალო სასწავლებლების მთავარგამგეს. ხელს აწერენ გიმნაზიის დირექტორი ნიკოლოზ მირზიშვილი და საქმისმწარმოებელი კალისტრატე კონსტანტინეს ძე ჭიჭინაძე.

1919

ტიპი: ღონისძიება

სახალხო განათლების სამინისტრომ გაუგზავნა წერილი სვირის სასკოლო კომისიის წევრ ლუარსაბ გიორგაძეს, რომ მისი თხოვნა და ოქმი სვირის უმაღლეს დაწყებით სასწავლებელში აკაკი გველესიანის ინსპექტორად არჩევის შესახებ არ განიხილეს და უკანვე ეგზავნებოდა, რადგან ხელის მოწერა სხვის მიერ, მის მაგივრად არც თხოვნაზე და არც ოქმზე არ იყო არსებული წესით შემოწმებული.

1919

ტიპი: ღონისძიება

სახალხო განათლების სამინისტრომ აკაკი გველესიანს პასუხად მისი წერილისა აცნობა, რომ საზოგადოებას სრული უფლება ჰქონდა საკუთარ სასწავლებელში თავისი შეხედულებისამებრ მიეწვია ესა თუ ის გამგე-მასწავლებელი და წარედგინა იგი დასამტკიცებლად სამინისტროს წინაშე. მთავრობა მხოლოდ იმ შემთხვევაში ნიშნავდა გამგე-მასწავლებელს, როცა საზოგადოებას საკუთარი კანდიდატი არ ჰყავდა.

ტიპი: ღონისძიება

აკაკი გველესიანი არჩევნების უსამართლოდ ჩატარებას საზოგადოების დაწიხვლად და პირად შეურაცხყოფად თვლიდა, მით უმეტეს, რომ არჩეული კანდიდატი მასზე ბევრად მაღალი არ უნდა ყოფილიყო ზენზით.

ტიპი: ღონისძიება

გიორგი ჯუღელი საზოგადოების სხვა პირებთან ერთად მისულა პირველი რაიონის მეთვალყურესთან, სვირის მაღალ დაწყებითი სასწავლებლის გამგის ადგილის დაკავებასთან დაკავშირებით. გაუგიათ რა ეს სვირის მასწავლებლებს, ჭურაძის წასვლისთანავე მიუწვევიათ კრება, წარუდგენიათ აკაკი გველესიანის კანდიდატურა, მაგრამ გაუშავებიათ.

1919

ტიპი: ღონისძიება

აკაკი გველესიანმა თანხმობა განაცხადა გამგის ადგილის მიღებაზე და ინსპექციაში სათანადო თხოვნა შეიტანა.

1918

ტიპი: ღონისძიება

აკაკი გველესიანმა დაბალი სკოლების მთავარგამგეს გაუგზავნა წერილი, სადაც იუწყება, რომ 1918 წლის დეკემბრის პირველ რიცხვებში მასთან მივიდა სვირის ორკლასიანი სასწავლებლის ზედამხედველი გიორგი ჯუღელი სვირის საზოგადოების სხვა პირებთან ერთად და სთხოვა მიეღო სვირის მაღალ დაწყებითი სასწავლებლის გამგის ადგილი, ვინაიდან გამგე ალექსანდრე ჭურაძე ადგილს ტოვებდა.

1920

ტიპი: ღონისძიება

დამფუძნებელი კრების 1920 წლის 16 აგვისტოს სხდომაზე მელიტონ რუსიას მოხსენებით მიიღეს დეკრეტი გორის გასაშენებლად თავისუფალი კერძო მიწის ჩამორთმევის შესახებ.

1920

ტიპი: ღონისძიება

1920 წლის 16 აგვისტოს დამფუძნებელი კრების სხდომაზე აირჩიეს საპენსიო წესდების კომისია შემდეგი შემადგენლობით: ზაქარია გურული, ელეონორა მახვილაძე, ილია ფირცხალაიშვილი, ო. სოლოღაშვილი, გრიგოლ ვეშაპელი, ტერ-სტეპანიანცი, იესე ბარათაშვილი, იოანე გობეჩია, ალექსანდრე ასათიანი. ტექნიკურ კომისიაში აირჩიეს: გრიგოლ გიორგაძე, პავლე საყვარელიძე, მიხეილ კოვალიოვი, მელიტონ რუსია, შალვა ქარუმიძე, თევდორე ღლონტი, ი. ლორთქიფანიძე და სპირიდონ კედია.

1920

ტიპი: ღონისძიება

დამფუძნებელი კრების 1920 წლის 16 აგვისტოს სხდომაზე გრიგოლ გიორგაძის მოხსენებით მიიღეს დეკრეტი რესპუბლიკის მუშა-მოსამსახურეთათვის ხელფასის მომატების შესახებ. მომატება იწყება 100 პროცენტიდან და მთავრდება 50 პროცენტით.

1920

ტიპი: ღონისძიება

დამფუძნებელი კრების 1920 წლის 16 აგვისტოს სხდომაზე, რომელსაც თავმჯდომარეობდა ალექსანდრე ლომთათიძე, ივანე გომართელის, ი. ლორთქიფანიძის და გრიგოლ გიორგაძის მოხსენებით მიიღეს დეკრეტი სამხედრო უწყების, საავადმყოფოების, ქალაქისა და ერობის თვითმართველობისთვის გადაცემის შესახებ.

1920

ტიპი: ღონისძიება

1920 წლის 18 აგვისტოს „ერთობა“ იუწყება, რომ გასულ კვირას ტ. ა. ბეკზადიანმა საგარეო საქმეთა მინისტრი ევგენი გეგეჭკორი ინახულა. მათ ისაუბრეს საქართველოსა და სომხეთს შორის მეგობრული ურთიერთობის დამყარების შესახებ.

1920

ტიპი: ღონისძიება

1920 წლის 18 აგვისტოს „ერთობა“ იუწყება, რომ ერობათა კავშირის კომიტეტმა ევროპაში მყოფ ფინანსთა მინისტრ კონსტანტინე კანდელაკს საზღვარგარეთ თამბაქოს გაყიდვისგან აღებული ვალუტით ერობისთვის სხვადასხვა საქონლის შესყიდვა სთხოვა.

1920

ტიპი: ღონისძიება

1920 წლის 18 აგვისტოს „ერთობა“ იუწყება, რომ ფინანსთა მინისტრის მოვალეობის შემსრულებლის სიმონ ავალიანის თავმჯდომარეობით გაიმართება სამინისტროს საბჭოს სხდომა, რომელზეც განიხილავენ მთელ რიგ საკითხებს, მათ შორის, ენფიანჯიანცის თუთუნის ფაბრიკის ძირითადი თანხის გაზრდის შესახებ.

1920

ტიპი: ღონისძიება

1920 წლის 18 აგვისტოს „ერთობა“ იუწყება, რომ გამგეობამ შეიძინა სტამბა, რომელიც ოზურგეთში მოეწყობა. სტამბის გამგედ მიიწვიეს თ. ბოლქვაძე.

1920

ტიპი: ღონისძიება

1920 წლის 18 აგვისტოს „ერთობა“ იუწყება, რომ სამაზრო ადმინისტრაციამ მიიღო ზომები ტყიბულის რაიონში ძარცვა-გლეჯის აღმოსაფხვრელად. ყაჩაღებს ხელმძღვანელობდნენ სირბილაძე და ნანიკაშვილი. ადმინისტრაციამ რამდენიმე ყაჩაღი დაიჭირა, ერთი მეთაური მოკლა.

1919

ტიპი: ღონისძიება

1919 წელს ეკატერინე გველესიანმა სახალხო განათლების კანცელარიის დირექტორს სთხოვა, მისთვის შესაფერისი სამსახური მიეცათ სამინისტროში.

1917

ტიპი: ღონისძიება

1917 წლის 17 სექტემბერს აკაკი გვახარია დაქორწინდა.

1918

ტიპი: ღონისძიება

1918 წელს ქობულეთის უმაღლეს დაწყებითი სასწავლებლის გამგე მიხეილ სიმონის ძე შარაშიძე დაწყებითი სკოლების მთავარგამგის წინაშე შუამდგომლობდა აკაკი კონსტანტინეს ძე გვახარიას უმაღლეს დაწყებითი სასწავლებლის მასწავლებლის თანამდებობაზე დამტკიცების შესახებ.

1919

ტიპი: ღონისძიება

თბილისიდან მიღებული ცნობების თანახმად, უკან დახევის შემდეგ მთიელებმა კვლავ მიიტანეს იერიში გროზნოზე და ალყაში მოიქციეს ნავთობის საბადოების რაიონი. გენერალი ერდელი დაღესტნელების დასაშოშმინებლად დენიკინისგან მრავალრიცხოვან მაშველ ძალას ითხოვდა.

1919

ტიპი: ღონისძიება

1919 წლის 29 მარტს მთავარგამგე გრიგოლ ნათაძემ და საქმისმწარმოებელმა ნიკოლოზ აბესაძემ ოზურგეთის ქალთა გიმნაზიის დირექტორს, 1919 წლის 27 თებერვლის N 10 შუამდგომლობის თანახმად აცნობეს, რომ სოლომონ ანდღულაძეს ნებას რთავდნენ მისდამი რწმუნებულ გიმნაზიაში საქმისმწარმოებლის ადგილი დროებით დაეკავებინა.

1957

ტიპი: ღონისძიება

1957 წლის სექტემბერში ექიმები ლადო მაღლაკელიძისთვის მეორე ფეხის მოკვეთასაც აპირებდნენ, რადგან მას განგრენა ჰქონდა.