1928

ტიპი: ღონისძიება

1928 წლის 7 თებერვალს თბილისში გამართულ სპარსეთ-საბჭოთა სარკინიგზო კონფერენციას ესწრებოდნენ კარკლინი, ივანოვი, ბერიძე, ალი-ხან-ზახირი, მირზა-სეიდ-ალი-ხან-ნაზრი და ჯალილ-ხან-ხაშიმ-ზადე. კონფერენცია მიზნად ისახავდა ორ ქვეყანას შორის სარკინიგზო მიმოსვლის მოწესრიგებას.

1935

ტიპი: ღონისძიება

1935 წლის 23 დეკემბერს მშენებლობის საკითხებზე გამართულ პარტიულ თათბირს ესწრებოდნენ თბილისის სამშენებლო ორგანიზაციათა ხელმძღვანელები, ინჟინერ-ტექნიკოსები და მუშა სტახანოველები – პარმენ წულუკიძე, ვ. ბაქრაძე, გერმან მგალობლიშვილი, ს. კუდრიავცევი, გ. არუთინოვი, გიორგი სტურუა, მ. გობეჩია, გიორგი ყურულაშვილი, ილუშინი, ბუდიკაშვილი, ავერბახი, მორეტი, კვინიხიძე, დაბროტინი, შენდეროვი, ოდიშარია, ეროგინი, ზავრიევი, მ. ნიორაძე და თევდორაძე.

1935

ტიპი: ღონისძიება

1935 წლის 2 დეკემბერს მ. გობეჩიას თავმჯდომარეობით სტახანოვური მოძრაობის თაობაზე გამართულ თათბირს ესწრებოდნენ: ვ. ბაქრაძე, ყუჯიაშვილი, აფრიაშვილი, ვ. მაჭავარიანი, ბარქაია, თოთიბაძე, პუგაჩოვი, სიტნიკოვი, ახალაძე, ჯავარიძე, კარაპეტიანი, მურადოვი და შარია.

1935

ტიპი: ღონისძიება

1935 წელს, სსრკ-ის ცენტრალური აღმასრულებელი კომიტეტის დადგენილებით, საბჭოთა კავშირის მარშლის წოდება მიენიჭათ კლიმენტი ვოროშილოვს, მიხეილ ტუხაჩევსკისა და ალექსანდრე ეგოროვს.

1935

ტიპი: ღონისძიება

1935 წლის 3 ნოემბერს გამართულ თბილისის რკინიგზის კვანძის სტახანოველთა პირველ შეკრებას ესწრებოდნენ: ჭიჭინაძე, ნალიაპინი, მამულაშვილი, ნეფარეიშვილი, კიკნაძე და შიმანსკი. ჩამოვიდნენ ბაქოსა და კიროვობადის დელეგაციები. შეკრება გახსნა დარსაძემ, სიტყვით გამოვიდა პავერმანი.

1935

ტიპი: ღონისძიება

1935 წლის შემოდგომაზე ქართველმა მწერლებმა – პაოლო იაშვილმა, ტიციან ტაბიძემ, გალაკტიონ ტაბიძემ, მიხეილ ჯავახიშვილმა, შალვა დადიანმა და კონსტანტინე ლორთქიფანიძემ – ამიერკავკასიის დეპეშათა სააგენტოს თანამშრომელს გააცნეს ახალი შრომები, რომლებსაც ისინი რევოლუციის 18 წლისთავისთვის ამზადებდნენ და გეგმების შესახებაც ისაუბრეს.

1935

ტიპი: ღონისძიება

12-დან 16 სექტემბრამდე ფრუნზეს სახელობის ქართული მსროლელი დივიზიის მეორე შეერთებულმა ათასეულმა უაღრესად რთულ პირობებში, სრული აღჭურვილობით დალაშქრა ყაზბეგის მწვერვალი და მასზე აღმართა ამხ. სტალინის ბიუსტი. სრულიად საქართველოს ცაკ-მა და საქ. სსრ სახკომსაბჭომ დაადგინა: 1. გამოეცხადოს მადლობა ათასეულის მთელ შემადგენლობას 2. მწვერვალის დაძლევის ის მონაწილეები, რომელთაც განსაკუთრებით გამოიჩინეს თავი, დააჯილდოვეს საქართველოს ცენტრალური აღმასრულებელი კომიტეტის სიგელითა და ფულადი პრემიით.

1935

ტიპი: ღონისძიება

1935 წლის 21-22 ივლისს ლავრენტი ბერიამ თბილისის პარტიული აქტივის კრებაზე კომუნისტური პარტიის ისტორიის შესწავლის აუცილებლობაზე ილაპარაკა.

1935

ტიპი: ღონისძიება

1935 წლის ივნისში საკავშირო კომუნისტური პარტიის ცენტრალურმა კომიტეტმა აბელ ენუქიძე, ქემოკლიძე, ლასხიშვილი და ავალიანი დანაშაულებრივ ქმედებებში ამხილა.

1935

ტიპი: ღონისძიება

1935 წლის პირველ ივლისს გაიხსნა ახალგაზრდა კომკავშირელ ქალთა სრულიად საკავშირო ყრილობა, რომელსაც საკავშირო კომუნისტური პარტიის (ბ) ცენტრალური კომიტეტის მდივანი ანდრეევიც დაესწრო. ახალგაზრდა ქალთა შორის მუშაობის შესახებ მოხსენება წაიკითხა ვასილევამ.

ტიპი: ღონისძიება

სასოფლო-სამეურნეო კამპანიასთან დაკავშირებით, საქართველოს ჯანსახკომმა ჭიათურის რაიონში 10 დღით მიავლინა სანიტ-პროფილაქტიკური თეატრი ს. წერეთლის ხელმძღვანელობით. თეატრმა ჯანმრთელობის საკითხებზე წარმოდგენები დადგა და ლექციები გამართა.

1935

ტიპი: ღონისძიება

1935 წლის 19 ივნისს თბილისში ჩამოვიდა ირანის გენერალური კონსული კაზემი, რომელსაც ვაგზალზე შეეგებნენ საგარეო საქმეთა სახალხო კომისარიატის რწმუნებული ამიერკავკასიაში სკობელევი და ირანის გენერალური საკონსულოს მთელი შემადგენლობა გენერალური კონსულის, პაკნაზარის მეთაურობით.

1935

ტიპი: ღონისძიება

1935 წლის 29 მაისს თბილისში სოც. შეჯიბრების ხელშეკრულებაზე ხელის მოსაწერად ჩამოვიდა ჩრდ. კავკასიის დელეგაცია სამხარეო აღმასრულებელი კომიტეტის თავმჯდომარე ი. პივოვაროვის მეთაურობით. სტუმრებს დახვდნენ: ამიერკავკასიის სახკომსაბჭოს თავმჯდომარე მუსამბეკოვი, მიწსახკომი ბუნიატ-ზადე, შინსახკომი სტანსკი, პარტიის სამხარეო კომიტეტის წარმომადგენელი გორიაჩევი, პრესის წარმომადგენლები და სხვ.

1935

ტიპი: ღონისძიება

1925 წლის 12 მაისს სადგურ ნეგორელოში მოსკოვში მიმავალი საფრანგეთის საგარეო საქმეთა მინისტრი პიერ ლავალი ჩამოვიდა. მას თან ახლდა სამინისტროს გენერალური მდივანი ლეჟე და კაბინეტის უფროსი რაში. საზღვარზე ლავალს შეეგებნენ საგარეო საქმეთა სახალხო კომისარიატის წარმომადგენელი რეინბერგი და საფრანგეთის ელჩი საბჭოთა კავშირში ალფანი.

1927

ტიპი: ღონისძიება

1927 წლის 30 აგვისტოს თბილისში, ხელოვნების სახლში, გამართულ მწერალთა კავშირისა და ხელოვნების კომიტეტის პრეზიდიუმების გაერთიანებულ სხდომაზე აირჩიეს კოტე მაყაშვილის დამკრძალავი კომიტეტის წევრები: სპირიდონ თოდრია, ივანე ჯავახიშვილი, კორნელი კეკელიძე, გრიგოლ რცხილაძე, ზაქარია ფალიაშვილი, ლუარსაბ ანდრონიკაშვილი, ილია ზურაბიშვილი, ალექსანდრე ახმეტელი, რაჟდენ დუმბაძე, იაკობ ნიკოლაძე, კონსტანტინე მარჯანიშვილი.

1935

ტიპი: ღონისძიება

1935 წლის 2 მაისს თურქეთის პრეზიდენტის ქემალ ათათურქის მიერ გამართულ საზეიმო დარბაზობას ესწრებოდნენ: პრემიერი ისმეთ ინეინუ, საბჭოთა კავშირის სრულუფლებიანი წარმომადგენელი თურქეთში ლევ კარახანი, ბალკანეთის ანტანტის ეკონომიკური საბჭოს წევრები, თურქეთის გამოჩენილი სახელმწიფო მოღვაწეები და თურქეთში საგასტროლოდ გამგზავრებული საბჭოთა მსახიობთა ანსამბლი.

1935

ტიპი: ღონისძიება

1935 წლის პირველ მაისს თბილისში ჩატარებულ აღლუმზე სიტყვით გამოვიდნენ კავკასიის წითელდროშოვანი არმიის სარდალი მიხეილ ლევანდოვსკი, მუსამბეკოვი და ფილიპე მახარაძე.

1927

ტიპი: ღონისძიება

1927 წელს თბილისს ეწვივნენ საბჭოთა კავშირის სრულუფლებიანი წარმომადგენელი სპარსეთში დავითიანი და მისი მრჩეველი ლოგანოვსკი. მათ შეხვდა სსრკ-ის სახკომის რწმუნებულის მოვალეობის შემსრულებელი კვიტაშვილი.

1935

ტიპი: ღონისძიება

1935 წლის 8 მარტის გაზეთ „კომუნისტის" მიხედვით, კლიმენტი სულავა (რიონჰესის სამმართველოს უფროსი) გარიცხეს კომუნისტური პარტიიდან ტროცკისტულ ოპოზიციასთან თანამშრომლობის ბრალდებით, რადგან იგი ბრალს არავის სდებდა და არც პარტიულ კრებებზე იბრძოდა კონტრრევოლუციური ტროცკიზმის წინააღმდეგ.

1935

ტიპი: ღონისძიება

სამედიცინო დასკვნის მიხედვით, ვ. კუიბიშევის სიკვდილი გამოიწვია გულის მარჯვენა არტერიის შეკუმშვამ შედედებული სისხლით (თრომბით), რომელიც გაჩნდა მკვეთრად გამოხატული საერთო არტერიოსკლეროზის შედეგად, რამაც განსაკუთრებით ძლიერ დააზიანა გულის გვირგვინოვანი არტერია.

1935

ტიპი: ღონისძიება

1935 წლის 8 იანვარს საქართველოს კპ (ბ) თბილისის კომიტეტის პარტკაბინეტში მოიწვიეს თბილისის ორგანიზაციების პარტიულ-კომკავშირული ქსელის საკავშირო კომუნისტური პარტიის (ბ) ისტორიის შემსწავლელი წრეების პროპაგანდისტთა კონფერენცია. მოხსენება თემაზე „პარტიის ისტორიის პროპაგანდის საკითხები" წაიკითხა შახსუვაროვმა.

1935

ტიპი: ღონისძიება

1935 წლის თებერვალში კომუნისტის მუშა-კორესპონდენტებმა – ა. კვირკველიამ, ტ. პატულოვამ, ი. კალაძემ, მ. ჭარხალაშვილმა, მ. სიხარულიძემ, ე. ჩიგოგიძემ, კ. გაბუნიამ, ჯახუტაშვილმა, წეველიძემ, ტერტერაშვილმა, მ. ქვირიამ, ლ. ისელიძემ, მ. არუთინოვმა, ჟესანოვმა, ე. ბერიაშვილმა, მ. სამხარაძემ და მ. მახარაძემ – სხვადასხვა ორგანიზაციაში რეიდი მოაწყვეს. აღმოჩნდა, რომ ორგანიზაციები უყურადღებოდ ეპყრობოდნენ რედაქციის მიერ მათთვის რეაგირების მიზნით გაგზავნილ წერილებს.

1924

ტიპი: ღონისძიება

1924 წლის 18 თებერვალს თბილისში, სამოვოლნი ქუჩის ბოლოს, მიქაელიანცის სახლში, საგანგებო კომისიამ აღმოაჩინა მენშევიკების არალეგალური სტამბა, სადაც იპოვეს მენშევიკების არალეგალური კონფერენციის ანგარიში, ნოე ხომერიკის, სეით დევდარიანისა და გოგიტა ფაღავას ხელნაწერები და სამი ფუთი შრიფტი.

1937

ტიპი: ღონისძიება

1937 წელს საქართველოს სსრ სახალხო კომისართა საბჭომ მიიღო დადგენილება სოფლის მეურნეობის მავნებლებთან, კერძოდ მინდვრის ფარვანასთან, ბრძოლის ღონისძიებათა შესახებ. დადგენილებას ხელი მოაწერეს სახალხო კომისართა საბჭოს თავმჯდომარე გერმანე მგალობლიშვილმა და საქმეთა მმართველმა რ. შომახიამ.

1923

ტიპი: ღონისძიება

1923 წლის თებერვალში ბოლშევიკ ობოლაძის მოკვლის შემდეგ გურიაში რეპრესიები დაიწყო და გიორგი სალუქვაძეს დაპატიმრების საფრთხე დაემუქრა. იგი იძულებული გახდა, არალეგალურ საქმიანობაზე გადასულიყო და პარტიული მუშაობა გაეაქტიურებინა.