რეგისტრირებული ფაქტები30027
ფილტრი:
სორტირება ახალი ჩანაწერების მიხედვით
1919
ტიპი: ღონისძიება
1919 წელს დუშეთში დაარსდა ჯარისკაცთა მოძრავი უნივერსიტეტი. ლექტორები ლექციების წასაკითხად დარიალსა და სხვა სასაზღვრო ობიექტებზე იგზავნებოდნენ. ამ პროცესების სამართავად კულტურულ-საგანმანათლებლო კომისია შედგა, რომლის წევრებიც იყვნენ: ნ. ჩიმაკიძე, ალექსიშვილი და ნ. წივწივაძე. ამ წელს გადაწყდა დუშეთში მოძრავი ბიბლიოთეკის მოწყობაც.
1919
ტიპი: ღონისძიება
1919 წლის 24 აგვისტოს გაზეთ „საქართველოს რესპუბლიკის“ ცნობით, ინგლისელთა მისიამ აცნობა საქართველოს საგარეო საქმეთა სამინისტროს, რომ ბრიტანეთის საგარეო საქმეთა სამინისტრო ამიერკავკასიაში გზავნიდა პოლიტიკურ მისიას ოლივერ უორდროპის მეთაურობით, რომელსაც ერქმეოდა ბრიტანეთის მთავარი კომისარი. მისია მიზნად ისახავდა ამიერკავკასიის მთავრობებთან კავშირის შეკვრას და მათთვის რეგიონში ბრიტანეთის ინტერესების გაცნობას.
1919
ტიპი: ღონისძიება
1919 წლის აგვისტოში რესპუბლიკის საზღვრებიდან გასასვლელი მოწმობების გაცემის უფლება შინაგან საქმეთა მინისტრმა ნოე რამიშვილმა თბილისის მილიციის უფროსს, ვლადიმერ სულაქველიძეს მიანიჭა.
1919
ტიპი: ღონისძიება
1919 წლის 23 აგვისტოს, 12 საათზე, თბილისიდან ერევანში სწრაფი მატარებლით გაემგზავრნენ ამერიკის მისიის წევრები პოლკოვნიკ უილიამ ჰასკელის მეთაურობით. სადგურ კობამდე ისინი გზათა სამინისტროს დეპარტამენტის დირექტორმა ბესარიონ ალექსის ჭიჭინაძემ და მოძრაობის უფროსმა გ. ა. აბელოვმა გააცილეს.
1919
ტიპი: ღონისძიება
1919 წლის აგვისტოში თბილისის სახელმწიფო უნივერსიტეტში აკაკი შანიძემ არაბული ენის ლექციების კითხვა განაახლა.
1919
ტიპი: ღონისძიება
1919 წლის 20 აგვისტოს, 10 საათზე, პოლკოვნიკი უილიამ ჰასკელი ოფიციალური ვიზიტით ეწვია ევგენი გეგეჭკორს. ვიზიტის შემდეგ სტუმარმა სასახლე დაათვალიერა და კმაყოფილი დარჩა.
1918
ტიპი: ღონისძიება
1918 წლის მაისში აზერბაიჯანის მთავრობის მეთაური ფათალი ხან ხოისკი ამიერკავკასიის სათათრეთის სახელით საქართველოს დამოუკიდებლობას მიესალმა.
ტიპი: ღონისძიება
დღის პირველ საათზე საქართველოს კათალიკოს პატრიარქმა კირიონ II-მ, თბილელი მიტროპოლიტი ლეონიდეს, ურბნელი დავითის და თბილელი სამღვდელოების თანამწირველობით, სამადლობელი პარაკლისი გადაიხადა სიონის ტაძარში საქართველოს დამოუკიდებლობის გამო.
1918
ტიპი: ღონისძიება
1918 წელს საქართველოს მთავრობის პირველ სხდომაზე მიიღეს გადაწყვეტილება, საქართველოს ეროვნული ბანკის დაარსების საკითხი საემისიო უფლებებით გადასცემოდა ეროვნული საბჭოს საფინანსო კომისიას, რომელშიც მთავრობიდან შევიდნენ ფინანსთა მინისტრი გიორგი ჟურული და კონსტანტინე კანდელაკი.
1919
ტიპი: ღონისძიება
1919 წლის აგვისტოში პუშკინის ქუჩაზე ხაჩატურ ქოჩარიანს ამერიკის მისიის ავტომობილი დაეჯახა. ის მძიმედ დაშავდა.
1919
ტიპი: ღონისძიება
1919 წლის აგვისტოში ბათუმიდან თბილისში მეუღლესთან ერთად ჩამოსული ამერიკელი პოლკოვნიკი უილიამ ჰასკელი ამერიკელთა სამხედრო ბინაში დაბინავდა.
1919
ტიპი: ღონისძიება
1919 წლის აგვისტოში გამართულ ჯავშნიანი მატარებლის რაზმის გაერთიანებულ კრებაზე სიტყვით გამოვიდა რაზმის მეთაური ვალოდია გოგუაძე. რაზმმა მხარდაჭერა გამოუცხადა დამფუძნებელ კრებასა და მთავრობას.
1919
ტიპი: ღონისძიება
1919 წლის აგვისტოში სისხლის სამართლის მილიციამ სადგურზე დააკავა პოპანდოპულო, რომელსაც აღმოაჩნდა 225 ცალი ოსმალური ოქროს ლირა და აგრეთვე ბაქოს მატარებლის ბილეთი. ვინაიდან ოქროს გატანა საქართველოს რესპუბლიკის საზღვრებიდან აკრძალული იყო, მას ჩამოართვეს ოქრო და ჩააბარეს საბაჟოს.
1919
ტიპი: ღონისძიება
1919 წლის აგვისტოში გაიმართულ ლანჩხუთის საბჭოს სხდომაზე ქალაქისთავმა შარაშენიძემ აღნიშნა, რომ საბჭოს სურვილის თანახმად ქალაქის გასანათებლად ელექტროსადგური შეიძინეს და მიმდინარეობდა სამუშაოები მის დასადგმელად და მოსაწყობად.
1919
ტიპი: ღონისძიება
1919 წლის აგვისტოში ბორჯომის ქუჩაზე ეისანოვის ბინიდან მოიპარეს 10000 მანეთის ღირებულების სხვადასხვა ნივთი. დააკავეს რამდენიმე ეჭვმიტანილი.
1919
ტიპი: ღონისძიება
1919 წლის აგვისტოში საინჟინრო დისტანციის ჩინოსან ნეროვის ბინაზე მილიციის თანამშრომლებმა აღმოაჩინეს ბერდანკა (ცეცხლსასროლი იარაღი) 49 საომარი ტყვიით.
1919
ტიპი: ღონისძიება
1919 წლის ზაფხულში ალექსანდრე მაისურაძის ლოტბარობით ხელოსანთა კლუბში სამხედრო სამინისტროს მცველ ჯარისკაცთა კონცერტი გაიმართა.
1919
ტიპი: ღონისძიება
1919 წლის აგვისტოში შინაგან საქმეთა მინისტრს, ნოე რამიშვილს 21 ივლისის დადგენილების სისრულეში მოყვანა და 2 472 ფუთი ფქვილის სამხედრო გზათა უწყებისთვის გადაცემა დაევალა.
1919
ტიპი: ღონისძიება
1919 წლის 19 აგვისტოს ნოე რამიშვილის თავმჯდომარეობით გამართულ საუწყებათაშორისო კომისიის პირველ სხდომას საზღვარგარეთ წამსვლელი ახალგაზრდებისთვის სტიპენდიის მიცემის წესი უნდა შეემუშავებინა.
1919
ტიპი: ღონისძიება
1919 წლის ივლისში ქვეშეთთან ახლოს, საქართველოს სამხედრო გზაზე, ფოსტის ავტომობილს თავს დაესხნენ ბოროტმოქმედები. ორმხრივი სროლის დროს კაპიტანი და ოფიცერი ახობაძე დაიჭრნენ. ყაჩაღები კი ისე გაიქცნენ, ვერაფერი წაიღეს.
1919
ტიპი: ღონისძიება
1919 წლის ივლისში ფინანსთა და ვაჭრობა-მრეწველობის სამინისტროში გამართულ საბჭოს სხდომაზე გადაწყდა, არჩეულიყო ოთხი კაცისგან შემდგარი კომისია, რომელიც საჩეკო ოპერაციებთან დაკავშირებულ საკითხს შეისწავლიდა. კომისიაში შევიდნენ: იასონ ლორთქიფანიძე, ბერგი, ჯაყელი და ალექსანდრე ჯაბადარი.
1919
ტიპი: ღონისძიება
1919 წლის ივლისში ფინანსთა და ვაჭრობა-მრეწველობის სამინისტროში გამართულ საბჭოს სხდომაზე საჩეკო ოპერაციების საკითხი განიხილეს. აზრთა სხვადასხვაობის გამო საბჭოს წევრები ორ ჯგუფად გაიყვნენ, ერთ ჯგუფს სათავეში ედგა სახელმწიფო ბანკის გამგე ბერგი, ხოლო მეორეს – ამიერკავკასიის ბანკის დირექტორი იასონ ლორთქიფანიძე.
1919
ტიპი: ღონისძიება
1919 წლის ივლისში ოზურგეთში დამსწრეების, ერობისა და ქალაქის ხმოსანთა თანდასწრებით ჯარისკაცთა უნივერსიტეტი გაიხსნა. საზეიმო დღესასწაული გენერალმა დავით ართმელიძემ გახსნა. სიტყვით გამოვიდნენ ჯარის, ერობის, სამხედრო უწყებისა და სახალხო მასწავლებელთა კავშირის წარმომადგენლები, შემდეგ გაიმართა სადღესასწაულო აღლუმი, რომელშიც მონაწილეობდა ქვეითი ჯარი არტილერიისა და სამხედრო მუსიკის თანხლებით.
1919
ტიპი: ღონისძიება
1919 წლის ივლისში გაიმართა მუსიკალური საზოგადოების ახალი გამგეობის და მუსიკალური კოლეგიის სხდომა. თავმჯდომარედ აირჩიეს კონსტანტინე ანდრონიკაშვილი, თავმჯდომარის ამხანაგად – ს. ჟორჟოლიანი, ხოლო მდივნად – კ. მოსული. როგორც გაირკვა, კაპელის მუსიკალური ნაწილი მუსიკალური საზოგადოების ხელში იქნებოდა, ფინანსური კი – კოოპერატივთა კავშირის ხელში.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -