1919

ტიპი: ღონისძიება

1919 წლის ივლისში, ღამით, ამაღლების ქუჩაზე მდებარე ქობულაშვილის ბინაში, ვლ. ვორონინის ოთახიდან, უცნობმა პირებმა მოიპარეს 66 000 მანეთის ბონები, 4 000 მანეთის ღირებულების ნიკოლოზის ფული და დიდი რაოდენობით ოქრო, სულ მილიონ მანეთზე მეტი.

1919

ტიპი: ღონისძიება

1919 წელს ჭიათურის თვითმმართველობის სამსახურში გამართულ ქალაქის საბჭოს კრებას დაესწრნენ: პლატონ მოდებაძე, ევსევი თოდუა, ისიდორე ხარატიშვილი და 14 ხმოსანი. სხდომაზე მოხსენებები წაიკითხეს და სესხის აღების საკითხი განიხილეს.

1919

ტიპი: ღონისძიება

1919 წელს მხატვარ მოსე თოიძეს მთავრობის დადგენილებით, სურათების მოძრავი გამოფენის მოსაწყობად 10 000 მანეთი გადაეცა.

1919

ტიპი: ღონისძიება

1919 წელს ბათუმიდან თბილისში, ნავთლუღის სადგურზე, ჩამოსული მაშადი ჯაფარ-ოღლი ბოროტმოქმედებმა მოკვლის მუქარით სასტუმრო „ბელგიაში“ შეიყვანეს და 32 700 მანეთი და 56 ოქროს ლირა წაართვეს.

1919

ტიპი: ღონისძიება

1919 წლის ივლისში მთავრობის სხდომაზე გადაწყდა, შემდგარიყო კომისია, რომელიც აღწერდა ქართული ეკლესია-მონასტრების ქონებას და სათანადო აქტებს შეადგენდა. კომისიაში უნდა შესულიყო ორი პირი, აღწერის ჩატარებაში მათ უნდა დახმარებოდა ადგილობრივი ერობის ერთი წარმომადგენელი. კომისიის შედგენა დაევალა მთავრობის თავმჯდომარეს, სამუშაოების განსახორციელებლად სახელმწიფოს 10-მილიონიანი ფონდიდან გამოიყო 10 000 მანეთი.

1919

ტიპი: ღონისძიება

1919 წლის ივლისში ახალშენში მდებარე მ. მიქიაშვილის ბინაში 3 შეიარაღებული პირი შეიჭრა. მათ მუქარით წაიღეს 1 000 მანეთის ნივთები.

1919

ტიპი: ღონისძიება

1919 წელს ვარციხის სახელმწიფო მამულში დასაქმებული მუშები ეკონომიკური პირობების გამო გაიფიცნენ. გაფიცულებთან მოსალაპარაკებლად ჩასული შრომის მინისტრის მოადგილე გიორგი ერაძე მათ პრობლემების მოგვარებას დაჰპირდა.

1919

ტიპი: ღონისძიება

1919 წლის ივლისში დამფუძნებელმა კრებამ საზღვარგარეთ განათლების მისაღებად წამსვლელთათვის 2 000 000 მანეთი გამოყო. სტიპენდიის განაწილების წესის შესამუშავებლად განათლების მინისტრის ხელმძღვანელობით შეიქმნა საუწყებათაშორისო კომისია, რომელშიც გაერთიანდნენ სახელმწიფო უნივერსიტეტისა და დამფუძნებელი კრების კომისიების წარმომადგენლები, მათ შორის იყო ნოე რამიშვილიც.

1919

ტიპი: ღონისძიება

1919 წლის ზაფხულში დამფუძნებელმა კრებამ მიიღო დეკრეტი გადამდებ დაავადებებთან საბრძოლველად შინაგან საქმეთა მინისტრ ნოე რამიშვილისთვის 200 000 მანეთის გამოყოფის შესახებ.

1919

ტიპი: ღონისძიება

1919 წლის პირველ ივლისს სიონის ტაძარში კირიონ კათალიკოსის სულის მოსახსენიებლად წირვა და პანაშვიდი გადაიხადეს. პანაშვიდს ძალიან ბევრი ხალხი დაესწრო.

1919

ტიპი: ღონისძიება

1919 წლის ივლისში აჯამეთსა და რიონს შუა მატარებელი ლიანდაგიდან გადავიდა. საქმის გამოსაძიებლად იმ დღესვე გაემგზავრა კომისია გზათა დეპარტამენტის დირექტორ ჭიჭინაძის თავმჯდომარეობით. გამოძიებამ დაადგინა, რომ ლიანდაგი განზრახ იყო აყრილი. დანაშაულის ჩადენის ბრალდებით რკინიგზის სამი თანამშრომელი დააკავეს.

1919

ტიპი: ღონისძიება

1919 წლის ზაფხულში დამფუძნებელმა კრებამ მიიღო დეკრეტი, რომლის მიხედვითაც შინაგან საქმეთა მინისტრ ნოე რამიშვილს ანარქიასთან საბრძოლველად ნახევარი მილიონი მანეთი გამოუყვეს.

1919

ტიპი: ღონისძიება

1919 წლის 26-28 ივნისს პარიზში გაიმართა მოკავშირე და ნეიტრალურ ქვეყნების კოოპერატივთა კონგრესი. საქართველოს წარმომადგენლობა კონგრესზე გიორგი ჯინორიას დაევალა.

1919

ტიპი: ღონისძიება

1919 წელს საქართველოს მთავრობამ 10-მილიონიანი ფონდიდან 150 000 მანეთი გამოყო ყოფილი რუსეთის იმპერიის სხვადასხვა კუთხიდან ქართველების სამშობლოში ჩამოსაყვანად.ამ საქმის შესრულება გაბრიელ ხუნდაძეს დაევალა.

1919

ტიპი: ღონისძიება

1919 წლის ივნისში თბილისში, ვანქის ეკლესიის ეზოში, ოვანეს თუმანიანის თაოსნობით ყარაბაღში მომხდარი ამბების გამო გამართულ მიტინგზე გადაწყვიტეს, მიემართათ პარიზის საზავო კონფერენციისთვის. მომიტინგეებს სურდათ, ყარაბაღი სომხეთის რესპუბლიკას შეერთებოდა და ამ საკითხის გადაწყვეტამდე ყარაბაღში მოკავშირეთა ადმინისტრაცია დაენიშნათ.

1919

ტიპი: ღონისძიება

1919 წლის ივლისში საქართველოს კოოპერატიული ბანკის დამფუძნებელმა კრებამ, რომელსაც ესწრებოდა ნოე ხომერიკი, განიხილა წესდება და ფინანსთა მინისტრს დასამტკიცებლად წარუდგინა.

1919

ტიპი: ღონისძიება

1919 წლის ივნისში ახალციხის საქველმოქმედო საზოგადოების განყოფილებამ აღადგინა ობოლ ბავშვთა თავშესაფარი, ოსმალთა შემოსევის დროიდან დაკეტილი. თავშესაფრის გახსნას დაესწრნენ მთავრობის საგანგებო რწმუნებული გრიგოლ გიორგაძე, დამფუძნებელი კრების წევრი ლევან რუხაძე და ლტოლვილთა ცენტრალური კომიტეტის თავმჯდომარის რწმუნებული გრიგოლ ვეშაპელი.

1919

ტიპი: ღონისძიება

1919 წელს თბილისში ალექსანდრე ხატისოვისა და გენერალ ჯორჯ კიორის შეხვედრა შედგა.

1919

ტიპი: ღონისძიება

1919 წლის ივნისში თბილისის მექანიკურ სატრანსპორტო-სააქციონერო ქარხანაში გამართულ მუშათა კრებაზე განიხილეს ანტონ დენიკინის მხრიდან არსებული საფრთხე.

1919

ტიპი: ღონისძიება

1919 წელს ვ. მაჩაბლის დაობლებული ოჯახის დასახმარებლად მთავრობამ 20000 მანეთი გამოყო.

1919

ტიპი: ღონისძიება

1919 წლის ივნისის შუა რიცხვებში თბილისში ხელოვნების მსახურთა დღე გაიმართა. ქალაქში მსახიობები ორკესტრის თანხლებით ავტომობილებით, ეტლებითა და ურმებით დადიოდნენ. ნაშუადღევს მთელმა კორტეჟმა მთავრობის სასახლის წინ მოიყარა თავი და ეროვნული ჰიმნით მიესალმა საქართველოს მთავრობის თავმჯდომარეს, ნოე ჟორდანიას.

ტიპი: ღონისძიება

სახელმწიფო თეატრში საქველმოქმედო მიზნით გაიმართა მოხსენებათა დილა. მოხსენებები ეხებოდა დენიკინის განზრახვას ამიერკავკასიის რესპუბლიკების წინააღმდეგ გამოლაშქრების შესახებ. მოხსენებით გამოვიდნენ როგორც საქართველოს, ასევე აზერბაიჯანის მხრიდანაც. თავის გამოსვლაში საგარეო საქმეთა მინისტრი გეგეჭკორი ხალხს უმტკიცებდა, რომ საქართველოს მთავრობამ ყველაფერი გააკეთა შეიარაღებული დაპირისპირების თავიდან ასაცილებლად. ასევე აღინიშნა დენიკინის წარმომადგენლის, ინგლისელი გენერლის არაობიექტური დამოკიდებულება.

1919

ტიპი: ღონისძიება

1919 წლის ივნისში ვანათის მოსახლეობამ ჩაატარა ყრილობა, რომელზეც განაცხადეს, რომ, მთავრობის მოწოდების შემთხვევაში, მზად იყვნენ, ყველა სამხედრო ვალდებულ ახალგაზრდას მოეხადა ვალი და გზების შესაკეთებლად მოხალისეები გამოეყვანათ. ისინი ნდობას უცხადებდნენ ქართული ლეგიონის პოლკოვნიკ ლეო კერესელიძეს.

1919

ტიპი: ღონისძიება

1919 წელს შინაგან საქმეთა მინისტრ ნოე რამიშვილს მხატვარი მოსე თოიძე შეხვდა და დაგეგმილი გამოფენებისთვის სურათებისა და ქანდაკებების გადასაზიდად ვაგონი სთხოვა. გამოფენები დაგეგმილი იყო ქუთაისში, ფოთში, ბათუმში, ბორჯომში, თელავსა და გორში.

1919

ტიპი: ღონისძიება

1919 წლის ივნისში ვილობი სმითი თბილისიდან ამერიკაში გაემგზავრა. გამგზავრებამდე კონსულმა საქართველოს მთავრობის წევრებთან გამართა მოლაპარაკებები.