რეგისტრირებული ფაქტები32778
ფილტრი:
სორტირება ახალი ჩანაწერების მიხედვით
1918
ტიპი: ღონისძიება
საქართველოს დემოკრატიული რესპუბლიკის სახალხო განათლების მინისტრის 1918 წლის 10 სექტემბრის N45 ბრძანებით ამიერკავკასიის სასწავლო კომისარიატის ლიკვიდაციის დასრულების გამო სამსახურიდან დაითხოვეს დაქირავებული თანამშრომელი ტატიანა ნიკოლოზის ასული შრეიბერი.
1918
ტიპი: ღონისძიება
საქართველოს დემოკრატიული რესპუბლიკის სახალხო განათლების მინისტრის 1918 წლის 10 სექტემბრის N45 ბრძანებით ამიერკავკასიის სასწავლო კომისარიატის ლიკვიდაციის დასრულების გამო სამსახურიდან დაითხოვეს დაქირავებული თანამშრომელი სოფიო ივანეს ასული ულიანოვსკი.
1918
ტიპი: ღონისძიება
საქართველოს დემოკრატიული რესპუბლიკის სახალხო განათლების მინისტრის 1918 წლის 10 სექტემბრის N45 ბრძანებით ამიერკავკასიის სასწავლო კომისარიატის ლიკვიდაციის დასრულების გამო სამსახურიდან დაითხოვეს საქმისმწარმოებელი ევგენი იულის ძე ლეიმანი.
1918
ტიპი: ღონისძიება
საქართველოს დემოკრატიული რესპუბლიკის სახალხო განათლების მინისტრის 1918 წლის 10 სექტემბრის N45 ბრძანებით ამიერკავკასიის სასწავლო კომისარიატის ლიკვიდაციის დასრულების გამო სამსახურიდან დაითხოვეს საქმისმწარმოებელი ალექსანდრე სიმონის ძე სიკორინი.
1918
ტიპი: ღონისძიება
1918 წლის დეკემბერში სახელმწიფო უნივერსიტეტის რექტორმა პეტრე მელიქიშვილმა და პროფესორთა საბჭოს მდივან-პროფესორმა იოსებ ყიფშიძემ საქართველოს პარლამენტის თავმჯდომარე ნოე ჟორდანიას საქართველოს დამოუკიდებლობის შესრულების 6 თვის თავზე მისალოცი წერილი გაუგზავნეს.
1918
ტიპი: ღონისძიება
1918 წლის 30 ნოემბერს მილოვის სახლში უნდა გამართულიყო საღამო საიათნოვას პატივსაცემად, რომელზეც მიწვეულნი იყვნენ ოვანეს თუმანიანი, გევორქ ბაშინჯაღიანი, იოსებ გრიშაშვილი, ლისციანი და კაპანაკიანი.
1918
ტიპი: ღონისძიება
გაზეთ „სახალხო საქმის“ ცნობით, 1918 წლის 4 დეკემბერს, საღამოს 7 საათზე შედგებოდა ქართულ ტეხნიკური საზოგადოების კრება. მოხსენებას წაიკითხავდა ინჟინერი კ. ბუდაკოვი.
1920
ტიპი: ღონისძიება
1920 წლის 29 სექტემბრის „ერთობა“ იუწყება, რომ ახალციხის მაზრაში ერობას მიეცა იჯარით სერვერ ბეგის მამულები. ერობის მოღვაწეობა მაჰმადიან მცხოვრებლებთან დამოკიდებულების გასაუმჯობესებლად ბრწყინვალედ მიმდინარეობს.
1920
ტიპი: ღონისძიება
1920 წლის 25 სექტემბერს იუსტიციის მინისტრ რაჟდენ არსენიძის თავმჯდომარეობით გაიმართა კანონების გადამსინჯველი კომისიის სხდომა, რომელზეც მიიღეს კანონპროექტი დაბადების, ქორწინებისა და გარდაცვალების სამოქალაქო მდგომარეობის აქტების რეგისტრაციის შესახებ.
1920
ტიპი: ღონისძიება
1920 წლის 24 სექტემბერს კომისიამ, რომელშიც შედიოდნენ ხელაძე, დობორჯგინიძე, ჩხენკელი და ბერეჟიანი, დაათვალიერა სასურსათო სამინისტროს საწყობი, წისქვილები და ფურნეები უხარისხო პურის გამოცხობის მიზეზების გასარკვევად.
1918
ტიპი: ღონისძიება
1918 წლის 26 ნოემბერს ინგლისელი ნაღმოსნები ჩავიდნენ ქალაქ ფოთში, სადაც მათ შეეგება პოლკოვნიკი ჩხეიძე, რომელმაც აღნიშნა,რომ ინგლისი ხელს შეუწყობს საქართველოს დამოუკიდებლობას. თავის მხრივ ნაღმოსანთა ესკადრის უფროსმა განაცხადა, რომ მათი მიზანია, წესიერება აღადგინონ იქ, სადაც დარღვეულია.
1918
ტიპი: ღონისძიება
1918 წლის 29 ნოემბერს სოხუმში ინგლისელი ნაღმოსნები ჩავიდნენ, რომელთაც ადგილზე შრომის კომისარი ბენიამინ ჩხიკვიშვილი და ისიდორე რამიშვილი დახვდნენ. ქართული ჯარის სახელით მათ გენერალი ტარას ვაშაკიძე მიესალმათ.
1918
ტიპი: ღონისძიება
1918 წლის 4 დეკემბრის გაზეთ „სახალხო საქმეში“ პოეტმა გიორგი ქუჩიშვილმა გამოაქვეყნა ლექსი „შალვა დადიანს“, რომელიც მიუძღვნა ქართულ ლატარეას.
1918
ტიპი: ღონისძიება
1918 წელს ტრაპიზონის კონფერენციის მესამე სხდომაზე ოტომანთა დელეგაციამ წარადგინა ახალი დეკლარაცია, რომელშიც აღნიშნავდა, რომ ორ ქვეყანას შორის დადებული ხელშეკრულება მესამეს არ უნდა ეხებოდეს. ამასთან მოუწოდებდა ამიერკავკასიის დელეგაციას, რათა მიეღო ზომები სხვა სახელმწიფოთა მიერ დამოუკიდებლობის აღიარებასთან დაკავშირებით. დოკუმენტს ხელს აწერენ: თავმჯდომარე ა. ჩხენკელი და საქმეთა მმართველი მ. თუმანოვი.
1918
ტიპი: ღონისძიება
1918 წლის 4 დეკემბრის გაზეთ „სახალხო საქმეში" მსახიობთა კავშირის საბჭოს დირექცია აქვეყნებს განცხადებას, რომ ქართველ მსახიობთა საპროფესიო კავშირის წარმოდგენები გაიმართება სახელმწიფო თეატრში ყოველ ორშაბათსა და პარასკევს.
1918
ტიპი: ღონისძიება
1918 წელს ტრაპიზონის კონფერენციის პირველ ოფიციალურ სხდომაზე ოტომანთა დელეგაციამ დაადასტურა კეთილმეზობლური ურთიერთობების დამყარების სურვილი ამიერკავკასიის რესპუბლიკასთან და მოითხოვა, მიეწოდოთ „ზუსტი განცხადება რესპუბლიკის არსის, ფორმის და პოლიტიკურ-ადმინისტრაციული ორგანიზების შესახებ“. დოკუმენტს ხელს აწერენ: თავმჯდომარე ა. ჩხენკელი და საქმეთა მმართველი მ. თუმანოვი.
1920
ტიპი: ღონისძიება
1920 წელს სიო ჭანტურიშვილმა და შალვა ჭაჭუამ ვლადიმერ გიორგაძეს დაავალეს გიგო შარაშიძისთვის მიეწერა, რომ თუ გიგო რაიმე საბუთს წარმოადგენდა, ბახვის სახლის აღების ნებას მისცემდნენ, მიწას კი მაინც არ დაუთმობდნენ.
1918
ტიპი: ღონისძიება
1918 წლის 4 დეკემბერს თბილისის სახელმწიფო თეატრში გაიმართებოდა ოპერა სერგო ივანეს ძე ევლახიშვილის ხელმძღვანელობით, მონაწილეობას მიიღებდნენ: ვ. ნიკოლსკი, ბორის ზალიპსკი, ე. ა. ვრონსკი, ა. ა. დემიანენკო, საბანეევა, ალეშკო, ა. მ. კანშინი, ლეონ ისეცკი.
1920
ტიპი: ღონისძიება
1920 წელს ვლადიმერ გიორგაძემ სიო ჭანტურიშვილსა და შალვა ჭაჭუას განუცხადა, რომ ჯერ არ იყო დადგენილი გიგო შარაშიძის სახლი გადაეცემოდა თუ არა ერობას.
1920
ტიპი: ღონისძიება
1920 წლის 11 აგვისტოს გიგო შარაშიძეს ყოფილმა მოსწავლე ვლადიმერ გიორგაძემ გაუგზავნა წერილი, რომლითაც ატყობინებდა, რომ ერობის გამგეობის თავმჯდომარე სიო ჭანტურიშვილი და გამგეობი წევრი შალვა ჭაჭუა აპირებდნენ გიგოს ბახვის სახლის მისაკუთრებას ერობისთვის გადასაცემად.
1920
ტიპი: ღონისძიება
„ერთობა“ მკითხველს აცნობებს, რომ 1920 წლის 30 სექტემბერს საოპერო სეზონი გაიხსნება ორიგინალური ქართული ოპერით „აბესალომ და ეთერი“, მუსიკა ზაქარია ფალიაშვილისა, დადგამს ალექსანდრე წუწუნავა, იდირიჟორებს ავტორი.
1930
ტიპი: ღონისძიება
1930 წლის 25 თებერვალს გოგი ქარცივაძემ თბილისიდან ბახვში ბებიას და ბაბუას გაუგზავნა წერილი, რომელშიც წერდა, რომ ძალიან გაოცდა, რადგან მიიღო ბებიას წერილი 1929 წლის 23 ივნისით დათარიღებული, არადა მასში ბოლო ორი დღის ამბები ეწერა.
1930
ტიპი: ღონისძიება
1930 წლის 25 თებერვალს გოგი ქარცივაძემ თბილისიდან ბახვში გაუგზავნა წერილი ბებიას და ბაბუას და მიულოცა მეხუთე შვილიშვილის, დავითის შვილის დაბადება.
1920
ტიპი: ღონისძიება
1920 წლის 26 სექტემბრის „ერთობაში“ დიომიდე კოკაია იუწყება, რომ დამფუძნებელი კრების წევრმა ვ. ნოდიამ სოხუმის ოლქის გუმისთის მაზრის რაიონებში ორ თვეზე მეტი დაჰყო. ის ხალხს რესპუბლიკის საშინაო და საგარეო მდგომარეობას უხსნიდა, ინახულა სოფლებიც და ადგილობრივების მოთხოვნებს გაეცნო.
1920
ტიპი: ღონისძიება
1920 წლის 12 სექტემბერს გამართულ ფოთის რაიონის კავშირთა და დარგთა წარმომადგენლების კონფერენციაზე თავმჯდომარედ აირჩიეს ნ. ჟღენტი, მდივნად – ლაზ. ძიმისტარიშვილი. სპეკულაციასთან ბრძოლისა და ფოთში მუშათა კონტროლის საკითხზე მოხსენებით გამოვიდა შრომის სამინისტროს რწმუნებული ე. ქორქია, რომელმაც აღნიშნა, რომ სურსათ-სანოვაგის ხელოვნური გაძვირება ბაზარზე სპეკულაციით იყო გამოწვეული.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -