1918

ტიპი: ღონისძიება

1918 წლის 16 თებერვალს ამიერკავკასიის სეიმმა დაადგინა, რომ თურქეთთან სამშვიდობო მოლაპარაკებაში მონაწილეობა მიეღოთ პოლიტიკური პარტიების მდივნებს: გრიგოლ გიორგის ძე ვეშაპიძეს (ვეშაპელს), ა. ბ. პეპინოვს, სამსონ ფირცხალავასა და რ. ტერ-მინასიანს.

1918

ტიპი: ღონისძიება

1918 წლის 16 თებერვალს ამიერკავკასიის სეიმმა თურქეთთან სამშვიდობო მოლაპარაკების წევრებად დანიშნა: გ. ბ. აბაშიძე, მ. გ. გაჯინსკი, ი. ბ. გაიდაროვი, გიორგი ბეჟანის ძე გვაზავა, რ. ი. კაჩაზნუნი, გიორგი მიხეილის ძე ლასხიშვილი, მ. ი. მეხტიევი, ხ. ბ. ხას-მამედოვი, ა. ი. ხატისოვი და ა. ა. შეიხ-ულ-ისლამოვი. დოკუმენტს ხელს აწერენ: თავმჯდომარე აკაკი ივანეს ძე ჩხენკელი და საქმეთამმართველი მ. თუმანოვი.

1920

ტიპი: ღონისძიება

1920 წლის 6 აგვისტოს „ერთობის“ საშუალებით სამკითხველოს გამგე დ. ორაგველიძემ მადლობა გადაუხადა მოქალაქე მ. დემინს, რომელმაც საგანგებო ბატალიონის წიგნსაცავ-სამკითხველოს 3300 წიგნი შესწირა.

1920

ტიპი: ღონისძიება

„ერთობა“ იუწყება, რომ 1920 წლის 7 აგვისტოს მეთამბაქოეთა პროფ. კავშირის ინიციატივით ბათუმში გაემგზავრება 120 მუშა ბათუმის ოლქის საქართველოსთან შემოერთების გამო მისასალმებლად. მათთან ერთად – თბილისის პროფ. კავშირის საბჭოს თავმჯდომარე ხელაძე და სხვ.

1920

ტიპი: ღონისძიება

1920 წლის 4 აგვისტოს იუსტიციის მინისტრი რაჟდენ არსენიძე სენატის პროკურორ ანტონ გელაზარაშვილთან ერთად თბილისიდან ბათუმში გაემგზავრა.

1920

ტიპი: ღონისძიება

1920 წლის 31 დეკემბერს ევგენი გეგეჭკორი გუგუშვილს უგზავნის წერილს, რომლშიც  სთხოვს, სასწრაფოდ მივიდეს სერ ჯონ ტილთან და გადასცეს, რომ  საქართველოს სჭირდება რეალური დახმარება ფინანსურად და იარაღით. როგორც გეგეჭკორი ამბობს, ლოიდ ჯორჯი პირადად დაპირდა მას დახმარებას და ნება მისცა, მისი სახელთ ეს ეცნობებინა საქართველოს მთავრობისათვის.

1920

ტიპი: ღონისძიება

1920 წლის 12 ნოემბერს საგარეო საქმეთა მინისტრი ევგენი გეგეჭკორი სწერს საქართველოს წარმომადგენელს ლონდონში, რომ საჩქაროდ მოელაპარაკოს ინგლისის მთავრობას, პრემიერმინისტრ ლოიდ ჯორჯს ან ჯონ ტილს მაინც, რადგან ნოტაში მიწერილი საკითხის მოგვარება სასწრაფოდ უნდა დაიწყოს.

1919

ტიპი: ღონისძიება

1919 წლის ზაფხულში ივლიანე გაბუნიამ მიიღო კერძო მომზადება ქართულ ენასა და საქართველოს ისტორიაში მელიტონ კელენჯერიძესთან ქ. ქუთაისში.

1911

ტიპი: ღონისძიება

1911 წლის პირველი იანვრიდან 31 მარტამდე ივლიანე გაბუნიას ჰქონდა თავისუფლება ავადმყოფობის გამო.

1919

ტიპი: ღონისძიება

1919 წლის ივნის-ივლისში ივლიანე გაბუნია განათლების განყოფილების მინდობილობით ხელმძღვანელობდა სენაკის სამაზრო ერობის გამგეობის მიერ სახალხო მასწავლებლებისთვის გახსნილ ქართული ენისა და მეთოდიკის კურსებზე პრაქტიკულ გაკვეთილებს.

1919

ტიპი: ღონისძიება

1919 წლის მარტში სენაკის მაზრის ერობის გამგეობამ დაბალ სასწავლებელთა მთავარ-გამგეს გაუგზავნა ბანძის უმაღლეს დაწყებითი სასწავლებლის პედაგოგის, ივლიანე გაბუნიას ნამსახურეობითი სია და სთხოვდა მის თანამდებობაზე დამტკიცებას.

1919

ტიპი: ღონისძიება

1919 წლის მარტში სახალხო განათლების სამინისტრომ დასავლეთ საქართველოს მეოთხე რაიონის სახალხო სკოლების ინსპექტორს გასარკვევად გაუგზავნა ახალ-სენაკის ნორმალური სასწავლებლის გამგის, ივლიანე გაბუნიას თხოვნა.

1919

ტიპი: ღონისძიება

ქუთაისის სამაზრო ერობის გამგეობამ გადასცა მოწმობა ქუთაისის მაზრის ნახახულევის საზოგადოების მცხოვრებს, ხონის ვაჟთა გიმნაზიის კურსდამთავრებულს, ბენედიქტე თომას ძე გაბისონიას, რომ ის იყო უკიდურესად ღარიბი, ოჯახში ჰყავდა მოხუცი დედ-მამა და არ ჰქონდა საშუალება სწავლა თავის ხარჯზე გაეგრძელებინა.

1920

ტიპი: ღონისძიება

1920 წლის 2 იანვარს მსახიობის დღესთან დაკავშირებით თბილისში ქართული სამუსიკო საზოგადოების საოპერო სტუდია დგამდა დიმიტრი არაყიშვილის ოპერას „თქმულება შოთა რუსთაველზე“, მონაწილეობას მიიღებდნენ სახელმწიფო თეატრის ორკესტრი და ბალეტი.

1920

ტიპი: ღონისძიება

1920 წლის 2 იანვარს მსახიობის დღესთან დაკავშირებით თბილისში პეტრე უმიკაშვილის სპექტაკლი „სამზადისი“ და ამ დღისთვის სპეციალურად დაწერილი იოსებ ჟივაძის შარჟის წარმოდგენა გაიმართებოდა. წარმოდგენებში მონაწილეობას მიიღებდნენ: ნიკო გოცირიძე, შალვა დადიანი, ალექსანდრა კარგარეთელი, იოსებ ჟივიძე, მიხეილ სარაული, როსტოვცევი, შალვა ღამბაშიძე, კონსტანტინე ყიფიანი, დავით ჩარკვიანი, ელენე ციმაკურიძე, ვეჩე ჯიქია.

1920

ტიპი: ღონისძიება

1920 წლის 5 აგვისტოს „ერთობა“ იუწყება, რომ ქუთაისის მოურავმა დიომიდე თოფურიძემ ქალაქში ანტისანიტარიას მიაქცია ყურადღება და სანიტარულ რაზმს დაუყოვნებლივ დასუფთავება უბრძანა.

ტიპი: ღონისძიება

1920

ტიპი: ღონისძიება

1920 წლის 2 იანვარს, პარასკევს საქართველოში გაიმართებოდა „მსახიობის დღე“. დღისით ქუჩებში მოეწყობოდა პროცესია, გაიყიდებოდა გაზეთ „მსახიობის დღის“ სპეციალური გამოშვება, გაიმართებოდა სადღესასწაულო სანახაობები. თბილისში წარმოადგენდნენ ა. სუმბათაშვილის სპექტაკლს „ღალატი“, რომელშიც მონაწილეობდნენ: ვასო აბაშიძე, ტასო აბაშიძე, ვერიკო ანჯაფარიძე, ვიქტორ გამყრელიძე, ვალერიან გუნია, იუზა ზარდალიშვილი, ა. მურუსიძე.

1921

ტიპი: ღონისძიება

1921 წლის 27 აპრილს ნოე ხომერიკი ამხანაგ კოსტიას ატყობინებს,რომ ვექილი სხირტლაძისგან მათ მიიღეს ინფორმაცია, თუ როგორი ცუდი და უკიდურესად მძიმე სიტუაციია თბილისში. მოსახლეობას აეკრძალა ვაჭრობა, 4 ადამიანი დაუხვრეტიათ საქონლის გადამალვისთის, ბანკები დახურულა. ასევე წითელი არმიის 12-15 ათასიანი არმია მოემართება თბილისისკენ.

1921

ტიპი: ღონისძიება

1921 წლის 14 აპრილს ნოე ხომერიკი საქართველოს მთავრობას უგზავნის წერილს კონსტანტინეპოლიდან (სტამბული), რომ მათ მიერ დაარსებულმა კომისიამ დაიწყო მუშაობა და ახლა აუცილებელია ოსმალეთთან (თურქეთი) მოლაპარაკება იმისათვის, რომ მათ უფლება მისცენ, საქართველოს საზღვრებთან ააშენონ ბაზა.

1918

ტიპი: ღონისძიება

1918 წლის 9 აპრილს გამართული ამიერკავკასიის სეიმის პირველი სესიის სხდომის თავმჯდომარე იყო ნ. ს. ჩხეიძე. სხდომამ დაადგინა, შეეჩერებინათ საომარი მოქმედებები და მთავრობას თავდაცვითი ღონისძიებების შემუშავება დაავალა. ხატისოვის წინადადება განხილული იქნა, როგორც სურვილი, რომლითაც მთავრობას უნდა ეხელმძღვანელა. დოკუმენტის სისწორეს ადასტურებს რ. მიქელაძე.

1918

ტიპი: ღონისძიება

1918 წლის 9 აპრილს დამოუკიდებლობის გამოცხადებასთან დაკავშირებით გაიმართა ამიერკავკასიის სეიმის სხდომა, რომელზეც სიტყვით გამოვიდნენ: ონიაშვილი, რასულ-ზადე, გეორგაძე, თუმანოვი, სემიონოვი, გვაზავა, ლორთქიფანიძე, კაჩაზნუნი, ლასხიშვილი, კანტემიროვი, მაგომეტ ბეკოვი, შეიხ-ულ-ისლამოვი, არსენიძე და გობეჩია. სხდომის ოქმის სისწორეს ადასტურებს რ. მიქელაძე.

1918

ტიპი: ღონისძიება

1918 წლის 9 აპრილს გაიმართა ამიერკავკასიის სეიმის სხდომა დამოუკიდებლობის გამოცხადებასთან დაკავშირებით. გადასვლის ფორმულები წარმოადგინეს: გეორგაძემ, ხატისოვმა, რასულ-ზადემ. მიიღეს გეორგაძის ფორმულა, რომელიც ითვალისწინებდა საომარი მოქმედებების შეჩერებას. რასულ-ზადეს ფორმულა უარყვეს. დოკუმენტის სისწორეს ადასტურებს რ. მიქელაძე.

1918

ტიპი: ღონისძიება

1918 წლის 9 აპრილს გაიმართა ამიერკავკასიის სეიმის სხდომა ამიერკავკასიის რესპუბლიკის დამოუკიდებლობის გამოცხადებასთან დაკავშირებით. საგარეო საქმეთა მინისტრმა აკაკი ჩხენკელმა დაიწყო დებატები ახალ რეალობაზე გადასვლის ფორმულასთან დაკავშირებით. დოკუმენტის სისწორეს ადასტურებს რ. მიქელაძე.

1918

ტიპი: ღონისძიება

1918 წლის 9 აპრილს გაიმართა ამიერკავკასიის სეიმის სხდომა, რომლის დადგენილებითაც ხელისუფლებას დაევალა ამიერკავკასიის დამოუკიდებელი, ფედერაციული, დემოკრატიული რესპუბლიკის კონსტიტუციის პროექტის შემუშავება. დოკუმენტის სისწორეს ადასტურებს რ. მიქელაძე.