1919

ტიპი: ღონისძიება

1919 წელს ვ. მაჩაბლის დაობლებული ოჯახის დასახმარებლად მთავრობამ 20000 მანეთი გამოყო.

1919

ტიპი: ღონისძიება

1919 წლის ივნისის შუა რიცხვებში თბილისში ხელოვნების მსახურთა დღე გაიმართა. ქალაქში მსახიობები ორკესტრის თანხლებით ავტომობილებით, ეტლებითა და ურმებით დადიოდნენ. ნაშუადღევს მთელმა კორტეჟმა მთავრობის სასახლის წინ მოიყარა თავი და ეროვნული ჰიმნით მიესალმა საქართველოს მთავრობის თავმჯდომარეს, ნოე ჟორდანიას.

ტიპი: ღონისძიება

სახელმწიფო თეატრში საქველმოქმედო მიზნით გაიმართა მოხსენებათა დილა. მოხსენებები ეხებოდა დენიკინის განზრახვას ამიერკავკასიის რესპუბლიკების წინააღმდეგ გამოლაშქრების შესახებ. მოხსენებით გამოვიდნენ როგორც საქართველოს, ასევე აზერბაიჯანის მხრიდანაც. თავის გამოსვლაში საგარეო საქმეთა მინისტრი გეგეჭკორი ხალხს უმტკიცებდა, რომ საქართველოს მთავრობამ ყველაფერი გააკეთა შეიარაღებული დაპირისპირების თავიდან ასაცილებლად. ასევე აღინიშნა დენიკინის წარმომადგენლის, ინგლისელი გენერლის არაობიექტური დამოკიდებულება.

1919

ტიპი: ღონისძიება

1919 წლის ივნისში ვანათის მოსახლეობამ ჩაატარა ყრილობა, რომელზეც განაცხადეს, რომ, მთავრობის მოწოდების შემთხვევაში, მზად იყვნენ, ყველა სამხედრო ვალდებულ ახალგაზრდას მოეხადა ვალი და გზების შესაკეთებლად მოხალისეები გამოეყვანათ. ისინი ნდობას უცხადებდნენ ქართული ლეგიონის პოლკოვნიკ ლეო კერესელიძეს.

1919

ტიპი: ღონისძიება

1919 წელს შინაგან საქმეთა მინისტრ ნოე რამიშვილს მხატვარი მოსე თოიძე შეხვდა და დაგეგმილი გამოფენებისთვის სურათებისა და ქანდაკებების გადასაზიდად ვაგონი სთხოვა. გამოფენები დაგეგმილი იყო ქუთაისში, ფოთში, ბათუმში, ბორჯომში, თელავსა და გორში.

1919

ტიპი: ღონისძიება

1919 წლის ივნისში ვილობი სმითი თბილისიდან ამერიკაში გაემგზავრა. გამგზავრებამდე კონსულმა საქართველოს მთავრობის წევრებთან გამართა მოლაპარაკებები.

1918

ტიპი: ღონისძიება

1918 წლის 18 ივლისს გზის მთავარ სახელოსნოებში ფქვილნახშირის გამოცდას დაესწრნენ რკინიგზის მოძრაობის გამგე ალექსანდრე ეფრემის ძე ოდიშელიძე, მთავარი სახელოსნოების უფროსი სარაჯიშვილი, ინგლისის წარმომადგენელი მაიორი ბრეტი და სხვ. გამოცდამ დამსწრეებზე დიდი შთაბეჭდილება მოახდინა.

1933

ტიპი: ღონისძიება

1933 წლის 25 დეკემბერს ხარაგაულში, საკავშირო კპ (ბ) ცეკას დადგენილების თანახმად, პარტიული წმენდის შესახებ დადგენილების დამუშავების პროცესში პარტიიდან გარიცხეს საბჭოს თავმჯდომარე მდივნიშვილი, რომელმაც ჩაშალა საზაფხულო თესვა.

1919

ტიპი: ღონისძიება

1919 წლის 8 ივნისის „საქართველოს რესპუბლიკა“ იუწყებოდა, რომ თბილისში თევზაძისეულ ქალ-ვაჟთა კერძო გიმნაზიის მოწაფეთა გამოცდებზე დასწრება, მათი წარმატებისა და, საერთოდ, სკოლის მდგომარეობის შეფასება სერგი დანელიამ თბილისის ვაჟთა მეორე გიმნაზიის დირექტორს, ილარიონ ლორთქიფანიძეს დაავალა.

1919

ტიპი: ღონისძიება

1919 წლის 29 მაისს უნტერ-ოფიცერმა კაკულიამ ფოსტის ეზოში ჩხუბის დროს მუცელში დაჭრა ბეითალი მურადაშვილი.

1919

ტიპი: ღონისძიება

1919 წელს ახალგაზრდა საოპერო მომღერალი ვარდენ ლორთქიფანიძე მომავალი სეზონისთვის ბაქოს საოპერო თეატრში მიიწვიეს.

1919

ტიპი: ღონისძიება

1919 წელს შრომის მინისტრი ნოე ხომერიკი და მისი მოადგილე გიორგი ერაძე პორტის მუშების კონფლიქტის მოსაგვარებლად ფოთში მატარებლით გაემგზავრნენ.

1919

ტიპი: ღონისძიება

1919 წელს სომეხთა ეროვნული საბჭოს დელეგაცია შეხვდა საქართველოს მთავრობის თავმჯდომარეს, ნოე ჟორდანიას და ეროვნული საბჭოს არჩევნების ჩატარების ნებართვა სთხოვა. მათ იმსჯელეს სოჭისა და სოხუმის ოლქში მცხოვრებ სომეხთა მდგომარეობის შესახებ და მთავრობის თავმჯდომარეს ამ ოლქებში სომეხთა მდგომარეობის გამოსარკვევად კომისიის გაგზავნა სთხოვეს.

1919

ტიპი: ღონისძიება

1919 წელს საქართველოს რესპუბლიკის დელეგაციის ხელმძღვანელმა, ნიკოლოზ ჩხეიძემ ინახულა საფრანგეთის საგარეო საქმეთა მინისტრი პიშონი და გააცნო ის მოთხოვნები, რომელთაც საქართველოს დელეგაცია საზავო კონფერენციაზე წარადგენდა. პიშონმა ჩხეიძეს განუცხადა, რომ დაბრკოლება არ არსებობდა და საქართველო ამ მოთხოვნებზე დადებით პასუხს მიიღებდა.

1919

ტიპი: ღონისძიება

1919 წლის ივნისში რამდენიმე შეიარაღებული პირი თავს დაესხა სადარაჯოზე მდგარ მილიციელ ბროლაძეს და სროლა აუტეხა. სროლას მსხვერპლი არ მოჰყოლია.

1919

ტიპი: ღონისძიება

1919 წელს, ბორჩალოს მაზრის კომისრის, ლანდიას ცნობით, დაიწყო შეტაკებები ყაჩაღთა ორი ბრბოს წინააღმდეგ, რომელთაც ცნობილი ყაჩაღები მაჰმუდ სულეიმან-ოღლი და მაქსო მჭედლიშვილი მეთაურობდნენ. ისინი მხეცურად იქცეოდნენ და მოსახლეობას შიშის ზარს სცემდნენ.

1919

ტიპი: ღონისძიება

1919 წელს ლონდონში საქართველოს დიპლომატიურმა წარმომადგენელმა დავით ღამბაშიძემ მიიღო ცნობა, რომ დენიკინი აპირებდა ამიერკავკასიაზე გამოლაშქრებას. ღამბაშიძემ მოლაპარაკება გამართა ლოიდ ჯორჯთან, რომელმაც აღუთქვა, რომ დენიკინის სვლას ამიერკავკასიისკენ მოკავშირეები შეაჩერებდნენ.

1919

ტიპი: ღონისძიება

1919 წლის 5 ივნისის გაზეთ „საქართველოს რესპუბლიკის" ცნობით, მსახიობ ნინო პლატონის ასულ ჩხეიძეს 25 წლის სასცენო მოღვაწეობის აღსანიშნად ჯილდოდ მიეცა ჟეტონი (სახელმწიფო ღერბი) და 5000 მანეთი ათმილიონიანი ფონდიდან.

1919

ტიპი: ღონისძიება

1919 წლის ივნისში სასტუმრო „ორიენტში“ დ. ორბელიანმა თავის მოსაკვლელად რევოლვერი ისროლა და მძიმედ დაიჭრა.

1919

ტიპი: ღონისძიება

1919 წლის 3 ივნისს, დღისით, მიხეილის ქუჩაზე სერაფიმა პემის ბინიდან 6300 მანეთის ღირებულების ვერცხლეულობა მოიპარეს.

1919

ტიპი: ღონისძიება

1919 წლის 3 ივნისს, დღის სამ საათზე, ალექსანდრეს ქუჩაზე მდებარე ვ. დუდაევის ბინიდან 15 000 მანეთის ღირებულების ნივთები მოიპარეს.

1919

ტიპი: ღონისძიება

1919 წლის 3 ივნისს, ღამით, კირპიჩნი ქუჩის შესახვევში მდებარე ზ. რატიშვილის ბინიდან 15 000 მანეთი მოიპარეს.

1919

ტიპი: ღონისძიება

1919 წლის ივნისში რუსთაველის გამზირზე მთვრალმა ჯარისკაცმა კორინთელმა შეურაცხყოფა მიაყენა ოფიცერ იოსავას და ხმლით გამოეკიდა. იოსავამ მას რევოლვერიდან ესროლა და შემთხვევით მეეზოვე ფედოევი დაჭრა.

1919

ტიპი: ღონისძიება

1919 წლის მაისში კოტე ფოცხვერაშვილის მომღერალთა გუნდმა სახელმწიფო თეატრში კონცერტი გამართა.

1919

ტიპი: ღონისძიება

1919 წლის პირველ ივნისს გამართულ დამფუძნებელი კრების სხდომაზე სიტყვით გამოვიდა საქართველოს საგარეო საქმეთა მინისტრი ევგენი გეგეჭკორი და დამსწრეებს დენიკინის მხრიდან მოსალოდნელი საფრთხის შესახებ აცნობა. ის საზოგადოებას არწმუნებდა, რომ ამ დაპირისპირებაში საქართველო გაიმარჯვებდა.