1918

ტიპი: ღონისძიება

1917 წლის 20 მარტს ქ. ქუთაისში ქალთა საზოგადო კრებაზე კატო მიქელაძემ ქართველ ქალებს მიმართა სიტყვით ქალთა ზოგადი ჩაგრული მდგომარეობის შესახებ და მოუწოდა მათ ქალთა ემანსიპაციის, განსაკუთრებით კი ხმის უფლებისა და „საერო საქმეში ჩარევის“ მოთხოვნისაკენ.

1918

ტიპი: ღონისძიება

1918 წლის 29 დეკემბერს თბილისში, ელისაბედის ქ. N73-ში, გამგეობის შენობაში, გაიმართა კახეთის რკინიგზის აქციონერთა შეხვედრა. გამგეობას წარმოადგენდნენ: თავმჯდომარე ივანე ივანეს ძე ზურაბიშვილი, დირექტორები: დიმიტრი ესტატეს ძე ჩოლოყაევი, ინჟინერი გ. ვ. სარაჯიევი.

1918

ტიპი: ღონისძიება

1918 წლის 28 დეკემბერს მთავრობის თავმჯდომარემ და გზათა მინისტრმა კახეთის რკინიგზის გამგეობის თავმჯდომარეს აცნობეს, რომ 29 დეკემბრისთვის დანიშნულ კახეთის გზის აქციონერთა სხდომაზე გზათა სამინისტროს მხრიდან მთავრობის წარმომადგენლებად ინჟინერი ი. ო. დადიანი და სამინისტროს კონსულტანტი კონსტანტინე დიმიტრის ძე მიქელაძე დანიშნეს.

ტიპი: ღონისძიება

1918 წლის 2 დეკემბერს, ტერ-აბრამოვს, ნავთობის საბითუმო საწყობის მფლობელს , შრომის სამინისტრო უგზავნის წერილს, რომ მან გასცეს კურიერზე ტალონის შესაბამისი რაოდენობის ნავთი.

1918

ტიპი: ღონისძიება

1918 წლის 2 დეკემბერს, გიორგი პავლეს ძე ერაძე, საქართველოს დემოკრატიული რესპუბლიკის შრომის მინისტრის ამხანაგი , წერს შსს მინისტრს, რომ მათ დაქვემდებერებაში მყოფ სასტუმრო ,, ბო- მონდს,, გაუწიონ შესაბამისი დახმარება

1918

ტიპი: ღონისძიება

1918 წლის 22 აგვისტოს მთავრობის საქმეთა მმართველი ს. კაკაბაძე ხელს აწერს დოკუმენტს, რომელიც გაეგზავნა შრომის სამინისტროს. მთავრობის თავმჯდომარე სთხოვს მათ, მეტი ყურადღება გამოიჩინონ გაზეთებში გამოქვეყნებულ პუბლიკაციებზე მათი უწყების მუშაობის შესახებ და საჭიროების შემთხვევაში დაიწყოს ფაქტების გამოძიება.

1918

ტიპი: ღონისძიება

1918 წლის 7 დეკემბერს საქართველოს დემოკრატიული რესპუბლიკის შსს თბილისის ფოსტა -ტელეგრაფის ოლქის უფროსის მეორე განყოფილების საორგანიზაციო სამმართველოს უფროსმა მგელაძემ შრომის სამინისტროს გაუგზავნა დოკუმენტი, რომელშიც ითხოვს, უცხოეთში გასულ საქმიან კორესპოდენციაზე დაწესდეს ფასი.

1918

ტიპი: ღონისძიება

თბილისის ქალთა მე-7 გიმნაზიის დირექტორს 1918 წლის 17 იანვრის N283 შუამდგომლობაზე უპასუხეს, რომ თბილისის ვაჟთა მე-2 გიმნაზიის დირექტორი წინააღმდეგი იყო მასწავლებელი მიხეილ ვლადიმერის ძე აბრამიშვილი შუა სასწავლო წელს გადაეყვანათ ქალთა მეშვიდე გიმნაზიაში. ხელს აწერენ მთავარგამგე გრიგოლ იოსების ძე ნათაძე და საქმისმწარმოებელი ნიკოლოზ ივლიანეს ძე აბესაძე.

1919

ტიპი: ღონისძიება

„საქართველოს რესპუბლიკის“ რედაქციამ 1919 წლის 25 აპრილს განათლების სამინისტროს სთხოვა განკარგულების გაცემა, რომ დემოკრატიული რესპუბლიკის არსებობის წლისთავთან დაკავშირებით, 26 მაისისთვის მიეწოდებინათ სამინისტროს ერთი წლის მუშაობის ანგარიში, რათა რედაქციას შესძლებოდა მთავრობის მოღვაწეობის აღნუსხვა. „საქართველოს რესპუბლიკის“ რედაქტორის მაგიერ ვ. ნოზაძე.

1919

ტიპი: ღონისძიება

1919 წლის 1-ელ დეკემბერს ხაშურის ქალთა გიმნაზიის პედაგოგიური საბჭოს თავმჯდომარე შ. მხეიძემ უმაღლესი და საშუალო სკოლების მთავარგამგეს მისწერა, რომ შუამდგომლობდა ქართული ენის მასწავლებლის თანამდებობის აღმასრულებელ ლუბა აბრამიშვილს, რათა უმცროსი კლასების ქართული ენის მასწავლებლად დაემტკიცებინათ. ხელს აწერენ პედაგოგიური საბჭოს თავმჯდომარე შ. მხეიძე და საქმისმწარმოებელი პავლე ბლუაშვილი.

1920

ტიპი: ღონისძიება

საქართველოს დემოკრატიული რესპუბლიკის სახალხო განათლების მინისტრის ამხანაგის 1920 წლის 26 იანვრის N17 ბრძანებაში წერია, რომ ჩაეთვალოს სახელმწიფო სამსახურში ხუთწლეულებისა და პენსიის მისაღებად ქუთაისის ვაჟთა მეორე გიმნაზიასთან არსებული უმაღლესი დაწყებითი სასწავლებლის მასწავლებელ დეკანოზ ივლიანე აბესაძეს საპედაგოგო ასპარეზზე ნამსახურეობის წლები, 1884 წლის 19 სექტემბრიდან 1918 წლის პირველ სექტემბრამდე. ხელს აწერენ: მინისტრის ამხანაგი – ნოე ცინცაძე და დედანთან სისწორეს ხელს აწერს ივანე ეპიტაშვილი.

1919

ტიპი: ღონისძიება

ქუთაისის ვაჟთა მეორე გიმნაზიის დირექტორს აუწყებენ, რომ მინისტრის ამხანაგის ა.წ. 26 იანვრის N17 ბრძანების თანახმად, მისდამი რწმუნებულ გიმნაზიასთან არსებულ უმაღლესი დაწყებითი სასწავლებლის მასწავლებელს, დეკანოზ ივლიანე აბესაძეს ჩაეთვალა სახელმწიფო სამსახურში ხუთწლეულები და პენსიის მისაღებად საპედაგოგო ასპარეზზე ნამსახურები წლები 1884 წლის 19 სექტემბრიდან 1918 წლის პირველ სექტემბრამდე. ასევე, ეგზავნება აბესაძის ნამსახურეობის სია. ხელს აწერენ: კანცელარიის დირექტორი ვუკოლ ბერიძე, მდივანი გიორგი მებუკე, საქმისმწარმოებელი – მესხი.

1919

ტიპი: ღონისძიება

ქუთაისის ვაჟთა გიმნაზიის დირექტორმა სილოვან ხუნდაძემ სახალხო განათლების სამინისტროს მისწერა, რომ ივლიანე აბესაძემ თხოვნით მიმართა მას ეშუამდგომლა სამინისტროსთან, რათა მისთვის აღედგინათ ის უფლება, რომლითაც წარსულში სარგებლობდა. სილოვან ხუნდაძემ აბესაძის თხოვნა კანონიერად მიიჩნია და უშუამდგომლა მას, რათა მისთვის აღედგინათ უმაღლესი ჯილდოს მიღების უფლება. ასევე ხუნდაძემ სამინისტროს მისწერა, რომ დეკანოზი აბესაძე საგნების მცოდნე და შრომისმოყვარე მასწავლებელი იყო. ხელს აწერენ ალ. ლორთქიფანიძე და სილოვან თომას ძე ხუნდაძე.

1919

ტიპი: ღონისძიება

1919 წლის 17 ივლისს ქუთაისის ვაჟთა გიმნაზიის დირექტორმა იოსებ ივანეს ძე ოცხელმა მთავარგამგეს მისწერა, რომ იგი დაესწრო დეკანოზი ივლიანე აბესაძის მიერ ჩატარებულ საქართველოს ისტორიის გაკვეთილებს და დარწმუნდა, რომ ის საგანს მეთოდურად და ნიჭიერად ასწავლიდა. მისი აზრით, არ ჰქონდა მნიშვნელობა სამინისტროს პირველ გეგმას მიიღებდნენ თუ მეორეს, დეკანოზი აბესაძე ცალსახად იმსახურებდა დაენიშნათ საქართველოს ისტორიისა და გეოგრაფიის შტატის მასწავლებლად.

1919

ტიპი: ღონისძიება

1919 წლის 17 ივლისს ქუთაისის ვაჟთა გიმნაზიის დირექტორმა იოსებ ივანეს ძე ოცხელმა უმაღლესი და საშუალო სასწავლებლების მთავარგამგეს მისწერა, რომ გიმნაზიის მასწავლებელმა, დეკანოზმა ივლიანე აბესაძემ წარუდგინა მათ მიერ ბოძებული მოწმობა, საიდანაც ჩანს, რომ მას შეუძლია ასწავლოს გიმნაზიაში საქართველოს ისტორია და გეოგრაფია და ჩაირიცხოს იმავე საგნის მასწავლებლად.

1920

ტიპი: ღონისძიება

1920 წლის 14 მაისის ახალქალაქის უმაღლესი დაწყებითი სასწავლებლის მასწავლებელ გალაქტიონ ბესარიონის ძე აბესაძის N48 მიმართვა გაუგზავნეს ახალციხეში მესხეთ-ჯავახეთის სახალხო სკოლათა მთავრობის ინსპექტორს გ. მელიქიძეს. ხელს აწერენ მთავარგამგე გიორგი ალმასხანის ძე ჭუმბურიძე და მდივანი კ. არჯევანიძე.

1920

ტიპი: ღონისძიება

1920 წლის 26 აგვისტოს განათლების სამინისტროს მთავარგამგემ ახალქალაქის უმაღლესი პირველდაწყებითი სასწავლებლის ინსპექტორ კირილოვსა და მაზრის კომისარს, დეკანოზ გალაქტიონ ბესარიონის ძე აბესაძეს მისწერა, რომ სასწავლებელი ფული, ქონება და საქმეები მაზრის ადმინისტრაციის წარმომადგენლის თანდასწრებით გადაეცათ დეკანოზ აბესაძისთვის. აქტი კი სამინისტროში გაეგზავნათ.

1920

ტიპი: ღონისძიება

1920 წლის 20 იანვარს ახალქალაქის ფერისცვალების ეკლესიის გამგემ, დეკანოზმა გალაქტიონ ბესარიონის ძე აბესაძემ ახალქალაქის პირველდაწყებითი უმაღლესი სასწავლებლის ინსპექტორს სთხოვა ეშუამდგომლა მისთვის, რათა ქართული საგნების მასწავლებლად და უმაღლეს დაწყებით სასწავლებელში დამრიგებლად დაენიშნათ. მას მასწავლებლობის ძალიან დიდი სურვილი და გამოცდილება ჰქონდა. ასევე მისწერა, რომ ამზადებდა ნამსახურეობის სიას.

1918

ტიპი: ღონისძიება

1918 წლის 11 სექტემბერს თბილისის ვაჟთა მე-4 გიმნაზიის დირექტორს აცნობეს, რომ მთავარგამგის 7 ნოემბრის N81 ბრძანების თანახმად, გიმნაზიის სომხური ენის თავისუფლად დაგირავებულ მასწავლებლად 1-ლი ნოემბრიდან დანიშნეს არტაშე აბეგიანი. ხელს აწერენ დირექტორის ნაცვლად ალექსანდრე ნიკოლოზის ძე მიქაბერიძე და საქმისმწარმოებელი მაქსიმე დავითის ძე ბერძნიშვილი.

1918

ტიპი: ღონისძიება

1918 წლის 11 ნოემბერს თბილისის ქალთა გიმნაზიის დირექტორს 4 ნოემბრის N414 მინაწერის პასუხად სწერენ და სთხოვენ დაუყოვნებლივ წარმოადგინონ ცნობები მასწავლებელი მ. დ. აბდუშელიშვილი-დემიდოვის ცენზის შესახებ. ხელს აწერენ: მთავარგამგე მიქაბერიძე, საქმისმწარმოებელი გვახარია.

1918

ტიპი: ღონისძიება

1918 წლის 27 ნოემბერს თბილისის ქალთა მეხუთე გიმნაზიის დირექტორს აცნობეს, რომ მისდამი რწმუნებული გიმნაზიის საქართველოს ისტორიის მასწავლებლად 16 ნოემბრიდან (ბრძ.N131) დაინიშნა მ. აბდუშელი-დემიდოვისა. ხელს აწერენ მთავარგამგე გრიგოლ ნათაძე და საქმისმწარმოებლის მაგიერ ძიძიგური.

1920

ტიპი: ღონისძიება

განათლების სამინისტრომ ქუთაისის ქალთა წმ. ნინოს გიმნაზიის დირექტორ კონსტანტინე ბიძინას ძე გაბარაშვილს აუწყა, რომ მასწავლებელ ელისაბედ დავითის ასულ აბდუშელიშვილს მიანიჭეს საშუალო სასწავლებლის ფრანგული ენის მასწავლებლის წოდება და დაამტკიცეს იმავე თანამდებობაზე 1920 წლის პირველი მარტიდან (მინისტრის მოადგილის ბრძანება N66). ხელს აწერენ მთავარგამგე სერგი იოსების ძე დანელია, მდივანი გიორგი ნიკიფორეს ძე მებუკე და საქმისმწარმოებელი დ. მესხი.

1918

ტიპი: ღონისძიება

1918 წლის 30 ნოემბრის მთავრობის სხდომაზე მოისმინეს იუსტიციის მინისტრის მოხსენება თბილისის სასამართლოს პალატის პროკურორ ისაი მარკოზის ძე დოლუხანოვის თხოვნა თანამდებობიდან განთავისუფლებაზე და დაადგინეს: 1-ლი დეკემბრიდან განთავისუფლდეს დაკავებული თანამდებობიდან, მის ადგილას დაინიშნოს ქუთაისის ოლქის სასამართლოს პროკურორი ანტონ სტეფანეს ძე გელაზარიშვილი.

1918

ტიპი: ღონისძიება

1918 წლის 30 ნოემბრის მთავრობის სხდომაზე მოისმინეს იუსტიციის მინისტრის მოხსენება კავკავის ოლქის სასამართლოდან პალატაში გადმოცემული საქმეების თერგის ან მთიელ ხალხთა კავშირის რესპუბლიკისთვის გადაცემის შესახებ. დაადგინეს: გადაეცეს თერგის წარმომადგენელს.

1918

ტიპი: ღონისძიება

1918 წლის 30 ნოემბრის მთავრობის სხდომაზე საგარეო საქმეთა მინისტრის მოხსენება ეხებოდა საბერძნეთის კონსულის მიმართვას ბინიათ-ოღლების უძრავი ქონებისა და თამბაქოს კონფისკაციის საქმეს. დაადგინეს: დაუყოვნებლივ მოიხსნას რევიზია ბინიათ-ოღლის ქონებაზე და დაუბრუნდეს მას თავისი საქონელი; რაც შეეხება მურად ზაქარიას ძე ბინიათ-ოღლის, მისი საკითხი გადაწყდეს მისი დანაშაულის გამოკვლევის შემდეგ.