1919

ტიპი: ღონისძიება

1919 წელს აკაკი ჩხენკელი უცხოეთში საქართველოს დამოუკიდებლობის ცნობაზე მუშაობდა. ამავე დროს ის, როგორც საქართველოს სოციალ-დემოკრატიული პარტიის დელეგატი, ბერნში სოციალისტური ინტერნაციონალის პირველ (ომის შემდეგ) კონფერენციას ესწრებოდა, სადაც საქართველოს დამოუკიდებლობის ცნობის შესახებ პირველი რეზოლუცია მიიღეს.

1918

ტიპი: ღონისძიება

1918 წლის 18 სექტემბერს განათლების სამინისტროს სატეხნიკო და საპროფესორო სასწავლებლების მთავარგამგემ თბილისის პირველი კომერციული სასწავლებლის დირექტორს გაუგზავნა მინისტრის 18 სექტემბრის N50,51 ბრძანების პირი. დოკუმენტს ხელს აწერენ მთავარგამგის ნაცვლად გიორგი ალმასხანის ძე ჭუმბურიძე და საქმისმწარმოებელი ლ. ხარაძე.

1918

ტიპი: ღონისძიება

აკაკი ჩხენკელი მონაწილეობას ღებულობდა ქართული უნივერსიტეტის დაარსებაში.

1893

ტიპი: ღონისძიება

1893 წელს თბილისის სასულიერო სემინარიაში მოხდა არეულობა, რომელსაც აკაკი ჩხენკელის მონაწილეობით საიდუმლო სოციალისტური ჯგუფი ხელმძღვანელობდა.

1919

ტიპი: ღონისძიება

თბილისის ვაჟთა მერვე გიმნაზიის დირექტორი განათლების სამინისტროს სთხოვდა ნებართვას ივანე ბერიაშვილისთვის იმ მძიმე და რთული შრომის გამო, რომელსაც ის ეწეოდა მისცემოდა გიმნაზიის სპეციალური თანხიდან ერთდროული დახმარება 1200 მანეთი. განათლების სამინისტრომ დირექტორის თხოვნა არ დააკმაყოფილა.

1919

ტიპი: ღონისძიება

1919 წელს ივანე ბერიაშვილმა სახალხო განათლების მინისტრის ამხანაგს წერილით თბილისის ერთ-ერთ ვაჟთა გიმნაზიაში მსოფლიო ისტორიის ან საქართველოს ისტორიის მასწავლებლის ადგილს სთხოვდა.

1919

ტიპი: ღონისძიება

თბილისის ქალთა მესამე გიმნაზიის დირექტორი სახალხო განათლების სამინისტროს სთხოვდა, 1919 წლის პირველი სექტემბრიდან მის მიერ რწმუნებულ გიმნაზიაში ქართული ისტორიის შტატის მასწავლებლად დაენიშნათ თბილისის მერვე გიმნაზიის მასწავლებელი ივანე სიმონის ძე ბერიაშვილი.

1919

ტიპი: ღონისძიება

1919 წელს პეტერბურგის პოლიტექნიკური ინსტიტუტის მეტალურგიული განყოფილების მეხუთე კურსის სტუდენტმა დავით ბერეკაშვილმა განათლების მინისტრს ევროპაში სპეციალობის გაღრმავების მიზნით გაგზავნის თხოვნით მიმართა.

ტიპი: ღონისძიება

იაკობ ნიკოლაძემ გამოაქანდაკა შოთა რუსთაველის ბიუსტი თბილისის შოთა რუსთაველის სახელობის თეატრისთვის.

1922

ტიპი: ღონისძიება

1922 წლის იანვარში გაზეთ „ბარრიკადის“ რედაქციამ მიიღო შემდეგი წიგნები: ტიციან ტაბიძისა და გიორგი ლეონიძის რედაქტორობით გამოცემული „რევოლუციის პოეტები“, ნიკოლოზ შიუკაშვილის „სულელი“, ვასილ ბარნოვის მონოგრაფია „არსენა“ და ანატოლი ლუნაჩარსკის „მეფის დალაქი“.

1922

ტიპი: ღონისძიება

1922 წლის იანვარში „ქიმერიონის“ პატარა დარბაზში ე. წ. „ესთეტიურ საღამოზე“ სიტყვით გამოვიდნენ გრიგოლ რობაქიძე და პაოლო იაშვილი.

1922

ტიპი: ღონისძიება

1922 წლის იანვარში ტიციან ტაბიძემ კლუბ „ქიმერიონის“ პატარა დარბაზში წაიკითხა მოხსენება „ჩვენი სეზონი.“

ტიპი: ღონისძიება

ტიციან ტაბიძისა და გიორგი ლეონიძის რედაქტორობით გამოიცა წიგნი „რევოლუციის პოეტები“.

1922

ტიპი: ღონისძიება

1922 წლის გაზეთ „ბარრიკადის“ ცნობით, ვალერიან სიდამონ-ერისთავმა დახატა და ხელოვანთა სასახლეს გადასცა დავით კლდიაშვილის, ტიციან ტაბიძისა და ნიკო სულხანიშვილის პორტრეტები.

1920

ტიპი: ღონისძიება

1920 წლის 22 ივლისს სახალხო გვარდიის საგანგებო ბატალიონის და საინჟინრო გუნდის კულტ. საგანმანათლებლო კომისია მეორე მუშათა კლუბში (პლეხანოვის გამზ. N129) გამართავს საღამოს ამ ბატალიონის აზერბაიჯანთან ბრძოლის დროს დახოცილ გვარდიელთა ოჯახების დასახმარებლად. მოხსენებას გააკეთებს სახალხო გვარდიის მთ. შტაბის თავმჯდომარე ვალიკო ჯუღელი, იუწყება „ერთობა“.

1920

ტიპი: ღონისძიება

1920 წლის 17 ივლისს სასამართლოს პროკურორმა შინაგან საქმეთა მინისტრს აცნობა, რომ განკარგულება გასცა „საქართველოს კომუნისტისა“ და „კომუნისტის“ გამოცემის შეჩერების შესახებ, მათი რედაქტორების -- ორახელაშვილისა და თუმანოვის დაპატიმრების შესახებ. გამოძიებას აწარმოებს გამომძიებელი დილევსკი. ორახელაშვილი მიიმალა.

1920

ტიპი: ღონისძიება

1920 წლის 18 ივლისს დეპ. აკაკი ჩხენკელი ჩავიდა ქუთაისში, სადაც კლუბ „ინტერნაციონალში“ მოხსენებით გამოვიდა, იქიდან გაემგზავრება ტყიბულში, ხონსა და სამტრედიაში, სადაც გააკეთებს მოხსენებებს.

1920

ტიპი: ღონისძიება

1920 წლის 15 ივლისის „ერთობა“ იუწყება, რომ მომრიგებელმა კამერამ აირჩია სპეციალური კომისია მადისონის თავმჯდომარეობით კამერის წესდების შესამუშავებლად.

1920

ტიპი: ღონისძიება

1920 წლის 14 ივლისს „ერთობაში“ დაიბეჭდა ბორჯომ-პარკის მემანგარე მგალობლიშვილის რედაქციისადმი გაგზავნილი წერილი იმის შესახებ, რომ იგი მემანგარეთა საგანგებო კომიტეტის დადგენილებით, თანამდებობიდან კომისიისადმი მიყენებული შეურაცხყოფის გამო გაათავისუფლეს. მისი აზრით, ეს ბრალდება სიმართლეს არ შეესაბამებოდა. მან რკინიგზის უფროს ა. კანდელაკს მუქარისა და გამოუძიებლად მისი სამსახურიდან გათავისუფლების გამო პასუხი მოსთხოვა, საქმის გამოძიება კი გზათა სამინისტროს სთხოვა.

1920

ტიპი: ღონისძიება

1920 წლის 15 ივლისის „ერთობა“ იუწყება, რომ დაიწყო სახალხო უნივერსიტეტის სარეორგანიზაციოდ არჩეული კომიტეტის სხდომები, რომელთა თავმჯდომარე იყო უნივერსიტეტის რექტორი ივანე ჯავახიშვილი. გადაწყდა სწავლების სისტემის შეცვლა, სასწავლებლად საუკეთესო განათლებული ძალების მოწვევა, მათ შორის თბილისის სახელმწიფო უნვერსიტეტიდან და სხვ. მსმენელები უმთავრესად მუშები უნდა ყოფილიყვნენ.

1920

ტიპი: ღონისძიება

1920 წლის 12 ივლისს გამართულ ქალაქის საბჭოს სხდომაზე თავმჯდომარემ, ალექსანდრე ლომთათიძემ განაცხადა, რომ ბევრს სურს საქართველო მოქალაქეობა, მაგრამ ქვეშევრდომობის კანონს აქვს დეფექტები, ამიტომ შეუძლებელია მოწმობების გაცემა. საბჭომ ამ საკითხზე სამსჯელოდ აირჩია კომისია ალ. ლომთათიძის, მელიტომ რუსიას, ივანე გომართლის, ალექსანდრე მდივნისა და ის. გუნცაძის შემადგენლობით.

1920

ტიპი: ღონისძიება

1920 წლის 15 ივლისის „ერთობა“ იუწყება, რომ შრომის სამინისტროს საქმეების გამგე ილია გოლდმანი ბათუმში შრომის კომისარიატის მოსაწყობად გაემგზავრა.

1920

ტიპი: ღონისძიება

1920 წლის 14 ივლისის „ერთობაში“ დაიბეჭდა გამო სკლიარის (მ. კაპანაძის ფსევდონიმი) წერილი 2 ივლისს გამართული რკინიგზელთა პროფ. კავშირების კონფერენციის შესახებ. სხდომას თავმჯდომარეობდა ბერეჟიანი, დაესწრო შრომის მინისტრის მოადგილე ალექსანდრე ბახტაძე, მოხსენება წაიკითხა ვ. სიხარულიძემ, სიტყვით გამოვიდა დელეგატი მიქაია.

1920

ტიპი: ღონისძიება

1920 წლის 14 ივლისის „ერთობა“ იუწყება, რომ დუშეთის მოქალაქეთა მიტინგი გვარდიისა და ჯარის მონაწილეობით გაეცნო ბათუმის ოლქის საქართველოსთვის გადმოცემას და კმაყოფილებით აღნიშნა ხელმძღვანელთა პოლიტიკის გამარჯვება. მიტინგის თავმჯდომარე ჭონიშვილი.

1920

ტიპი: ღონისძიება

1920 წელს თბილისის მე-3 ვაჟთა გიმნაზიის მე-8-კლასელთა სიას, რომლებიც ატესტატს იღებდნენ, ხელს აწერენ პედაგოგიური საბჭოს თავმჯდომარე ალექსანდრე საფაროვი და წევრები: მიხეილ ზარგარიანი, მიხეილ გიორგაძე, სერგეი ცივილინი, ალექსანდრე მირზოიანი, ნერსეს ტერ-მიქაელიანი, არშაკ ტერ-ავაკიანი, სულ 18 პირი.