რეგისტრირებული ფაქტები29373
ფილტრი:
სორტირება ახალი ჩანაწერების მიხედვით
1921
ტიპი: ღონისძიება
1921 წლის 27 იანვრის გაზეთ „საქართველოს“ ცნობით, იუსტიციის მინისტრის მოადგილე ვლადიმერ ნესტორის ძე ქუთათელაძე სამსახურებრივი საქმეების გამო ქუთაისში გაემგზავრა.
1921
ტიპი: ღონისძიება
1921 წლის 27 იანვარს საქართველოს დემოკრატიული პარტიის კონფერენციის დახურვისას ალექსანდრე ასათიანმა წარმოთქვა სიტყვა, რომელშიც აღნიშნა პარტიების გაერთიანების მნიშვნელობა და მათ წარმატება უსურვა.
1898
ტიპი: ღონისძიება
1898 წლის აგვისტოში სათავადაზნაურო თეატრში ლეოპოლდო ფრეგოლის მოწვევას გეგმავდნენ. მსახიობმა შეთავაზების გაცნობის შემდეგ დიდი თანხა მოითხოვა.
1898
ტიპი: ღონისძიება
1898 წლის 28 აგვისტოს „ცნობის ფურცლის“ მიხედვით, ლეოპოლდო ფრეგოლი პეტერბურგში წარმოდგენებს მართავდა.
1898
ტიპი: ღონისძიება
1898 წლის 28 აგვისტოს „ცნობის ფურცლის“ მიხედვით, მიხეილის ქუჩაზე მდებარე ე. ასლამაზოვის საქალებო-პროფესიონალურ სკოლაში სწავლა პირველი სექტემბრიდან იწყებოდა.
1898
ტიპი: ღონისძიება
1898 წლის 28 აგვისტოს „ცნობის ფურცლის“ მიხედვით, მიხეილის ქუჩა N101-ში მდებარე ე. ასლამაზოვის საქალებო-პროფესიონალურ სკოლაში მოსწავლეებს კაბის კერვასა და ქარგვას ასწავლიდნენ.
1921
ტიპი: ღონისძიება
1921 წლის 29 იანვრის გაზეთ „საქართველოს“ ცნობით, მთავრობამ მოისმინა მოხსენება ფინანსთა მინისტრ კონსტანტინე კანდელაკის მოადგილეთა დანიშვნის შესახებ. დადგინდა, მინისტრის მოადგილე სიმონ ლუკას ძე ავალიანი ერობათა კავშირის მთავარი კომიტეტის თავმჯდომარედ დანიშვნის გამო, გათავისუფლებულიყო დაკავებული თანამდებობიდან, ხოლო მოადგილეებად დაენიშნათ: იოსებ ბეჟანის ძე სალაყაია და იოსებ აარონის ძე ელიგულაშვილი.
1885
ტიპი: ღონისძიება
1885 წლის 12 მაისს ლეჩხუმში ქართველთა შორის წერა-კითხვის გამავრცელებელი საზოგადოების სასარგებლოდ გამართულ სალიტერატურო საღამოში მონაწილეობისთვის ქაიხოსრო გელოვანმა საჯაროდ მადლობა გადაუხადა ნინა ერისთავ-გელოვანისას, ოსანა გელოვანისას, იასონ ჩიქოვანს, იასონ გელოვანს, მელიტონ და დისიონ ახვლედიანებს, ლევან ჩხოტუას, სეტო გელოვანისას და ლ. გელოვანისას.
1885
ტიპი: ღონისძიება
1885 წლის ივნისში ფშავში საქონლის ჭირი გავრცელდა, მოსახლეობა მაზრის უფროსის, ლევან ჯანდიერის იმედად იყო.
1885
ტიპი: ღონისძიება
1885 წლის ივნისში მიხეილ მაჩაბელი ფშავში სახასო გლეხების ცხოვრებისა და მდგომარეობის შესასწავლად გაგზავნეს.
1885
ტიპი: ღონისძიება
1885 წლის ივნისში „რადუგამ“ დააწესა საჩუქარი იმ პირისთვის, რომელიც ერთმოქმედებიან მხიარულ პიესას დაწერდა. პიესის ერთ-ერთი შემფასებელი ალექსანდრე სუმბათაშვილიც იქნებოდა.
1921
ტიპი: ღონისძიება
1921 წლის 27 იანვარს საქართველოს დემოკრატიული პარტიის კონფერენციამ მისასალმებელი დეპეშა გაუგზავნა საქართველოს მთავრობის თავმჯდომარე ნოე ჟორდანიას, ასლი − სამხედრო მინისტრ გრიგოლ ლორთქიფანიძეს და მთავარსარდალს, გენერალ ილია ოდიშელიძეს. დეპეშას ხელს აწერდნენ კონფერენციის თავმჯდომარეები: სპირიდონ კედია, გრიგოლ ვეშაპელი, ალექსანდრე ასათიანი, კოტე აფხაზი და ალექსანდრე შანშიაშვილი.
1921
ტიპი: ღონისძიება
1921 წლის 27 იანვარს საქართველოს დემოკრატიული პარტიის კონფერენციამ მისასალმებელი დეპეშა გაუგზავნა საქართველოს უნივერსიტეტის პროფესორთა საბჭოს, ასლი − სტუდენტთა გამგეობას. დეპეშას ხელს აწერდნენ კონფერენციის თავმჯდომარეები: სპირიდონ კედია, გრიგოლ ვეშაპელი, ალექსანდრე ასათიანი, კოტე აფხაზი და ალექსანდრე შანშიაშვილი.
1921
ტიპი: ღონისძიება
1921 წლის 27 იანვარს საქართველოს დემოკრატიული პარტიის კონფერენციის დადგენილებით, მთავარ კომიტეტში სრულუფლებიან წევრებად შედიოდნენ სამაზრო კომიტეტების ყველა თავმჯდომარე, ქუთაისის კომიტეტიდან - თავმჯდომარე და მისი მოადგილე. კონფერენციამ სარევიზიო კომისიის წევრებად აირჩია: გ. ჯანელიძე, ნ. კაიშაური, გრ. ნიჟარაძე, ალ. ლორთქიფანიძე და შ. ბერიძე.
1921
ტიპი: ღონისძიება
1921 წლის 27 იანვარს საქართველოს დემოკრატიული პარტიის კონფერენციამ აირჩია მთავარი კომიტეტი შემდეგი შემადგენლობით: თავმჯდომარეებად - ვასილ წერეთელი და ნიკო ნიკოლაძე, წევრებად - სპირიდონ კედია, გრიგოლ ვეშაპელი, გიორგი გვაზავა, ალექსანდრე ასათიანი, იოსებ მაჭავარიანი, შალვა ქარუმიძე, პართენ გოთუა, კონსტანტინე აფხაზი, რაფიელ ინგილო, შალვა ამირეჯიბი, დავით ვაჩნაძე, რევაზ გაბაშვილი, ივანე ზურაბიშვილი, კონსტანტინე ტყავაძე, იასონ ლორთქიფანიძე, ალექსანდრე ახმეტელი, სერგო დანელია, ტიტე მარგველაშვილი, გიორგი წინამძღვრიშვილი, დიმიტრი ჯავახიშვილი, ნიკოლოზ წვერავა, მიხეილ ჯავახიშვილი, ლევან ჯაფარიძე, იასონ ჯავახიშვილი, მიხეილ იშხნელი, ვახტანგ ღამბაშიძე, ნიკოლოზ თავდგირიძე, ალექსანდრე თორაძე, იასონ აფაქიძე, ნესტორ მაღალაშვილი, გიორგი ამირეჯიბი, იოსებ ხანანაშვილი, დიმიტრი დუმბაძე, ელისე პატარიძე, კალისტრატე მისაბიშვილი და ნიკოლოზ დგებუაძე.
1910
ტიპი: ღონისძიება
1910 წლის 14 მარტს ქართველ მსახიობთა ამხანაგობის დასმა ქართულ თეატრში წარმოადგინა ნიკოლოზ ივანეს ძე შიუკაშვილის „მეგობრობა“ და ივანე გედევანის ძე გომართელის „დრამატული საზოგადოების გამგეობის წევრი“.
1915
ტიპი: ღონისძიება
1915 წლის 22 ნოემბერს ქართველთა შორის წერა-კითხვის გამავრცელებელი საზოგადოების წლიურ კრებას დაესწრო დიმიტრი მოსეს ძე დუმბაძე.
1901
ტიპი: ღონისძიება
1901 წლის 4 ნოემბერს დიმიტრი დუმბაძემ ქართველთა შორის წერა-კითხვის გამავრცელებელი საზოგადოების კრებაზე საზოგადოების წევრობის სურვილი განაცხადა და საწევრო შეიტანა. მისი თავმდებნი იყვნენ: ნიკო ცხვედაძე, პეტრე მირიანაშვილი და ალექსანდრე მიქაბერიძე.
1910
ტიპი: ღონისძიება
1910 წლის 26 თებერვალს კოტე მესხის ბენეფისზე წამოადგინეს სპექტაკლი „სიკვდილი ნაპოლეონისა“, რომელშიც თავად მესხმა ნაპოლეონის როლი შეასრულა.
1922
ტიპი: ღონისძიება
1922 წლის 7 იანვრის გაზეთ „ბარრიკადის“ ცნობით, 1921 წლის დეკემბერში გამართული ცისფერყანწელთა კონფერენციის თავმჯდომარე იყო გრიგოლ რობაქიძე, მდივანი – შალვა აფხაიძე.
1922
ტიპი: ღონისძიება
1922 წლის 7 იანვრის გაზეთ „ბარრიკადის“ ცნობით, ცისფერყანწელების კონფერენციაზე პაოლო იაშვილმა მათი ხუთწლიანი მუშაობის შესახებ მოხსენება წაიკითხა.
1910
ტიპი: ღონისძიება
1910 წლის იანვრიდან ვლადიმერ ალექსი-მესხიშვილი ქუთაისიდან თბილისის თეატრალურ დასში გადავიდა.
1921
ტიპი: ღონისძიება
1921 წლის 19 იანვარს წყალკურთხევის დღეს თელავში მკვლელობა მოხდა. გვარდიელი ფეიქრიშვილი თოფით შეიარაღებული შევიდა ალექსა ღონიაშვილის დუქანში და ესროლა.
1921
ტიპი: ღონისძიება
1921 წლის 27 იანვარს გაიმართა საქართველოს დემოკრატიული პარტიის კონფერენციის ორი კრება. დილის სხდომას გრიგოლ ვეშაპელი თავმჯდომარეობდა, საღამოს − ალექსანდრე ასათიანი.
© პროსოპოგრაფიულ მონაცემთა ბაზა, ლინგვისტურ კვლევათა ინსტიტუტი 2018 -