1919

ტიპი: ნასამართლეობა

1919 წლის ივნისში მილიციამ შეიპყრო ივანე ანდრიას ძე გოგოკაშვილი, რომელიც 30000 მანეთის ღირებულების სახელმწიფო ნივთებს ყიდდა.

1919

ტიპი: ნასამართლეობა

1919 წლის 5 ივნისის გაზეთ „საქართველოს რესპუბლიკის“ ცნობით, მილიციამ შეიპყრო მინას ასრიევი, მიკირტუმ მათეოსოვი, მათეოს მეტაფონოვი, კაჩ. ნახიშკაროვი, რომელთაც წ. ი. ზურაბოვს მოჰპარეს 2000 მანეთი.

1919

ტიპი: ნასამართლეობა

1919 წლის 5 ივნისს სისხლის სამართლის მილიციის უფროსმა პ. ზ. ფაჩულიამ მიიღო ცნობა, რომ გზათა სამინისტროს ავტონაწილებისა და მანქანათა საწყობში სისტემატურად ქურდობდნენ. ნაქურდალი მასალა 70 000 მანეთზე მეტს შეადგენდა. ცნობების შეკრების შემდეგ საწყობის გამგე ჭიაბერაშვილი ქურდობაში გამოტყდა და დააპატიმრეს.

1919

ტიპი: ნასამართლეობა

1919 წლის 5 ივნისის გაზეთ „საქართველოს რესპუბლიკის“ ცნობით, სომხეთის კონსულმა მილიციას განუცხადა, რომ 25 მაისს სადგურიდან ბინაზე ბარგის გადატანის დროს მოჰპარეს 20000 მანეთად ღირებული ჩემოდანი. ეჭვის საფუძველზე შეიპყრეს ი. სიხარულიძე და მეტრეველი.

1919

ტიპი: ნასამართლეობა

1919 წლის 5 ივნისის გაზეთ „საქართველოს რესპუბლიკის“ ცნობით, პ. ზ. ფაჩულიამ სამსახურიდან დაითხოვა მილიციონერი უშიაროვი, რომელსაც მექრთამეობა ბრალდებოდა. ამ საქმეზე მიმდინარეობდა გამოძიება.

1919

ტიპი: ნასამართლეობა

1919 წლის ივნისში საქართველოს მთავრობის სხდომაზე მიიღეს გადაწყვეტილება, უყურადღებოდ დაეტოვებინათ მსჯავრდებულების: მეფარიშვილის, ნაკაიძისა და მიქაბერიძის შუამდგომლობა სასჯელის შეცვლასთან დაკავშირებით.

1919

ტიპი: ნასამართლეობა

1919 წლის 31 მაისის გაზეთ „საქართველოს რესპუბლიკის“ ცნობით, მთავრობამ დაამტკიცა განაჩენი ნიკოლოზ მიქაბერიძის, კონსტანტინე ნაკაშიძის და ვლადიმერ მეფარიშვილის სიკვდილით დასჯის შესახებ. პირველ ორს ბრალდებოდა ოზურგეთის ფოსტაზე თავდასხმა, მესამეს – კომისრის თანაშემწის, ლანჩავას მკვლელობა.

1919

ტიპი: ნასამართლეობა

1919 წლის 31 მაისის გაზეთ „საქართველოს რესპუბლიკის“ ცნობით, შინაგან საქმეთა სამინისტროსთან არსებული რაზმის უფროსმა კედიამ დაატუსაღა ყალბი ფულის მომჭრელნი: ანტონ ხითაროვი და ფილიპე ნიკოლეიშვილი, რომელთაც ჩხრეკის დროს აღმოაჩნდათ ყალბი ბონები და ქაღალდი მათ დასამზადებლად. დაკავებულებმა არ აღიარეს, სად იყო ყალბი ფულის დამამზადებელი მანქანა.

1919

ტიპი: ნასამართლეობა

1919 წლის 31 მაისის გაზეთ „საქართველოს რესპუბლიკის“ ცნობით, დაატუსაღეს მილიციონერი ივანე სიხარულიძე, რომელსაც ბრალად ედებოდა მკვლელობა და სხვა ბოროტმოქმედებანი.

1919

ტიპი: ნასამართლეობა

1919 წლის 31 მაისის გაზეთ „საქართველოს რესპუბლიკის“ ცნობით, პ. ზ. ფაჩულიამ დააპატიმრა უფროსი მილიციონერი პ. პასტალოვსკი, რომელსაც ქრთამის აღება ბრალდებოდა.

1923

ტიპი: ნასამართლეობა

1923 წლის 25 იანვარს ახალციხის პოლიტბიურომ გიორგი ოთხმეზური დააპატიმრა. 24-25 იანვრის ღამეს მოროზოვის ბრძანებით ოთხმეზურის გარდა 18 ადამიანი დაიჭირეს და კიდევ 8 პირის დაჭერას გეგმავდნენ.

1924

ტიპი: ნასამართლეობა

აკაევსკიმ სოხუმის ПРЕДАВЧЕКА-ს ფოსტა-ტელეგრაფით სრულიად საიდუმლოდ გაუგზავნა წერილი, რომლითაც ატყობინებდა, რომ სოხუმში საქმიანობდნენ აქტიური ნაციონალ-დემოკრატები, „ყოფილი КАПТЕНРУС თბილისის თავისუფალი სკოლის კურსანტები, ადამია აკაკი 23 წლის: მაღალი ან საშუალოზე ოდნავ მაღალი, ნორმალური აღნაგობის, წვერგაპარსული, ინგლისურ ყაიდაზე დაყენებული ულვაშით, პირმრგვალი, ჩაჩვრეტილი ლოყებით, შავგვრემანი”. აკაევსკი ითხოვდა, სასწრაფოდ დააკავეთ და გამოაგზავნეთ ЧКГ განკარგულებაშიო. ,,შესაძლოა, მასთან ერთად იყოს 25 წლის გაბუნია გიორგი დავითის ძე, დაბალი, წვრილი პატარა ნიკაპით და სახით. მსხვილი ცხვირით, შავთვალა, შავგვრემანი, შავი, ინგლისურ ყაიდაზე დაყენებული ულვაშით, წვერგაპარსული”. ბრძანება გაცემულია 1924 წლის 26 მაისს, თბილისში N49091 c Зам . предчека соч БЕРИА, СОЧ СЕКО МОРОЗОВ.“

1924

ტიპი: ნასამართლეობა

1924 წლის 2 ივნისს დააპატიმრეს აკაკი ევგენის ძე ადამია. მას ბრალად ედებოდა მიკუთნებულობა ნაციონალ-დემოკრატების პარტიისადმი.

1924

ტიპი: ნასამართლეობა

1924 წლის 30 მაისს, ამავე წლის 23 მარტის დადგენილების თანახმად, კლიმენტი (კალისტრატე) დიმიტრის ძე კალანდარიშვილი ახალ სენაკში თოდუამ დაკითხა. მას ბრალად წაუყენეს საბჭოთა ხელისუფლების წინააღმდეგ იატაკქვეშა არალეგალური საქმიანობა.

1924

ტიპი: ნასამართლეობა

1924 წლის 22 თებერვალს ივანე ქრისტეფორეს ძე ასლამაზაშვილი ბორჩალოს მაზრის პოლიტბიურომ არალეგალური პარტიული საქმიანობის ბრალდებით დააკავა.

1924

ტიპი: ნასამართლეობა

1924 წელს ჩეკაში წარმოებული პირადი საქმის მიხედვით, გრიგოლ ალექსანდრეს ძე შურღაია იყო სენაკის ნაციონალ-დემოკრატების არალეგალური კომიტეტის თავმჯდომარე, აქტიურად მონაწილეობდა ყაჩაღურ თავდასხმებში ნაციონალ-დემოკრატების პარტიის სასარგებლოდ, გეგმავდა წამოსულიყო სენაკიდან და შეერთებოდა პოლიტბანდას. ამიტომ საქართველოს ჩეკაში გადაწყვიტეს, შურღაია დაეკავებინათ 1924 წლის 27 ივნისს.

1924

ტიპი: ნასამართლეობა

1924 წლის 18 ივნისს გრიგოლ ალექსანდრეს ძე შურღაია არალეგალური მუშაობის ბრალდებით დააპატიმრეს .

1924

ტიპი: ნასამართლეობა

1924 წლის 31 ივლისს დაკავებული სოლომონ პეტრეს ძე ბობოკაშვილის დაკითხვის ოქმის მიხედვით, მას ბრალად სდებდნენ მენშევიკობას და მათდამი თანაგრძნობას, რასაც ის კატეგორიულად უარყოფდა და ამბობდა, რომ არასდროს მდგარა მათ მხარეს. მეორე ბრალდება ის იყო, რომ ბობოკაშვილი სახლში მალავდა და იფარებდა ნოე ხომერიკს. ბობოკაშვილის ჩვენებიდან ირკვევა, რომ მისი მეუღლე იყო გურული და ხომერიკი მათ ესტუმრა. მისი თქმით, არ იცოდა, ვინ იყო ეს ადამიანი, ხომერიკმა მათთან დაჰყო 4-5 დღე, რის შემდეგაც ბობოკაშვილმა მეუღლეს სთხოვა სტუმარი სახლიდან გაეშვა. მხოლოდ მას შემდეგ შეიტყო, რომ ხომერიკი იყო. ხომერიკმა ერთხელ მიიყვანა მათთან ვანო ხმალაძეც.

1924

ტიპი: ნასამართლეობა

1924 წლის 2 აგვისტოს წინასწარი დადგენილებიდან ირკვევა, რომ ჩეკას წარმომადგენელი ჯალაღანია გაეცნო დოკუმენტებს, რომლის მიხედვითაც, ბობოკაშვილს ბრალად ედებოდა კონტრრევოლუციონერობა, კერძოდ, მენშევიკების პარტიისადმი მიკუთვნებულობა და აქტიური მუშაობა მათ რიგებში. ამის შემდეგ ჯალაღანიამ გასცა განკარგულება, დაეკავებინათ ბობოკაშვილი და მიეცათ პასუხისგებაში. 2 აგვისტოს გაიცა ბობოკაშილის სახლის ჩხრეკის ორდერი.

1924

ტიპი: ნასამართლეობა

1924 წლის 31 ივლისს სოლომონ პეტრეს ძე ბობოკაშვილი საქართველოს ჩეკამ დააპატიმრა.

ტიპი: ნასამართლეობა

სოლომონ ზაალის ძე ჟორჟოლიანი დააპატიმრეს 1924 წლის 25 მაისს, კომენდატურაში მიიღეს 4 ივნისს („საკამენდატუროში მიღებულია პატიმარი ჟორჟოლიანი სოლომონ“, ხელს აწერს თანამშრომელი მესხი), საქმის წარმოება დაიწყო 1924 წლის 11 აგვისტოს. იქამდე, 3 ივნისს, დაკავებული დაჰკითხა ძაგანიამ. ჟორჟოლიანს ბრალად ედებოდა არალეგალური მუშაობა საბჭოთა ხელისუფლების წინააღმდეგ, ასევე ის, რომ საკუთარ ძმასთან ერთად ყოველდღე წმენდდა იარაღს. (ოქმზე, რომელშიც ჟორჟოლიანს შევსებული აქვს საკუთარი მონაცემები დაპატიმრების დროდ მითითებულია 25 მაისი, უფრო ქვემოთ დაკავებულის ხელმოწერის დღედ მითითებულია 4 მაისი).

1924

ტიპი: ნასამართლეობა

1924 წლის 12 მაისს დაკავებულმა ივლიანე მაქსიმეს ძე ჩახავამ შიმშილობა გამოაცხადა და ცალკე საკანში გადაყვანა მოითხოვა.

1924

ტიპი: ნასამართლეობა

1924 წლის 12 იანვრის დადგენილების მიხედვით, პასუხისმგებელმა მორიგემ ДЧКК ხიტაროვმა განიხილა 1917 წლის რევიზორ კონსტანტინე ნიკოლოზის ძე ჩემიას პროტოკოლი, საიდანაც ირკვევა, რომ ჩახავა 1918 წელს იყო მენშევიკების მთავრობაში და როგორც  განსაკუთრებული საგვარდიო ნაწილის უფროსი, მონაწილეობდა ბოლშევიკების გამოსვლების ჩახშობაში. ის იყო საომარი საველე სასამართლოს თავმჯდომარეც, რომელიც ხვრეტდა ტყვედ აყვანილ ბოლშევიკებს ყაზბეგის რაიონში 1918 წელს.

1924

ტიპი: ნასამართლეობა

19 მაისს საქჩეკას N1 განყოფილების რწმუნებულის თანაშემწე მელიქაძემ განიხილა სულიაშილის საქმე და დაასკვნა, რომ მიუხედავად იმისა, რომ დაკავებული კატეგორიულად უარყოფდა ს/დ პარტიასთან კავშირს და თავს უპარტიოდ წარმოადგენდა, აგენტურის ცნობებით დასტურდებოდა, რომ იგი იყო სოციალ-დემოკრატიული პარტიის თბილისის სამაზრო არალეგალური კომიტეტის თავმჯდომარე. გამომძიბელი მოითხოვდა მისი 3 წლის იზოლაციის წესით დაპატიმრებას, წინასწარი დაკავების ვადის ჩაუთვლელად და ამნისტიის უფლების გარეშე. სულიაშვილი მოათავსეს მეტეხის N2 გამსახლში.

1924

ტიპი: ნასამართლეობა

1924 წლის 21 აპრილს ანდრია სოკრატეს ძე სულიაშვილმა დაკითხვაზე პარტიულობა კატეგორიულად უარყო. ძიებისთვის საინტერესო იყო მისი ნაცნობობა 1924 წლის აჯანყების მონაწილეებთან, ესენი იყვნენ: დათა ქავთარაძე, პართენ ხურციძე, ალექსანდრე კინწურაშვილი, ვანო ქაიხოსროშვილი, ვალერიან ბილანიშვილი, ნიკა კვერნაძე, ნესტორ იმნაიშვილი და სოსო წულუკიძე.