საქართველოს პროსოპოგრაფია

ფაქტები

რეგისტრირებული ფაქტები1239

ფილტრი:
ფაქტის ტიპი ნასამართლეობა

1900

ტიპი: ნასამართლეობა

1900 წელს კონსტანტინე ანდრონიკაშვილი კიევის ციხეში დატუსაღებული იყო ხუთი თვე, რის შემდეგაც ჟანდარმერიის უფროსმა მიხეილ ნავიცკიმ წინადადება მისცა, 24 საათში დაეტოვებინა ქალაქი.

1911

ტიპი: ნასამართლეობა

1911 წელს შალვა ამირეჯიბი სოციალ-ფედერალისთა პარტიის მეთაურებთან ერთად დაატუსაღეს, თუმცა ამ დროს ის პარტიის რიგებში აღარ ირიცხებოდა.

1909

ტიპი: ნასამართლეობა

1909 წლის ნოემბერში იოსებ აბაკელია ხელმეორედ დაიჭირეს და ხუშჩევის პოლიციის ნაწილში მოათავსეს. დეკემბრის ბოლოს, შიმშილის გამოცხადების შემდეგ, იგი გაანთავისუფლეს.

1907

ტიპი: ნასამართლეობა

1907 წლის 4 ნოემბერს იოსებ აბაკელია დაატუსაღეს ოდესაში, სადაც 21 თვე ციხეში მარტო იჯდა, შემდეგ სამხედრო-საოლქო სასამართლომ სხვებთან ერთად გაასამართლა და უდანაშაულოდ ცნო.

1918

ტიპი: ნასამართლეობა

1918 წლის 14 მაისს ვერის რაიონის წითელი გვარდიის წევრებს აცნობეს, რომ შტაბის რიგით სხდომაზე კომისიაში, რომელიც განიხილავდა მეხუთე დესანტის ჯარისკაცი პავლე ბროძელის დაკავების საქმეს, შტაბის თავმჯდომარედ აირჩიეს სტეფან კაიტანჯიანი, მდივნად – ევგენი კალანდარიშვილი, წევრად – სოლომონ არეშიძე. დოკუმენტს ხელი მოაწერეს სტეფან კაიტანჯიანმა და მდივანმა ევგენი კალანდარიშვილმა.

1922

ტიპი: ნასამართლეობა

1922 წლის თებერვალში სიღნაღის მაზრის ერთ-ერთ სოფელში ქაქუცა ჩოლოყაშვილს შეხლა-შემოხლა მოუხდა ხელისუფლებასთან, რის გამოც ის დაიჭირეს. იმავე პერიოდში, სიღნაღის რევკომში ჩეკადან ქაქუცა ჩოლოყაშვილის დატუსაღებისა და თბილისში გაგზავნის საიდუმლო ბრძანება მიიღეს. რევკომში მდივნად მსახურობდა ქაქუცას ათასეულის ერთი ყოფილი ოფიცერი, კაპიტანი დათა გომელაური, მან მიღებული ბრძანება გადამალა და ეს ამბავი მეგობრებს შეატყობინა. ჩოლოყაშვილის რაზმის წევრები იმავე ღამეს რევკომს თავს დაესხნენ, გალახეს მილიცია და გაათავისუფლეს ქაქუცა. ორი-სამი დღე ალვანის ტყეში დაბანაკდნენ მიხა ბალიაშვილი, ვანო თამაზაშვილი, სოსო ლოსაბერიძე, მიშა ნაცვლიშილი, ს. ჩითინაშვილი და ქიზიყელი ბიჭი ქარუმა.

1920

ტიპი: ნასამართლეობა

1920 წლის 19 მაისის გაზეთ „საქართველოს რესპუბლიკის“ ცნობით, სამთო სამმართველოს სინჯების შემმოწმებელმა განყოფილებამ ყალბი სინჯები აღმოაჩინა, რის შესახებაც საგანგებო რაზმს აცნობა. შეიპყრეს ოქრომჭედლები: ბაღდასაროვი და კარაპეტოვი.

1920

ტიპი: ნასამართლეობა

1920 წლის მაისში შინაგან საქმეთა სამინისტროს ზუგდიდიდან შეატყობინეს, რომ ხანგრძლივი დევნის შემდეგ დაიჭირეს სენაკის სატუსაღოდან გაქცეული პატიმრები: ბიგვავა, ქაჯაია და გვასალია.

1920

ტიპი: ნასამართლეობა

1920 წლის 2 მაისის ღამეს სამხედრო სასწავლებელზე თავდასხმის გამო ერემიანცს, მუშეგიანცსა და ბრიანცს სამხედრო სასამართლომ სიკვდილი მიუსაჯა.

1920

ტიპი: ნასამართლეობა

1920 წლის აპრილში გურიაში ცნობილი კომუნისტი და ოქტომბერ-ნოემბრის აჯანყების მეთაური თევდორე კალანდაძე დააპატიმრეს.

1920

ტიპი: ნასამართლეობა

1920 წლის აპრილში განსაკუთრებულმა რაზმმა აღმოაჩინა მეხუთე ბატალიონის ცეხგაუზიდან მოპარული დაახლოებით 300 000 მანეთის ღირებულების საქონელი. ქურდი აღმოჩნდა მეშვიდე ბატალიონის ჯარისკაცი ცანავაძე.

1920

ტიპი: ნასამართლეობა

1920 წლის აპრილში ქუთაისის მილიციამ ცნობილი ბოლშევიკი თენგიზ ჟღენტი დაატუსაღა, რომელიც ქუთაისში პროპაგანდისა და ფარული ორგანიზაციების მოსაწყობად იყო ჩასული.

1920

ტიპი: ნასამართლეობა

1920 წლის აპრილში ნიკოლოზ ალექსანდრეს ძე თარხანოვი ბინაში აღმოჩენილი ბოლშევიკური სტამბის გამო მილიციამ დააპატიმრა.

1918

ტიპი: ნასამართლეობა

1918 წლის დეკემბერში ძეგვის ხიდის აფეთქებაში ბრალდებულებს სასამართლომ განაჩენი გამოუტანა. ინჟინერ გ. ლ. შმაგილოვს და მ. კუჩარიანცს მიესაჯათ დახვრეტა, ხოლო ბრალდებული კურილიანი გაამართლეს. ბრალდებულებს სამი კვირის განმავლობაში ჰქონდათ საკასაციო გასაჩივრების უფლება.

1918

ტიპი: ნასამართლეობა

1918 წელს ხაშურში პარლამენტის წევრი რ. ზორიანი მილიციამ საქართველოს საწინააღმდეგო აგიტაციისთვის შეიპყრო.

1918

ტიპი: ნასამართლეობა

1918 წელს თბილისის გენერალ-გუბერნატორის ბრძანებით დაიხურა სომხური გაზეთები „აშხატაორი,“ „ნორ-ორიზონი,“ „კავკასკოე სლოვო“, რომელთა შემადგენლობა და რედაქტორი ვ. ს. ანანოვი თბილისელი სომხებისათვის აჯანყებისა და ამბოხების მოწოდების გამო დააპატიმრეს.

1918

ტიპი: ნასამართლეობა

1918 წელს ანდრეევის ქუჩაზე მდებარე გორბაჩოვის მაღაზიდან ექვსმა ბოროტმოქმედმა 10 ათასი მანეთის სხვადასხვა საქონელი მოიპარა. ექვსივე დაატუსაღეს.

1920

ტიპი: ნასამართლეობა

1920 წლის 6 მარტის გაზეთ „საქართველოს რესპუბლიკის“ ცნობით, სასამართლოს ცოლის მკვლელობისთვის სტოლერმანისთვის უვადო პატიმრობა უნდა მიესაჯა, მაგრამ გაამართლა.

1920

ტიპი: ნასამართლეობა

1920 წლის 17 თებერვლის გაზეთ „საქართველოს რესპუბლიკის“ ცნობით, თბილისის მეორე უბნის კომისარმა შეიპყრო ივ. გულიაევი, ვ. ზაიცევი, ვ. ლებედინსკი, ვასილ და მარიამ გულიაევები და არსენ ლებედინსკი, რომელთაც მოწყობილი ჰქონდათ ფართო ორგანიზაცია და სისტემატურ ქურდობას ეწეოდნენ.

1918

ტიპი: ნასამართლეობა

1918 წლის ოქტომბერში შრომის კომისარმა დაათვალიერა აბრამოვიჩისა და ამხანაგობის მაკარონის ქარხანა და აღმოაჩინა მცირეწლოვანთა შესახებ მუშაობის კანონის დარღვევა. კომისარმა ქარხნის პატრონს ოქმი შეუდგინა და პასუხისგებაში მისცა.

1918

ტიპი: ნასამართლეობა

1918 წლის ოქტომბერში მილიციამ შეიპყრო საეჭვო ეტლი, რომლითაც 20 ათასი მანეთის ღირებულების საცვლები მიჰქონდათ. კომისარმა დააპატიმრა ოფიცრები ჯაჯანოვი და წერეთელი, რომელთაც ბრალდებოდათ ეს ქურდობა.

1920

ტიპი: ნასამართლეობა

1920 წლის 21 იანვრის გაზეთ „საქართველოს რესპუბლიკის“ ცნობით, სამსახურებრივი დანაშაულის გამო დააპატიმრეს ახალციხის საპყრობილის უფროსი ჩიქოვანი. ის გადმოგზავნეს თბილისში მეტეხის ციხეში მოსათავსებლად.

1920

ტიპი: ნასამართლეობა

1920 წლის იანვარში დუშეთის საგანგებო სამხედრო-საველე სასამართლომ სიკვდილით დასჯა მიუსაჯა ტუსაღებს: გრიქულა ისაიანს, შაქრო ლალიაშვილს, ალექსი ვერძელს.

1919

ტიპი: ნასამართლეობა

1919 წლის 21 დეკემბრის გაზეთ „საქართველოს რესპუბლიკის“ ცნობით, მილიციამ დააპატიმრა გაბრიელ მილორავა, რომელმაც 500 მანეთი ქრთამი აიღო რკინიგზის ცენტრალური ფურნის პატრონების მურუსიძისა და მაძღარაშვილისგან.

1918

ტიპი: ნასამართლეობა

1918 წლის 13 სექტემბერს შავი ზღვის რკინიგზის წარმომადგენელი, ინჟინერი მატრიონინსკი გზათა სამინისტროს თბილისში სარკინიგზო სამუშაოების განახლებაში ეხმარებოდა.